ତୀର୍ଥଯାତ୍ରା ହେଲା ମହାଯାତ୍ରା: ଏକାସାଥୀରେ ଗୋଟିଏ ପରିବାରର ୧୨ ଜଣଙ୍କ ଜଳ ସମାଧି !

ଅଯୋଧ୍ୟା: ଆଜି ଏକ ଲୋମଟାଙ୍କୁରା ଘଟଣା ଘଟିଯାଇଛି । ଗୁପ୍ତାର ଘାଟରେ ସରୟୁ ସ୍ନାନ ସମୟରେ ଗୋଟିଏ ପରିବାରର ଏକାସାଥୀରେ ୧୨ ଜଣ ବୁଡ଼ିଯାଇଛନ୍ତି । ଏହି ଘଟଣାକୁ ନେଇ ସାରା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି ହୋଇଛି । ସ୍ଥାନୀୟ ପୋଲିସ ସର୍ଚ୍ଚ ଅପରେସନ ଜାରି ରଖିଛନ୍ତି । ପୁରା ପରିବାର ଆଗ୍ରାର ବୋଲି ସୂଚନା ରହିଛି। ସମସ୍ତେ ଅଯୋଧ୍ୟା ଧାମ ବୁଲିବାକୁ ଆସିଥିବା ପୋଲିସ କହିଛି ।

ସୂଚନାନୁଯାୟୀ, ଆଗ୍ରାର ଗୋଟିଏ ପରିବାରର ୧୫ ଜଣ ଅଯୋଧ୍ୟା (Ayodha) ଧାମ ବୁଲିବାକୁ ଆସିଥିଲେ । ଗୁପ୍ତାର ଘାଟ (Guptar Ghat)  ରେ ସମସ୍ତେ ସରୟୁ ସ୍ନାନ (Saryu) କରୁଥିଲେ ହେଲେ ଅଚାନକ ସମସ୍ତେ ବୁଡ଼ିବାରେ ଲାଗିଥିଲେ । ପରିବାରରେ ଶିଶୁ ଓ ମହିଳା ରହିଥିଲେ । ଘଟଣା ସମୟର ୩ଜଣଙ୍କୁ ଉଦ୍ଧାର କରାଯାଇଥିଲା । ତେବେ ପରିବାରର ଆଉ ୧୨ ପାଣିର ସ୍ରୋତ ଯୋଗୁଁ ଭାସିଯାଇଥିଲେ । ଖବର ପାଇ ସ୍ଥାନୀୟ ଦମକଳବାହିନୀ ସହ ପୋଲିସ ପହଞ୍ଚିଥିଲା । ହେଲେ ସ୍ରୋତ ଏତେ ପ୍ରଖର ଥିଲା ଯେ, ଦେଖିୁ ଦେଖୁ ଗୋଟିଏ ପରିବାରର ୧୨ ଜଣ ବୁଡ଼ିଯାଇଥିଲେ ।

ଘଟଣାର ପ୍ରଚାର ହେବା ପରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ (Yogi Adityanath) ବରିଷ୍ଠ ଅଧିକାରୀଙ୍କୁ ଘଟଣା ସ୍ଥଳକୁ ପଠାଇବା ସହ ସର୍ଚ୍ଚ ଅପରେସନକୁ ଜୋରଦାର କରିବାକୁ କଡ଼ା ନିର୍ଦ୍ଦେଶ ଜାରି କରିଛନ୍ତି । ଏବେ ଏବେ ମିଳିଥିବା ଖବରନୁସାରେ, ଗୁପ୍ତାର ଘାଟରେ ପୋଲିସ (Police) ପହଞ୍ଚି ସର୍ଚ୍ଚ ଅପରେସନ ଜାରି ରଖିଛି । ଅନ୍ୟପଟେ ଦରକାର ପଡ଼ିଲେ ଏନଡିଆରଏଫ (NDRF) ଟିମ ର ସାହାଯ୍ୟ ନିଆଯାଇପାରେ ବୋଲି ସୂଚନା ମିଳିଛି ।