ଦେଶରେ ୪ ଲକ୍ଷ ଟପିଲା କୋରୋନା ସଂକ୍ରମିତଙ୍କ ସଂଖ୍ୟା

ନୂଆଦିଲ୍ଲୀ: ଭାରତରେ କୋରୋନା ଭାଇରସ ସଂକ୍ରମଣ ମାମଲା କମ୍ ହେବାର ନାଁ ନେଉନାହିଁ । ଶନିବାର ଦେଶରେ କୋରୋନା ସଂକ୍ରମିତ ମାମଲା ୪ ଲକ୍ଷ  ଅତିକ୍ରମ କରିଛି । ଗତ ୨୪ ଘଣ୍ଟା ମଧ୍ୟରେ ଦେଶରେ ୧୯,୦୦୦ରୁ ଅଧିକ କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏହା ପରେ ସଂକ୍ରମିତଙ୍କ ସଂଖ୍ୟା ୪,୦୦,୪୧୨କୁ ବୃଦ୍ଧି ପାଇଛି । ଏଥି ସହିତ ଦେଶରେ ଏହି ମାରାତ୍ମକ ଭୂତାଣୁ ଯୋଗୁଁ ୧୩୦୦୦ରୁ ଅଧିକ ଲୋକ ପ୍ରାଣ ହରାଇଛନ୍ତି । କୋରୋନା ସଂକ୍ରମଣ କ୍ଷେତ୍ରରେ ଭାରତ ବିଶ୍ୱରେ ଚତୁର୍ଥ ସ୍ଥାନରେ ରହିଛି । କେବଳ ଆମେରିକା, ବ୍ରାଜିଲ ଏବଂ ଋଷ ପଛରେ ରହିଛି ।

ଶନିବାର ସକାଳେ ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ଗୋଟିଏ ଦିନରେ ୧୪,୫୦୦ରୁ ଅଧିକ ନୂଆ କୋରୋନା ମାମଲା ସାମ୍ନାକୁ ଆସିବା ପରେ ଦେଶରେ ସମୁଦାୟ କୋରୋନା ସଂକ୍ରମିତ ସଂଖ୍ୟା ୩.୯୫ ଲକ୍ଷ ଅତିକ୍ରମ କରିଛି । ଏହି ଭୂତାଣୁ ଯୋଗୁଁ ଏପର୍ଯ୍ୟନ୍ତ ୧୨,୯୪୮ ଜଣ ସଂକ୍ରମିତଙ୍କର ମୃତ୍ୟୁ ହୋଇଛି । ଏଥି ସହିତ ଗତ ୨୪ ଘଣ୍ଟା ମଧ୍ୟରେ ସର୍ବାଧିକ ୧୪,୫୧୬ ନୂତନ କୋରୋନା ମାମଲା ରିପୋର୍ଟ ହୋଇଛି । ଏହାସହ ଗତ ୨୪ ଘଣ୍ଟାରେ ୩୭୫ ଜଣ ସଂକ୍ରମିତ ଲୋକ ପ୍ରାଣ ହରାଇଛନ୍ତି । ଅବଶ୍ୟ ଏହା ଏକ ଆଶ୍ୱସ୍ତିକର ବିଷୟ ଯେ, ୨,୧୩,୮୩୧ ଜଣ ସଂକ୍ରମିତ କୋରୋନାକୁ ପରାସ୍ତ କରିବାରେ ସକ୍ଷମ ହୋଇଛନ୍ତି । ଦେଶରେ ସୁସ୍ଥ ହେବା ହାର ୫୪.୧୨ ପ୍ରତିଶତରେ ପହଞ୍ଚିଛି ।

Add Zee News as a Preferred Source