Antilia case: ମନସୁଖ ହିରେନଙ୍କ ମୃତ୍ୟୁ ବେଳେ ଉପସ୍ଥିତ ଥିଲେ Sachin Vaze

ମୁମ୍ବାଇ: ଆଣ୍ଟିଲିଆ କେସ ପରେ ମନସୁଖ ହିରେନ ହତ୍ୟା ମାମଲାରେ ଏକ ବଡ କଥା ସାମ୍ନାକୁ ଆସିଛି। ପ୍ରକାଶ ଯେ, ମନସୁଖ ହିରେନଙ୍କ ହତ୍ୟା ସମୟରେ ସଚିନ ଭାଜେ ଉପସ୍ଥିତ ଥିଲେ। ଏହା ମଧ୍ୟ ଜଣାପଡିଛି ଯେ, ହତ୍ୟା ପରେ ସଚିନ୍ ଭାଜେ ମୁମ୍ବାଇ ଫେରି ରାତି ପ୍ରାୟ ୧୧.୪୮ ସମୟ ରେ ଡୋଙ୍ଗ୍ରି ଅଞ୍ଚଳରେ ପହଞ୍ଚିଥିଲେ। ମହାରାଷ୍ଟ୍ର ATS ର ଡକ୍ୟୁମେଣ୍ଟ ଏବଂ ପ୍ରମାଣ ଏହି ସବୁ ନାଟକର ତଥ୍ୟ ସ୍ପଷ୍ଟ ରଖୁଛି । ଏସବୁ ପ୍ରମାଣକୁ ଏବେ ଏନଆଇଏକୁ ହସ୍ତାନ୍ତର କରାଯାଇଛି। ୫ ମାର୍ଚ୍ଚରେ ଥାଣେରର କଲୱା କ୍ରିକରେ ମନସୁଖ ହିରେନଙ୍କ ମୃତଦେହ ମିଳିଥିଲା।

Sachin Vaze ଏହି ପୁରା ଘଟଣା ସମୟରେ ନିଜକୁ ନିର୍ଦ୍ଦୋଷ ସାବ୍ୟସ୍ତ କରିବା ପାଇଁ ଅନେକ ଚେଷ୍ଟା କରିଥିଲେ । Sachin Vaze ସେହିଦିନ ଘଟଣା ଉପରୁ ନିଜର କୌଣସି ଲିଙ୍କ ନଥିବା ନେଇ ଝାଡିଝୁଡି ହୋଇଥିଲେ ଅର୍ଥାତ୍ ସେହିଦିନ ଡୋଙ୍ଗ୍ରୀ ଅଞ୍ଚଳରେ ଟିପ୍ସି ବାର୍ ରେ ରେଡ ମାରିବାର ନାଟକ କରିଥିଲେ । କାରଣ ମନସୁଖ ହିରେନଙ୍କ ମୃତ୍ୟୁର ଯାଞ୍ଚ ହେଲେ ତାଙ୍କ ଉପରେ ଯେମିତି ସନ୍ଦେହ ନହୁଏ । ଟିପ୍ସି ବାରରେ ଚଢାଉ ବେଳେ CCTV ଫୁଟେଜରୁ ହିଁ ଏହା ସ୍ପଷ୍ଟ ଯେ, ସଚିନ ଭାଜେ ସେତେବେଳେ ଉପସ୍ଥିତ ରହିଥିଲେ ।

Add Zee News as a Preferred Source

ଥାନେ ଘୋଡବନ୍ଦରରୁ ଆସିବା ପରେ ସଚିନ ଭାଜେ ବହୁତ ଚତୁରତାର ସହ ମୁମ୍ବାଇ ପୋଲିସ ମୁଖ୍ୟାଳୟକୁ ଯାଇଥିଲେ । ଏହା ପରେ, CIU ତାଙ୍କ କାର୍ଯ୍ୟାଳୟକୁ ଯାଇ ମୋବାଇଲକୁ ଚାର୍ଜରେ ବସାଇଥିଲେ, ଯାହାଫଳରେ ତାଙ୍କ ଅବସ୍ଥାନ କେବଳ ପୋଲିସ କମିଶନରଙ୍କ କାର୍ଯ୍ୟାଳୟ ହିଁ ଦେଖାଇବ। ଯଦିଓ ସଚିନ ଭାଜେ ATS କୁ ନିଜର ବିବୃତ୍ତି ଦେଇଛନ୍ତି, ୪ ମାର୍ଚ୍ଚରେ ସେ ଦିନସାରା ମୁମ୍ବାଇ ପୋଲିସ ମୁଖ୍ୟାଳୟର CIU କାର୍ଯ୍ୟାଳୟରେ ଥିଲେ, କିନ୍ତୁ ମୋବାଇଲର ଲୋକେସନ ଅନୁଯାୟୀ ସେ ଅପରାହ୍ଣ ୧୨.୪୮ ମିନିଟ ସମୟରେ ଚେମ୍ବୁରର MMRDA କଲୋନୀରେ ଥିଲେ।

ସୂଚନା ଅନୁଯାୟୀ, ମନସୁଖ ହିରେନ (Mansukh Hiren) ଙ୍କ ପୋଷ୍ଟମର୍ଟମ ରିପୋର୍ଟରୁ ଜଣାପଡିଛି ଯେ, ହତ୍ୟା ପୂର୍ବରୁ ତାଙ୍କ ମୁହଁର ବାମ ଅଂଶରେ ଆଘାତ ଲାଗିଛି। ଅନୁସନ୍ଧାନକାରୀ ଅଧିକାରୀମାନେ ମଧ୍ୟ ଚେତାଶୂନ୍ୟ କରିବା ପାଇଁ ହିରେନଙ୍କ ଠାରେ ବ୍ୟବହାର କରାଯାଇଥିବା କେମିକାଲ (Chemical) ଉପରେ ମଧ୍ୟ ତଦନ୍ତ ଜାରି ରଖିଛନ୍ତି । ଅଭିଯୁକ୍ତମାନେ କ୍ଲୋରୋଫର୍ମ ଶୁଙ୍ଘାଇବା ସମୟରେ ହାତାହାତି ବେଳେ ହିରେନଙ୍କ ମୁହଁରେ ଆଘାତ ଲାଗିଥାଇପାରେ ବୋଲି ସେ ସନ୍ଦେହ କରୁଛନ୍ତି। କ୍ଲୋରୋଫର୍ମ (Chloroform)ରେ ଅଚେତ ହେବା ମାତ୍ରେ ତାଙ୍କୁ ହତ୍ୟା କରାଯାଇଥିଲା ବୋଲି କୁହାଯାଉଛି।