'ବିବାହର ପ୍ରଥମ ୬ ମାସ ମଧ୍ୟରେ ମାତ୍ର ୨୧ ଦିନ ଏକାଠି ବିତାଇଛୁ'

ନୂଆଦିଲ୍ଲୀ: ବିବାହର ୬ ମାସ ମଧ୍ୟରେ ମାତ୍ର ୨୧ ଦିନ ଏକାଠି କଟାଇଥିଲେ ବିରୁଷ୍କା । ବିରାଟଙ୍କ ବ୍ୟସ୍ତବହୁଳ କାର୍ଯ୍ୟସୂଚୀ ସେମାନଙ୍କୁ ବିବାହର ପ୍ରାରମ୍ଭିକ ମାସରେ ଏକାଠି ସମୟ ବିତାଇବାକୁ ଦେଇନଥିଲା । ଏକ ସାକ୍ଷାତକାରରେ ଏଭଳି କିଛି କହିଛନ୍ତି ଅଭିନେତ୍ରୀ ଅନୁଷ୍କା ଶର୍ମା । ସେମାନେ ଯେତେବେଳେ ପରସ୍ପରକୁ ଦେଖାକରନ୍ତି, ତାହା ଛୁଟି ପାଇଁ ନୁହେଁ ବରଂ ଜଣେ ବ୍ୟକ୍ତି ସର୍ବଦା କାର୍ଯ୍ୟରେ ବ୍ୟସ୍ତ ଥାଆନ୍ତି ବୋଲି ସେ କହିଛନ୍ତି । 

ଏକ ସାକ୍ଷାତକାରରେ ଅନୁଷ୍କା କହିଛନ୍ତି, ଯେତେବେଳେ ମୁଁ ବିରାଟଙ୍କୁ ଦେଖା କରିବାକୁ ଯାଏ କିମ୍ବା ସେ ମୋତେ ଦେଖାକରିବା ପାଇଁ ଆସନ୍ତି, ଏହା କେବଳ ଏକାଠି ଗୋଟିଏ ଭୋଜନ କରିବା ପାଇଁ । କିନ୍ତୁ ଲୋକମାନେ ଭାବନ୍ତି, ଏହା ଏକ ଛୁଟି । କିନ୍ତୁ ପ୍ରକୃତରେ ସେମିତି କିଛି ନୁହେଁ ବୋଲି କହିଛନ୍ତି ଅନୁଷ୍କା । ଜଣେ ବ୍ୟକ୍ତ ସର୍ବାଦା କାମ କରୁଥାନ୍ତି ବୋଲି ସେ କହିଛନ୍ତି । 

ଅନୁଷ୍କା କହିଛନ୍ତି, ବିବାହର ପ୍ରଥମ ୬ ମାସ ମଧ୍ୟରେ ଆମେ ୨୧ ଦିନ ଏକାଠି ବିତାଇଛୁ । ମୁଁ ଠିକ ଭାବେ ହିସାବ କରିଥିବା କହିଛନ୍ତି ଅନୁଷ୍କା । 

ସେହିପରି ବିରାଟ କୋହଲି ଏକ ମେଗାଜିନକୁ କହିଥିଲେ, ତାଙ୍କୁ ମନେହୁଏ ସେ ଅନୁଷ୍କାଙ୍କୁ ଆଜୀବନ ଜାଣିଛନ୍ତି । ଆମେ ପ୍ରତ୍ୟେକ ଦିନ ପରସ୍ପରକୁ ଭଲପାଇ ବଞ୍ଚୁ । ଆମ ସମ୍ପର୍କ ସର୍ବଦା ପ୍ରେମ ଏବଂ କେବଳ ପ୍ରେମ ଉପରେ ଆଧାରିତ । ଆମେ ଅନୁଭବ କରୁ ଯେ ପରସ୍ପରକୁ କିଛି ବର୍ଷ ହେଲା ନୁହେଁ, ଅନେକ ଦିନରୁ ଜାଣିଛୁ ବୋଲି କହିଥିଲେ କୋହଲି ।