୯ ମାସର ଶିଶୁକୁ କୋରୋନା, ପିତା ତବଲିଗି ଜମାତର ଜଲସାରେ ହୋଇଥିଲେ ସାମିଲ

ଡେରାଡୁନ: ୯ ମାସର ଶିଶୁ କୋରୋନା ପଜିଟିଭ । ଘଟଣାଟି ଉତ୍ତରାଖଣ୍ଡର ବୋଲି ଜଣାପଡ଼ିଛି । ୯  ମାସର ନବଜାତ ଶିଶୁକୁ ତାଙ୍କ ପିତାଙ୍କ ସ୍ପର୍ଶରେ ଆସିବାରୁ ଏହି ମହାମାରୀ ଭାଇରସ ସଂକ୍ରମିତ କରିଛି । ଶିଶୁର ବାପା ଟବଲିଗି ଜାମାତର ଜଲସାରୁ ଫେରିଥିଲେ । ଅଧିକାରୀମାନେ ଶନିବାର ଏହି ସୂଚନା ଦେଇଛନ୍ତି । ଅଧିକାରୀ ଏହା କହି ନାହାଁନ୍ତି ଯେ ଏହି କାର୍ଯ୍ୟକ୍ରମ କେଉଁଠାରେ ଅନୁଷ୍ଠିତ ହୋଇଥିଲା କିମ୍ବା ଶିଶୁର ପିତାଙ୍କ ସଂକ୍ରମଣ କେବେ ନିଶ୍ଚିତ ହୋଇଛି । ଶୁକ୍ରବାର ଉତ୍ତରାଖଣ୍ଡରେ କୋରୋନା ଭାଇରସ ସଂକ୍ରମଣର ତିନୋଟି ନୂତନ ମାମଲାରେ ଏହି ଶିଶୁ ମଧ୍ୟ ସାମିଲ ଥିଲା ।

ସ୍ୱାସ୍ଥ୍ୟ ବିଭାଗର ପ୍ରବକ୍ତା କହିଛନ୍ତି ଯେ, ସର୍ବଶେଷ ମାମଲା ସାମ୍ନାକୁ ଆସିବା ପରେ ରାଜ୍ୟରେ ସଂକ୍ରମିତ ବ୍ୟକ୍ତିଙ୍କ ସଂଖ୍ୟା ୪୦କୁ ବୃଦ୍ଧି ପାଇଛି । ଏହି ଶିଶୁକୁ ଡେରାଡୁନର ଜାଖାନ ଅଞ୍ଚଳର ଏକ ବିଦ୍ୟାଳୟରେ ଅଲଗା ରଖାଯାଇଛି । ଡେରାଡୁନରେ କୋଭିଡ-19 ପାଇଁ ଚିକିତ୍ସିତ ହେଉଥିବା ତବଲିଗି ଜାମାତର ୧୦ ଜଣ ସଦସ୍ୟଙ୍କ ମଧ୍ୟରୁ ଶିଶୁର ପିତା ଅନ୍ୟତମ ।

ସେ କହିଛନ୍ତି ଯେ, ଶିଶୁର ମା' ମଧ୍ୟରେ କୋରୋନା ସଂକ୍ରମଣ ପୃଷ୍ଟି ହୋଇନାହିଁ । ଶିଶୁଙ୍କ ବ୍ୟତୀତ ଶୁକ୍ରବାର କରୋନା ଭାଇରସ ସଂକ୍ରମଣରେ ସାମରିକ ଡାକ୍ତରଖାନାରେ ପୋଷ୍ଟ କରାଯାଇଥିବା ଜଣେ ମହିଳା ଅଧିକାରୀ ଏବଂ ନୈନିତାଲ ଜିଲ୍ଲାର ତବଲିଗି ଜାମାତର ଜଣେ ସଦସ୍ୟ ଅଛନ୍ତି ।

ମହିଳା ଅଧିକାରୀ ତାଲିମ ନେବା ପରେ ନିକଟରେ ଲକ୍ଷ୍ନୌରୁ ଫେରିଥିଲେ । ଅନୁସନ୍ଧାନ ଚାଲିଛି ଯେ ମହିଳା ଅଧିକାରୀଙ୍କ କାହା ସ୍ପର୍ଶରେ ଆସି ସଂକ୍ରମଣ ହୋଇଥିଲେ । ତବଲିଗି ଜମାତର ଜଣେ ସଦସ୍ୟ ହଲଡୱାନୀସ୍ଥିତ ସୁଶୀଲା ତିୱାରୀ ହସ୍ପିଟାଲରେ ଚିକିତ୍ସିତ ହେଉଛନ୍ତି ବୋଲି ସ୍ୱାସ୍ଥ୍ୟ ବିଭାଗର ପ୍ରବକ୍ତା କହିଛନ୍ତି ।