କୋରୋନା ସଙ୍କଟ ମଧ୍ୟରେ ପୁଣି ମୋଦି ସରକାରଙ୍କଠୁ ଏହା ଦାବି କଲେ ରାହୁଲ

ନୂଆଦିଲ୍ଲୀ: କୋରୋନା ଭାଇରସ ଯୋଗୁ ସାରା ଦେଶରେ ଲକଡାଉନ ଜାରି ରହିଛି । ଏହି ସମୟରେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ମହାମାରୀର ଚିକିତ୍ସା ସହ ଜଡିତ ସମସ୍ତ ଛୋଟ ଏବଂ ବଡ ଉପକରଣରୁ ଜିଏସଟି ମୁକ୍ତ କରିବାକୁ ମୋଦି ସରକାରଙ୍କୁ ଦାବି କରିଛନ୍ତି । ରାହୁଲ ଗାନ୍ଧୀ ଟ୍ୱିଟ୍ କରି କହିଛନ୍ତି ଯେ, କୋଭିଡ-19 (COVID-19)ର ଏହି କଠିନ ସମୟରେ, ଆମେ ସରକାରଙ୍କ ଠାରୁ କ୍ରମାଗତ ଭାବରେ ଦାବି କରୁଛୁ ଯେ ଏହି ମହାମାରୀର ଚିକିତ୍ସା ସହ ଜଡିତ ସମସ୍ତ ଛୋଟ ଏବଂ ବଡ ଉପକରଣକୁ ଜିଏସଟି ମୁକ୍ତ କରାଯାଉ । ଅସୁସ୍ଥତା ଏବଂ ଦାରିଦ୍ର୍ୟ ସହ ସଂଗ୍ରାମ କରୁଥିବା ଜନସାଧାରଣଙ୍କ ଠାରୁ ସାନିଟାଇଜର, ସାବୁନ୍, ମାସ୍କ, ଗ୍ଲୋଭସ୍ ଇତ୍ୟାଦି ଉପରେ ଜିଏସଟି ସଂଗ୍ରହ କରିବା ଭୁଲ ହେବ । ଜିଏସଟି ମାଗଣା କୋରୋନା ଚାହିଦା ଉପରେ ଆମେ ଛିଡା ହୋଇପାରିବା ।

ଏଠାରେ କହି ରଖୁଛୁ ଯେ, ଭାରତ ସୀମାବର୍ତ୍ତୀ ଦେଶଗୁଡିକର ପୁଞ୍ଜି ବିନିଯୋଗ ନିୟମରେ ସଂଶୋଧନ କରିବା ପରେ ରାହୁଲ ଗାନ୍ଧୀ ଶନିବାର କହିଥିଲେ ଯେ ମୋର ପରାମର୍ଶକୁ ଗ୍ରହଣ କରିବାରୁ ନରେନ୍ଦ୍ର ମୋଦି ସରକାରଙ୍କୁ ଧନ୍ୟବାଦ ଜଣାଉଛି । ସେ ନିଜର ଏକ ଟ୍ୱିଟ୍‌ରକୁ ମନେ କରି ରାହୁଲ କହିଛନ୍ତି ଯେ, ମୋ ତରଫରୁ ଚେତାବନୀ ଦିଆଯିବା ପରେ ପରାମର୍ଶ ଗ୍ରହଣ କରିଥିବାରୁ ଏବଂ ଏଫଡିଆଇର କେତେକ ବିଶେଷ ମାମଲାରେ ସରକାରଙ୍କ ଅନୁମତି ବାଧ୍ୟତାମୂଳକ କରିବା ପାଇଁ ନିୟମରେ ସଂଶୋଧନ କରିଥିବାରୁ ମୁଁ ସରକାରଙ୍କୁ ଧନ୍ୟବାଦ ଜଣାଉଛି ।

ସୂଚନାଯୋଗ୍ୟ, ଭାରତ ସୀମାବର୍ତ୍ତୀ ଦେଶଗୁଡିକର ଯେକୌଣସି କମ୍ପାନୀ କିମ୍ବା ବ୍ୟକ୍ତି ସରକାରଙ୍କ ଅନୁମୋଦନ ପାଇବା ପରେ ହିଁ ଭାରତର ଯେକୌଣସି ଅଞ୍ଚଳରେ ନିବେଶ କରିପାରିବେ । ଶିଳ୍ପ ଏବଂ ଆଭ୍ୟନ୍ତରୀଣ ବାଣିଜ୍ୟ ପ୍ରୋତ୍ସାହନ ବିଭାଗ (DPIIT) ଏକ ବିୟାନରେ ଏହା କହିଛି ।