ଅଗଷ୍ଟ ୧୨ ଯାଏ ସମସ୍ତ ରେଗୁଲାର ଟ୍ରେନ ରଦ୍ଦ, କେବଳ ଚାଲିବ ସ୍ପେଶାଲ ଟ୍ରେନ

ନୂଆଦିଲ୍ଲୀ: କୋରୋନା ଭୂତାଣୁ ସଂକ୍ରମଣ ମାମଲାରେ ଆଶାତୀତ ବୃଦ୍ଧିକୁ ଦୃଷ୍ଟିରେ ରଖି ଭାରତୀୟ ରେଲୱେ ନିଷ୍ପତ୍ତି ନେଇଛି ଯେ ନିୟମିତ ଯାତ୍ରୀବାହୀ ଟ୍ରେନ୍ ଚଳାଚଳ ଉପରେ ରୋକ ଲଗାଇଛି । ଏହା ଆସନ୍ତା ଅଗଷ୍ଟ ୧୨ ଯାଏଁ ଲାଗୁ ରହିବ । ରେଳବାଇ ଏ ବାବଦରେ ଏକ ସର୍କୁଲାର ଜାରି କରିଛି । ରେଳବାଇ କହିଛି ଯେ କୌଣସି ନିୟମିତ ଯାତ୍ରୀବାହୀ ଟ୍ରେନ୍ କିମ୍ବା ମେଲ୍ ଏକ୍ସପ୍ରେସ ଟ୍ରେନ୍ ଅଗଷ୍ଟ ୧୨ ପର୍ଯ୍ୟନ୍ତ ଚାଲିବ ନାହିଁ ।

ଏହା ସହିତ ରେଳବାଇ କହିଛି ଯେ, ଜୁନ୍ ୧ରୁ ଅଗଷ୍ଟ ୧୨ ପର୍ଯ୍ୟନ୍ତ ନିୟମିତ ଟ୍ରେନ୍ ସେବା ପାଇଁ ଟିକେଟ୍ ବୁକ୍ କରିଥିବା ଯାତ୍ରୀମାନଙ୍କ ପାଇଁ ସମସ୍ତ ଟିକେଟ୍ ବାତିଲ କରାଯାଇଛି । ଏହି ତାରିଖଗୁଡିକରେ ଟିକେଟ୍ ନେଇଥିବା ଯାତ୍ରୀଙ୍କୁ ଟଙ୍କା ଫେରସ୍ତ କରାଯିବ ।

It has also been decided that all the ticket booked for the regular time-tabled trams for the journey date from 01.07.20 to 12.08.20 also stand cancelled: Railway Board https://t.co/t62D3GjOUP

Add Zee News as a Preferred Source

— ANI (@ANI) June 25, 2020

କେବଳ ସ୍ୱତନ୍ତ୍ର ଟ୍ରେନ୍ ଚାଲିବ

ଏହାପୂର୍ବରୁ ମେ ୧୩ ତାରିଖର ନିର୍ଦ୍ଦେଶରେ ରେଳବାଇ ବୋର୍ଡ କହିଥିଲା ଯେ, ନିୟମିତ ଟ୍ରେନର ବୁକିଂ ଜୁନ୍ ୩୦ ପର୍ଯ୍ୟନ୍ତ ବାତିଲ କରାଯାଉଛି । ଯାତ୍ରୀମାନେ ସମ୍ପୂର୍ଣ୍ଣ ଟଙ୍କା ଫେରସ୍ତ ପାଇବେ । ବର୍ତ୍ତମାନ ଟ୍ରେନ୍ ବାତିଲ୍ ତାରିଖ ବଢ଼ାଇ ଦିଆଯିବା ପରେ ରିଫଣ୍ଡ ସୁବିଧା ମଧ୍ୟ ଅଗଷ୍ଟ ୧୨ ପର୍ଯ୍ୟନ୍ତ ବୃଦ୍ଧି କରାଯାଇଛି । ଏହି ଅବଧି ମଧ୍ୟରେ ମେ ୧୨ରୁ ଚାଲୁଥିବା ସ୍ୱତନ୍ତ୍ର ରାଜଧାନୀ ଟ୍ରେନ୍ ଓ ଜୁନ୍ ୧ରୁ ଚାଲୁଥିବା ସ୍ପେଶାଲ୍ ମେଲ୍ / ଏକ୍ସପ୍ରେସ ଟ୍ରେନ୍ ପୂର୍ବ ପରି ଚାଲୁଥିବ ।

ଏହା ସହିତ ରେଳବାଇ କହିଛି ଯେ, ଜୁନ୍ ୧ରୁ ଅଗଷ୍ଟ ୧୨ ପର୍ଯ୍ୟନ୍ତ ଯେଉଁ ନିୟମିତ ଟ୍ରେନ୍ ସେବା ପାଇଁ ଟିକେଟ୍ ବୁକ୍ କରିଥିଲା । ସେହି ଯାତ୍ରୀମାନଙ୍କ ସମସ୍ତ ଟିକେଟ୍ ବାତିଲ କରାଯାଇଛି । ଏହି ତାରିଖଗୁଡିକରେ ଟିକେଟ୍ ନେଇଥିବା ଯାତ୍ରୀଙ୍କୁ ରେଲୱେ ଟିକେଟ ଟଙ୍କା ଫେରସ୍ତ କରିବ ।