ସମସ୍ତ ଅଙ୍ଗନୱାଡି କେନ୍ଦ୍ର ବନ୍ଦ, ପୁଣି ରଣକ୍ଷେତ୍ରରେ ୱାର୍କର-ହେଲପର୍

ଚଣ୍ଡୀଗଡ: ବର୍ଦ୍ଧିତ କୋରୋନା ସଂକ୍ରମଣ ଦେଶବ୍ୟାପୀ ଆଲୋଡନ ସୃଷ୍ଟିକରିଛି। ବର୍ଷେ ପୂର୍ବେ ଦେଶରେ ଯେଉଁ ସ୍ଥିତି ଥିଲା ବର୍ତ୍ତମାନ ସେଭଳି ସ୍ଥିତି ଉପୁଜିଛି। ଚଣ୍ଡୀଗଡରେ ଗତ ୧୫ ଦିନରେ ପ୍ରାୟ ୨୦୦୦ ଛାତ୍ରଛାତ୍ରୀ କୋରୋନା ଚିହ୍ନଟ ହୋଇଛନ୍ତି। ଏହାପରେ ସ୍ଥାନୀୟ ପ୍ରଶାସନ କୋଠର ପଦକ୍ଷେପ ନେଇଛି। ଆସନ୍ତା ୩୧ ତାରିଖ ପର୍ଯ୍ୟନ୍ତ ସମସ୍ତ ଶିକ୍ଷାନୁଷ୍ଠାନ ବନ୍ଦ କରିବାକୁ ନିର୍ଦ୍ଦେଶ ଦେଇଛି।

ଗତ ସୋମବାର ହଠାତ ଚଣ୍ଡୀଗଡର ସମସ୍ତ ସ୍କୁଲ ଓ କଲେଜ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଥିଲା। ଆଉ ଆଜିଠୁ ଅଙ୍ଗନୱାଡି (Anganwadi centers) ବନ୍ଦ କରାଯାଇଛି। କୋରୋନା ଯୋଦ୍ଧା (Covid Warrior) ର ମାନ୍ୟତା ପାଇଥିବା ଅଙ୍ଗନୱାଡି କର୍ମୀ ଓ ସହାୟିକା ପୁଣି ରଣକ୍ଷେତ୍ରକୁ ଓହ୍ଲାଇବେ। ପ୍ରଶାସନର ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ସେମାନେ କେନ୍ଦ୍ରର ଦୈନନ୍ଧୀନ କାର୍ଯ୍ୟ କରିବେ। ସ୍କୁଲ ଓ କଲେଜରେ ଶିକ୍ଷକ ଯିବେ କିନ୍ତୁ ଛାତ୍ରଛାତ୍ରୀଙ୍କୁ ଆଗମନ ଉପରେ କଟକଣା ଲଗାଯାଇଛି।

Add Zee News as a Preferred Source

ସେହିପରି ମାର୍ଚ୍ଚ ୩୧ ପର୍ଯ୍ୟନ୍ତ ଚଣ୍ଡୀଗଡ (Chandigarh) ପ୍ରଶାସନ ଏକ ନିର୍ଦ୍ଧିଷ୍ଟ କୋରୋନା (Coronavirus) ଗାଇଡଲାଇନ ଜାରି କରିଛି। ଯେଉଁଠି ସର୍ବସାଧାରଣରେ ହୋଲି (Holi) ଖେଳକୁ ବାରଣ କରାଯାଇଛି। ସେହି ଦିନ ବାର, ରେସ୍ତୋରା, ସିନେମା ହଲ୍ ବନ୍ଦ ରହିବ। ଅନ୍ୟ ଦିନ ଗୁଡିକରେ ପ୍ରଶାସନର ଅନୁମତିରେ କୌଣସି ଉତ୍ସବ ପାଳନ କରାଯାଇ ପରିବ। ହୋଟେଲ ଗୁଡିକ ରାତି ୧୧ଟା ପରେ ଅର୍ଡର ନେବେ ନାହିଁ ବୋଲି କୁହାଯାଇଛି। ତେବେ ଯେଉଁମାନେ ଗାଇଡଲାଇନ ପାଳନ ନ କରନ୍ତି ତେବେ ତାଙ୍କ ବିରୁଦ୍ଧରେ କୋଠର କାର୍ଯ୍ୟାନୁଷ୍ଠାନର ବ୍ୟବସ୍ଥା କରାଯାଇଛି।