LAC ସ୍ଥିତି ଉପରେ ଡୋଭାଲଙ୍କ ନଜର

ନୂଆଦିଲ୍ଲୀ: ଲଦାଖରେ ସୀମା ବିବାଦକୁ ନେଇ ପୁଣି ଚୀନ ଓ ଭାରତୀୟ ସେନାଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି। ଗତ ୨୮ ଓ ୨୯ ତାରିଖରେ ସୀମାରେ ଉଭୟ ଭାରତ ଓ ଚୀନୀ ସେନାଙ୍କ ମଧ୍ୟରେ ଉତ୍ତେଜନା ଲାଗି ରହିଥିଲା। ତେବେ ଏହି ବିବାଦର ସମାଧାନ ପାଇଁ ଆଜି ସକାଳ ୧୦ଟା ଠାରୁ ଚୁଶୁଲ ଠାରେ କମାଣ୍ଡର ସ୍ତରୀୟ ଆଲୋଚନା ଜାରି ରହିଛି। ଆଉ ଏହା ଉପରେ ନଜର ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କର ଦୃଷ୍ଟି ମଧ୍ୟ ରହିଛି। 

ଏହି ଆଲୋଚନା ପୂର୍ବରୁ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ LAC ସ୍ଥିତିର ସମୀକ୍ଷା କରୁଛନ୍ତି। ଡୋଭାଲ ମଧ୍ୟ ଚୀନ୍ ସହିତ କମାଣ୍ଡର ସ୍ତରୀୟ କଥାବାର୍ତ୍ତା ଉପରେ ନଜର ରଖିଛନ୍ତି। ପରିସ୍ଥିତିକୁ ସମୀକ୍ଷା କରିବା ପାଇଁ ଅଜିତ ଡୋଭାଲ ଗତକାଲି ଏକ ଗୁରୁତ୍ୱପୂର୍ଣ୍ଣ ବୈଠକ କରିଥିଲେ। ଏହି ସଭାରେ ଗୃହ ସଚିବ ତଥା ଗୁପ୍ତଚର ଏଜେନ୍ସିର ମୁଖ୍ୟ ମଧ୍ୟ ଉପସ୍ଥିତ ଥିଲେ। ଚୀନ୍ ସହିତ ତିକ୍ତତା ସମ୍ପର୍କରେ ଗୁପ୍ତଚର ସଂସ୍ଥା ଡୋଭାଲଙ୍କୁ ସୂଚନା ଦେଇଛନ୍ତି। ଡୋଭାଲ ଚୀନ୍ ସହିତ କମାଣ୍ଡର ସ୍ତରୀୟ କଥାବାର୍ତ୍ତା ଉପରେ ନଜର ରଖିଛନ୍ତି।

ଗତ ୨୯-୩୦ ତାରିଖରେ ଚୀନ୍ ସେନାମାନେ ଲଦାଖର ପାଙ୍ଗୋଙ୍ଗ ହ୍ରଦର ଦକ୍ଷିଣରେ କିଛି ଅଞ୍ଚଳ ଦଖଲ କରିବାକୁ ଚେଷ୍ଟା କରିଥିଲେ। ଏହି ବେଆଇନ ଦଖଲ ପାଇଁ ପ୍ରାୟ ୫ ଶହରୁ ଊର୍ଦ୍ଧ୍ୱ ଚୀନ୍ ସେନା ଆସିଥିଲେ। ଚୀନ୍ ସେନାଙ୍କର ଦଉଡି ଏବଂ ଅନ୍ୟାନ୍ୟ ଉପକରଣ ରହିଥିବା ଦେଖିବାକୁ ମିଳିଥିଲା । ଚୀନର ସେନାମାନେ ରାତିର ଅନ୍ଧାରରେ ବ୍ଲାକ୍ ଟପ୍ ଏବଂ ଠାକୁଙ୍ଗ ହାଇଟ୍ସ ମଧ୍ୟରେ ଟେବୁଲ୍ ଟପ୍ ଅଞ୍ଚଳ ଉପରକୁ ଚଢିବା ଆରମ୍ଭ କରିଥିବା ସୂଚନା ରହିଥିଲା। ଏହାପୂର୍ବରୁ କିନ୍ତୁ ଭାରତୀୟ ସେନା ପ୍ରସ୍ତୁତ ରହିଥିଲା ।

ସେଠାରେ ସେଠାରେ ପୂର୍ବରୁ ନିୟୋଜିତ ଥିବା ଭାରତୀୟ ସେନାମାନେ ଚୀନୀ ସେନାଙ୍କୁ କଡ଼ା ଜବାବ ଦେଇଥିଲେ। ଫଳରେ ପାଙ୍ଗୋଙ୍ଗ ଅଞ୍ଚଳରୁ ଚୀନୀ ସେନା ଓହରିବାକୁ ବାଧ୍ୟ ହୋଇଥିଲା। ଭାରତୀୟ ସେନାର ଏହି ପରାକ୍ରମ ଦେଖି ଚୀନୀ ସେନା ପଛକୁ ହଟିବାକୁ ବାଧ୍ୟ ହୋଇଥିବା ଜଣାପଡ଼ିଛି। ତେବେ ଏହି ଘଟଣାରେ ଉଭୟ ସେନାଙ୍କ ପକ୍ଷରୁ ଗୋଟିଏ ବି ଗୁଳି ବିନିମୟ ହୋଇ ନଥିବା ସୂଚନା ରହିଛି। 

ଏଠାରେ ଉଲ୍ଲେଖଯୋଗ୍ୟ ଚୀନୀ ଏହି ଧୋକାବାଜି କରିବାରେ ବେଶ ଧୁରନ୍ଧର। ଏଲଏସି ବିବାଦକୁ ନେଇ ଚୀନ ଗଲଓ୍ୱାନ ଘାଟି ଠାରୁ ଆରମ୍ଭ କରି ଚୁଶୁଲ ପର୍ଯ୍ୟନ୍ତ ଆଲୋଚନା ସବୁ ଏକ ଛଳନା ଭଳି ଲାଗୁଛି। ଏହି ଆଲୋଚନାର ବାହାନା ନେଇ ୧୯୬୨ ମସିହାରେ ଭାରତକୁ ପିଛି ପଛରୁ ଆକ୍ରମଣ କରିଥିଲା। ଭାରତ ଉପରେ ଚୀନ ଆକ୍ରମଣ କରିଥିଲା। କିନ୍ତୁ ଭାରତ ତାର କଡ଼ା ଜବାବ ଦେବାରେ ସମର୍ଥନ ହୋଇଥିଲା।