ଆଫଗାନ ପୋଲିସକୁ ମିଳିଲା ବଡ ସଫଳତା, ବିଗତ ୨୪ ଘଣ୍ଟାରେ ଗଡିଲା ୨୫ ଆତଙ୍କୀ ମୁଣ୍ଡ

ଆପଗାନିସ୍ତାନରେ ଚାଲିଥିବା ଆତଙ୍କବାଦ ବିରୋଧି ଅଭିଯାନରେ ସୁରକ୍ଷାବଳକୁ ମିଳିଛି ବଡ ସଫଳତା ।

କାବୁଲ: ଦେଶରୁ ଆତଙ୍କବାଦର ମୂଳୋତ୍ପାଟନ କରିବା ଲାଗି ଆଫଗାନିସ୍ତାନ ପକ୍ଷରୁ ଚାଲିଥିବା ଆତଙ୍କବାଦୀ ବିରୋଧି ଅଭିଯାନରେ ମିଳିଛି ବଡ ସଫଳତା । ଏହିକ୍ରମରେ ଦେଶର ପୂର୍ବ ଭାଗରେ ଅବସ୍ଥିତ ଲୋଗାର ପ୍ରଦେଶ (Logar Province) ଠାରେ ସୁରକ୍ଷାବଳ (Afghan Security Force) ହୋଇଥିବା କାର୍ଯ୍ୟାନୁଷ୍ଠାନରେ ୨୫ ଆତଙ୍କବାଦୀ ଟଳି ପଡିଥିବା ବେଳେ, ୧୮ ଆହତ ହୋଇଛନ୍ତି ।

ଏହି କାର୍ଯ୍ୟାନୁଷ୍ଠାନ ବାବଦରେ ସ୍ପଷ୍ଟ କରିଛନ୍ତି ପ୍ରଦେଶର ପୋଲିସ ମୁଖପାତ୍ର । ଏନେଇ କୁହାଯାଇଛି ଆତଙ୍କବାଦୀଙ୍କ ପକ୍ଷରୁ ବାରାକି ବାରକ ଜିଲ୍ଲାର ପୁଲ ଏ ଆଲମର ସୁକାର କାଲା, ତାକିକାଲା ଠାରେ ଥିବା ପୋଲିସ ଚେକ ପଏଣ୍ଟ ଉପରେ ପ୍ରଥମେ ଆକ୍ରମଣ କରିଥିଲେ  ଆତଙ୍କବାଦୀ । ଏହା ପରେ ସୁରକ୍ଷା ବଳ ପକ୍ଷରୁ ହୋଇଥିବା ପାଲଟା ଆକ୍ରମଣରେ ୨୫ ଆତଙ୍କୀ ମୁଣ୍ଡ ଗଡିବା ସହ ୧୮ ଆହତ ହୋଇଥିବା ଜଣାଇଛନ୍ତି ଶାଫୁର ଅହମ୍ମଦଜାଇ । ପୋଲିସ ଆତଙ୍କବାଦୀଙ୍କ ନିକଟରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରିଛି । ଦେଶରେ ସମାନ୍ତରାଳ ଶାସନ ଚଳାଇଥିବା ତାଲିବାନ ଆତଙ୍କୀ ସଙ୍ଗଠନ (Taliban Terror Group) ଏ ଘଟଣାରେ କୌଣସି ପ୍ରତିକ୍ରିୟା ରଖିନାହିଁ ।