ରସିଦ ଖାନଙ୍କ ମା'ଙ୍କ ଦେହାନ୍ତ, ଟ୍ୱିଟ କରି ଲେଖିଲେ ଏଭଳି ବାର୍ତ୍ତା...

ନୂଆଦିଲ୍ଲୀ: ଆଫଗାନିସ୍ତାନର ସ୍ପିନର ରଶିଦ ଖାନଙ୍କ ମା'ଙ୍କର ଶୁକ୍ରବାର ଦେହାନ୍ତ ହୋଇ ଯାଇଛି। ଏନେଇ ରଶିଦ ଖାନ ନିଜେ ଟ୍ୱିଟରରେ ଏକ ବାର୍ତ୍ତା ମାଧ୍ୟମରେ ସୂଚନା ଦେଇଛନ୍ତି। ସେ ତାଙ୍କ ଟ୍ୱିଟରରେ ଲେଖିଛନ୍ତି କି, ଏବେ ମୋ ମା ମୋ ନିକଟରେ ଆଉ ନାହାନ୍ତି। ତାଙ୍କର ଦେହାନ୍ତ ହୋଇ ସାରିଛି। ମୁଁ ତୁମକି ବହୁତ ମିଶ କରିବି ବୋଲି ସେ ତାଙ୍କ ଟ୍ୱିଟର ହ୍ୟାଣ୍ଡେଲରେ ଲେଖିଛନ୍ତି। 

ତେବେ ଅନ୍ୟ କ୍ରିକେଟରମାନେ ତାଙ୍କୁ ସାନ୍ତ୍ୱନା ଦେଇ ଟ୍ୱିଟ କରିଛନ୍ତି। ରସିଦ ତାଙ୍କ ଟ୍ୱିଟରେ ଆହୁରି ଲେଖିଛନ୍ତି, ମାଆ ତୁମେ ମୋର ଘର ଥିଲ, ମୋର ଘର ନଥିଲା କିନ୍ତୁ ତୁମେ ମୋ ନିକଟରେ ସବୁବେଳେ ରହିଥିଲ। ମୁଁ ବିଶ୍ୱାସ କରିପାରୁ ନାହିଁ ଯେ ତୁମେ ଆଉ ମୋ ସହିତ ନାହଁ । ମୁଁ ତୁମକୁ ସବୁବେଳେ ମନେ ପକାଇବି । 'ରେଷ୍ଟ ଇନ ପିସ' । ରସିଦଙ୍କ ଟ୍ୱିଟରେ ପାକିସ୍ତାନୀ କ୍ରିକେଟର ଅହମ୍ମଦ ଶେହଜାଦ ଏବଂ ମହମ୍ମଦ ଆମିର ଟ୍ୱିଟ କରି ସେମାନଙ୍କୁ ସାନ୍ତ୍ୱନା ଦେଇଛନ୍ତି।

ଭାରତୀୟ କ୍ରିକେଟର ତଥା ୱିକେଟ୍ କିପର ରିଦ୍ଧିମାନ ସାହା ରସିଦଙ୍କ ମା'ଙ୍କ ଉଦ୍ଦେଶ୍ୟରେ ଟ୍ୱିଟ୍ କରି ତାଙ୍କୁ ସମବେଦନା ଜଣାଇଛନ୍ତି। ଉଲ୍ଲେଖନୀୟ କଥା ହେଉଛି, ୧୨ ଜୁନରେ ରସିଦ୍ ଟ୍ୱିଟ୍ କରିଥିଲେ ଯେଉଁଥିରେ ସେ ତାଙ୍କ ମା ବିଷୟରେ ଲେଖିଥିଲେ ଯେ ତାଙ୍କ ମା ଅସୁସ୍ଥ ଅଛନ୍ତି। ରସିଦ ସମସ୍ତ ପ୍ରଶଂସକଙ୍କୁ ପ୍ରାର୍ଥନା କରିବାକୁ କହିଥିଲେ।

ଏଠାରେ କହି ରଖୁଛୁ ଯେ, ରସିଦ ଆଇପିଏଲରେ ସନରାଇଜର୍ସ ହାଇଦ୍ରାବାଦ (SRH) ତରଫରୁ ଖେଳିଥିଲେ । ରସିଦ ଏପର୍ଯ୍ୟନ୍ତ ଆଇପିଏଲରେ ୪୬ଟି ମ୍ୟାଚ୍ ଖେଳିଛନ୍ତି ଏବଂ ୫୫ ୱିକେଟ୍ ନେବାରେ ସଫଳ ହୋଇଛନ୍ତି । ରସିଦ ଖାନ ଆଇପିଏଲରେ ହାଇଦ୍ରାବାଦ ଦଳର ଜଣେ ଗୁରୁତ୍ୱପୂର୍ଣ୍ଣ ବୋଲର ବୋଲି ପ୍ରମାଣିତ କରିଛନ୍ତି।

ଆନ୍ତର୍ଜାତୀୟ କ୍ୟାରିୟରରେ ରସିଦ ଏପର୍ଯ୍ୟନ୍ତ ୪ଟି ଟେଷ୍ଟରେ ୨୩ ୱିକେଟ୍ ନେଇଛନ୍ତି। ODIରେ ତାଙ୍କ ନାମରେ ୧୩୩ଟି ୱିକେଟ୍ ହାସଲ କରିଥିବା ବେଳେ ଟି-୨୦ ମ୍ୟାଚରେ ସେ ୮୯ଟି ୱିକେଟ୍ ନେଇଛନ୍ତି। ଏହି ରେକର୍ଡ ହାସଲ କରିବାରେ ରସିଦ ବିଶ୍ୱର ଚତୁର୍ଥ ବୋଲର । ଲାସିଥ ମାଲିଙ୍ଗା ଅନ୍ତର୍ଜାତୀୟ ଟି-୨୦ ମ୍ୟାଚରେ ମୋଟ ୧୦୭ଟି ଓ୍ୱିକେଟ ଅକ୍ତିଆର କରି ଶୀର୍ଷ ସ୍ଥାନରେ ରହିଛନ୍ତି।