ଜଳ ଓ ସ୍ଥଳ ପରେ ଜାତିସଂଘରେ ଚୀନକୁ ଭାରତର ମାତ୍

ଜିନୁ ଜେନା, ନୂଆଦିଲ୍ଲୀ: ସ୍ଥଳ ଓ ଜଳଭାଗରେ ଶତ୍ରୁ ରାଷ୍ଟ୍ର ଚୀନକୁ ଭାରତ(India) ଘେରିବା ପରେ ଏବେ ଆଉ ପାଦେ ଆଗକୁ ଯାଇ କୁଟନୀତି (Diplomatic Level)ସ୍ତରରେ ଚୀନକୁ ପାନେ ଦେଇଛି । ଏବେ ବିଶ୍ୱର ସବୁଠୁ ମର୍ଯ୍ୟାଦାଜନକ ଗୃହ ଜାତିସଂଘ (United Nation) ରେ ଭାରତ (India) ଚୀନ (China) କୁ ମାତ୍ ଦେଇଛି. ଚୀନକୁ ହରାଇ ଇକୋନୋମିକ ସୋସିଆଲ କାଉନସିଲ ବା ସାମାଜିକ ପରିଷଦ (ECOSOC)ର ଅଧିନ ମହିଳା ଆୟୋଗର ସଦସ୍ୟ ଭାବେ ଭାରତ ନିର୍ବାଚିତ ହୋଇଛି । 

ଅଧିକ ପଢନ୍ତୁ: କୋରୋନାକୁ ନେଇ WHO ଦେଲା ଚେତାବନୀ

ମିଳିତ ଜାତିସଂଘରେ ଭାରତର ରାଷ୍ଟ୍ରଦୂତ ଟି.ଏସ୍ ତିରୁମୁର୍ତ୍ତୀ (T S tirumurty) ଟ୍ୱିଟ କରି କହିଛନ୍ତି, ୧୯୪୬ରେ ଗଠିତ ମିଳିତ ଜାତିସଂଘ (United Nation) ର ଆୟୋଗ ହେଉଛି ECOSOCରେ ଏକ ଆୟୋଗ ଯାହା ଲିଙ୍ଗଗତ ସମାନତା ଏବଂ ମହିଳାଙ୍କ ସଶକ୍ତିକରଣକୁ ପ୍ରୋତ୍ସାହିତ କରିବାକୁ ଲକ୍ଷ୍ୟ ରଖିଛି । ସଦସ୍ୟ ରାଷ୍ଟ୍ରମାନଙ୍କୁ ସେମାନଙ୍କ ସମର୍ଥନ ପାଇଁ ଆମେ ଧନ୍ୟବାଦ ଦେଉଛୁ। 

ଏହି ନିର୍ବାଚନରେ ଭାରତ, ଆଫଗାନିସ୍ତାନ ଓ ଚୀନ୍ ପ୍ରତିଦ୍ୱନ୍ଦ୍ୱିତା କରିଥିଲେ. ୫୪ଟି ଦେଶ ଉପସ୍ଥିତ ଏବଂ ଭୋଟ୍ ସହିତ ଭାରତ ୩୮ଟି ଭୋଟ୍ ପାଇଛି । ଆଫଗାନିସ୍ତାନ ମଧ୍ୟ ୩୯ ଭୋଟ୍ ସହ ଏକ ଆସନ ଜିତିଛି। ଚୀନ୍ ଅଧା ଭୋଟ ବି ସଂଗ୍ରହ କରି ନ ପାରି ପରାଜୟର ସମ୍ମୁଖୀନ ହୋଇଛି । ୨୦୨୧ରୁ ୨୦୨୫ ପର୍ଯ୍ୟନ୍ତ ୪ ବର୍ଷ ପାଇଁ ଭାରତ ମିଳିତ ଜାତିସଂଘର କମିଶନ ଅୱ୍ ଷ୍ଟେଟ୍ସ ଅଫ୍ ଓମେନର ସଦସ୍ୟ ରହିବ । ମିଳିତ ଜାତିସଂଘରେ ଭାରତର ସ୍ଥାୟୀ ପ୍ରତିନିଧୀ ଟି.ଏସ୍ ତିରୁମୁର୍ତ୍ତୀଙ୍କୁ ମଧ୍ୟ ଏହାର କିଛି ଶ୍ରେୟ ଯାଉଛି ।

ଅଧିକ ପଢନ୍ତୁ: ଦିଲ୍ଲୀ ହିଂସା: ୧୦ ଦିନ ରିମାଣ୍ଡରେ ଉମର

ଏହା ପୂର୍ବରୁ ଜୁନ୍ ୧୮ ତାରିଖରେ ଭାରତ ମିଳିତ ଜାତିସଂଘ ସୁରକ୍ଷା ପରିଷଦ (UNSC)ରେ ସ୍ଥାୟୀ ସଦସ୍ୟ ଭାବରେ ନିର୍ବାଚିତ ହୋଇଥିଲା। ମୋଟ ୧୯୨ ଭୋଟ ମଧ୍ୟରୁ ୧୮୪ ଭୋଟ୍ ପାଇଥିଲା । ଭାରତର ଏହି ସଫଳତା ଦେଖି ଚୀନ୍ ଏବେ ହତବାକ୍ ହୋଇପଡ଼ିଛି । ଏଥିରୁ ଗୋଟିଏ କଥା ସ୍ପଷ୍ଟ ଯେ ଚୀନ୍ ଭାରତ ବିରୋଧରେ ଯେତିକି ବଢ଼ିବ ଭାରତ ତାକୁ ନିଜ ସୀମାରେ ଏବଂ ଅନ୍ତର୍ଜାତୀୟ ସ୍ତରରେ ସେତିକି ଘେରିବ । ଶେଷରେ ଚୀନର ହିଁ କ୍ଷତି ହେବା ସାର ହେବ ।