କୋରୋନା କବଳରେ ଆମିର ଖାନଙ୍କ ଷ୍ଟାଫ

ନୂଆଦିଲ୍ଲୀ: ବଲିଉଡ଼ର ବରିଷ୍ଠ ଅଭିନେତା ଅମିର ଖାନଙ୍କ ନିକଟତମ ଷ୍ଟାଫ କୋରୋନା ଆକ୍ରାନ୍ତ ହୋଇଛନ୍ତି। ଏନେଇ ଅମିର ଖାନ ନିଜେ ସୂଚନା ଦେଇଛନ୍ତି। ଏହି ଖବର ସାମ୍ନାକୁ ଆସିବା ପରେ ଆମିର  ତାଙ୍କ ପରିବାର ସଦସ୍ୟଙ୍କ ମଧ୍ୟର କୋରୋନା ଟେଷ୍ଟ କରାଇ ଦେଇଛନ୍ତି। ତେବେ ଆମିରଙ୍କ ପରିବାର ସଦସ୍ୟଙ୍କ କୋରୋନା ଟେଷ୍ଟ ନେଗେଟିଭ ଆସିଥିବା ଜଣାପଡ଼ିଛି। ଏହା ସହିତ ବ୍ରିହାନ ମୁମ୍ବାଇ କର୍ପୋରେସନକୁ ତ୍ୱରିତ କାର୍ଯ୍ୟାନୁଷ୍ଠାନ ପାଇଁ ଧନ୍ୟବାଦ ଅର୍ପଣ କରିଛନ୍ତି। 

ଏନେଇ ସେ ଟ୍ୱିଟରରେ ଏକ ପୋଷ୍ଟ କରିଛନ୍ତି। ଆମିର ଏକ ପୋଷ୍ଟରେ ଲେଖିଛନ୍ତି କି, ଆପଣ ସମସ୍ତଙ୍କୁ କହିଦେବାକୁ ଚାହେଁ ଯେ, ମୋର କିଛି ଷ୍ଟାଫ କୋରୋନା ପଜିଟିଭ ଆସିଛନ୍ତି। ତାଙ୍କୁ ତୁରନ୍ତ କ୍ୱାରେଣ୍ଟାଇନରେ ରଖାଯାଇଛି। ବିଏମସି ଅଧିକାରୀମାନେ ସେମାନଙ୍କର ଚିକିତ୍ସା ପାଇଁ ତୁରନ୍ତ ବ୍ୟବସ୍ଥା କରିଛନ୍ତି। ସେ ଆହୁରି ମଧ୍ୟ ଲେଖିଛନ୍ତି ଯେ, ମୁଁ ବିଏମସିକୁ ଧନ୍ୟବାଦ ଦେବାକୁ ଚାହେଁ। କାରଣ ବିଏମସି ଅଧିକାରୀମାନେ ବେଶ ତତ୍ପରାତର ସର କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି।  ମୋ ପରିବାରର ସମସ୍ତ ସଦସ୍ୟଙ୍କର ମଧ୍ୟ କୋରୋନା ଟେଷ୍ଟ କରାଯାଇଛି। ସମସ୍ତଙ୍କର ନେଗେଟିଭ ଆସିଥିବା ଜଣାପଡ଼ିଛି ବୋଲି ସେ ଲେଖିଛନ୍ତି। 

ଭଗବାନଙ୍କୁ ପ୍ରାର୍ଥନା କରୁଛି କି ମୋ ମା'ଙ୍କର ମଧ୍ୟରେ ନେଗେଟିଭ ଆସୁ ବୋଲି ଆମିର ଲେଖିଛନ୍ତି। ସେ ଆହୁରି ମଧ୍ୟ ଲେଖିଛନ୍ତି କି, କୋକିଳାବେନ ଡାକ୍ତରଖାନାର ଡାକ୍ତର, ନର୍ସ ଓ ଅବଶିଷ୍ଟ ଷ୍ଟାଫଙ୍କୁ ମଧ୍ୟ ଧନ୍ୟବାଦ ଦେବାକୁ ଚାହିଁବି। କାରଣ ସେଠାରେ ଚିକିତ୍ସା ବ୍ୟବସ୍ଥା ବେଶ ଉନ୍ନତ ରହିଛି। ସେମାନଙ୍କ ସେବା ମନୋଭାବକୁ ମଧ୍ୟ ମୁଁ ଧନ୍ୟବାଦ ଦେବାକୁ ଚାହିଁବି। ଭଗବାନଙ୍କୁ ପ୍ରାର୍ଥନା କରୁଛି ଯେ, ସମସ୍ତେ ଏହି ସଂକଟ ସମୟରେ ସୁସ୍ଥ ରୁହନ୍ତୁ ଓ ଭଲରେ ରୁହନ୍ତୁ ବୋଲି ଆମିର ଖାନ ଲେଖିଛନ୍ତି। 

ଏଠାରେ କହି ରଖୁଛୁ କି, ଅମିର ଖାନଙ୍କ ପୂର୍ବରୁ ବୋନି କପୁର ଓ କରଣ ଜୋହରଙ୍କ ମଧ୍ୟ କିଛି ଷ୍ଟାଫ ମଧ୍ୟ କୋରୋନା ଆକ୍ରାନ୍ତ ହୋଇ ସାରିଛନ୍ତି। ଏପରିକି ସିଙ୍ଗର କନିକା କପୁର ଓ ଅଭିନେତା କିରଣ କପୁର ମଧ୍ୟ କୋରୋନା ସଂକ୍ରମିତ ହୋଇ  ସାରିଛନ୍ତି। ଚିକିତ୍ସା ହୋଇ ସୁସ୍ଥ ହୋଇ ସାରିଛନ୍ତି।