କଏଦୀ ନମ୍ବର ୯୫୬ ଅଟନ୍ତି ଆର୍ୟନ, ଜେଲ୍ କ୍ୟାଣ୍ଟିନରେ ଖାଇବାକୁ ନେଇ ୪୫୦୦ ଟଙ୍କା ମନି ଅର୍ଡର କଲେ ଶାହାରୁଖ

ଜେଲ ଭିତରେ ଥିବା ପ୍ରତ୍ୟେକ କଏଦୀଙ୍କୁ ଏକ ନମ୍ବର ମିଳିଥାଏ । ଶାହାରୁଖ ଖାନଙ୍କ ପୁଅ ଆର୍ୟନ ଖାନଙ୍କୁ 956 ନମ୍ବର ଦିଆଯାଇଛି ଅର୍ଥାତ୍ ଆର୍ୟନ ଖାନଙ୍କୁ କଏଦୀ ନମ୍ବର ୯୫୬ କୁହାଯିବ ।

Aryan khan drugs case: ଜାମିନ ମିଳି ନ ଥିବାରୁ ଶାହାରୁଖ ଖାନଙ୍କ (Shahrukh Khan) ପୁଅ ଆର୍ୟନ ଖାନ ମୁମ୍ବାଇର ଆର୍ଥର ରୋଡ ଜେଲରେ ରହିବେ । ବାସ୍ତବରେ, ମୁମ୍ବାଇ ସେସନ୍ସ କୋର୍ଟ ଆର୍ୟନ ଖାନଙ୍କ ଜାମିନ ଆବେଦନ ଉପରେ ନିଜର ଆଦେଶକୁ ସଂରକ୍ଷିତ ରଖିଛନ୍ତି ଓ ଅକ୍ଟୋବର ୨୦ ରେ ଏହି ରାୟ ପ୍ରକାଶ କରିବେ । ଜେଲ ଭିତରେ ଥିବା ପ୍ରତ୍ୟେକ କଏଦୀଙ୍କୁ ଏକ ନମ୍ବର ଦିଆଯାଏ । ଆର୍ୟନ ଖାନଙ୍କୁ ୯୫୬ ନମ୍ବର ଦିଆଯାଇଛି  (Aryan Khan Prisoner Number 956) ଅର୍ଥାତ୍ ଆର୍ୟନ ଖାନଙ୍କୁ କଏଦୀ ନମ୍ବର ୯୫୬ କୁହାଯିବ ।

କଏଦୀ ନମ୍ବରକୁ ଜେଲରେ ଥିବା କଏଦୀ ନମ୍ବର ମଧ୍ୟ କୁହାଯାଏ । ଜେଲରେ ଥିବା କଏଦୀଙ୍କୁ ତାଙ୍କ ନମ୍ବର ଦ୍ୱାରା ଡକାଯାଏ । ଏହି କ୍ରମରେ କଏଦୀ ନମ୍ବର ୯୫୬ ଭାବେ ଆର୍ୟନ ଖାନଙ୍କୁ ଡାକିବା ପାଇଁ ବ୍ୟବହୃତ ହେବ । ଯେପର୍ଯ୍ୟନ୍ତ ଆର୍ୟନ ଖାନ୍ ଜେଲରେ ରହିବେ, ତାଙ୍କୁ ଏହି ନମ୍ବରରେ ଡକାଯିବ ।

ଏହା ବି ପଢ଼ନ୍ତୁ: ସିଙ୍ଗୁ ସୀମାରେ ଯୁବକଙ୍କୁ ଅତି ନିର୍ମମ ଭାବରେ ହତ୍ୟା, ହାତ କାଟି ବାରିକେଡରେ ଟାଙ୍ଗିଲେ ମୃତଦେହ

ଅକ୍ଟୋବର ୧୧ ରେ ଆର୍ୟନ ଖାନ ଜେଲ ଭିତରେ ୪୫୦୦ ଟଙ୍କା ମନି ଅର୍ଡର ପାଇଥିଲେ । ଏହି ମନି ଅର୍ଡର ଆର୍ୟନ ଖାନଙ୍କୁ ତାଙ୍କ ପିତା ଶାହାରୁଖ ଖାନ ପଠାଇଥିଲେ । ଆର୍ୟନ ଖାନ୍ ମନି ଅର୍ଡର ପାଇଥିବା ଟଙ୍କାକୁ କ୍ୟାଣ୍ଟିନ ଖର୍ଚ୍ଚ ପାଇଁ ବ୍ୟବହାର କରିବେ । ଜେଲ ନିୟମ ଅନୁଯାୟୀ ଜଣେ କଏଦୀଙ୍କୁ ଗୋଟିଏ ମାସରେ ମାତ୍ର ୪୫୦୦ ଟଙ୍କା ମନି ଅର୍ଡର ପାଇଁ ଅନୁମତି ଦିଆଯାଇଛି ।

ଏହା ବି ପଢ଼ନ୍ତୁ: ୨୦ ଅକ୍ଟୋବରରେ ଗୋଟିଏ ମଞ୍ଚରେ ନଜର ଆସିବେ ଭାରତ ଓ ତାଲିବାନ

ଅକ୍ଟୋବର ୨ ତାରିଖ ରାତିରେ ମୁମ୍ବାଇରେ କ୍ରୁଜରେ ଆୟୋଜିତ ଡ୍ରଗ୍ସ ପାର୍ଟି ଉପରେ ଏନସିବି ଚଢ଼ାଉ ସମୟରେ ଆର୍ୟନ ଖାନ ଧରାପଡିଥିଲେ । ଆର୍ୟନ ଖାନଙ୍କ ସହ ଅନ୍ୟ ଲୋକମାନେ ମଧ୍ୟ ଧରାପଡିଥିଲେ । ଏହା ପରେ ଆର୍ୟନ ଖାନଙ୍କ ସମେତ ସମସ୍ତ ଅଭିଯୁକ୍ତଙ୍କୁ ଏନସିବି ହେପାଜତକୁ ପଠାଯାଇଥିଲା । ପରେ କୋର୍ଟ ସେମାନଙ୍କୁ ୧୪ ଦିନିଆ ନ୍ୟାୟିକ ହେପାଜତକୁ ପଠାଇଥିଲେ । ବର୍ତ୍ତମାନ ଆର୍ୟନ ଖାନ ମୁମ୍ବାଇର ଆର୍ଥର ରୋଡ ଜେଲରେ ବନ୍ଦୀ ଅଛନ୍ତି ।