କୋରୋନା ମୁକାବିଲା ପାଇଁ ଆଗେଇ ଆସିଲେ ଅର୍ଥ ମନ୍ତ୍ରୀ, ଦାନ କଲେ ଏତେ ଟଙ୍କା

ନୂଆଦିଲ୍ଲୀ: କୋରୋନା ମୁକାବିଲା ପାଇଁ ଆଗେଇ ଆସୁଛନ୍ତି ବିଭିନ୍ନ କ୍ଷେତ୍ର ବହୁ ବ୍ୟକ୍ତିମାନେ । କର୍ପୋରେଟ୍ ଠାରୁ ଆରମ୍ଭ କରି ସିନେ ତାରକା ଏବଂ ମନ୍ତ୍ରୀ ଠାରୁ ଆରମ୍ଭ କରି ସାଧାରଣ ଲୋକ ଦାନ କରୁଛନ୍ତି । ବର୍ତ୍ତମାନ ଅର୍ଥ ମନ୍ତ୍ରୀ ନିର୍ମଳା ସୀତାରମଣ ପିଏମ କେୟାର୍ସ ପଣ୍ଡରେ ଦାନ କରିବାର ଘୋଷଣା କରିଛନ୍ତି ।

ଉଲ୍ଲେଖନୀୟ କଥା ହେଉଛି ଗତ ସପ୍ତାହରେ ଶନିବାର ପିଏମ ମୋଦି କୋରୋନା ମୁକାବିଲାରେ ସାହାଯ୍ୟ କରିବା ପାଇଁ ପିଏମ କେୟାର୍ସ ପଣ୍ଡ ଗଠନ କରିଛନ୍ତି ଏବଂ କୋରୋନା ମୁକାବିଲା ପାଇଁ ଦେଶବାସୀଙ୍କୁ ଅଧିକରୁ ଅଧିକ ଦାନ କରିବାକୁ କହିଛନ୍ତି । ଏହା ପରେ କର୍ପୋରେଟ୍ ଠାରୁ ସିନେ ତାରକା ଏବଂ ସାଧାରଣ ବ୍ୟକ୍ତିମାନେ ଏହି ପାଣ୍ଠିରେ ଦାନ କରୁଛନ୍ତି ।

ସିନେ ତାରକା ଅକ୍ଷୟ କୁମାର ଏହି ପାଣ୍ଠିକୁ 25 କୋଟି ଟଙ୍କା ଦେଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମା' ହିରାବେନ୍ ମଧ୍ୟ ଏହି ପାଣ୍ଠିରେ 25 ହଜାର ଟଙ୍କା ଦାନ କରିଛନ୍ତି । 

Add Zee News as a Preferred Source

Smt @nsitharaman donates Rs 1 Lakh from her salary to the PM-CARES fund in view of the Covid-19 pandemic. #IndiaFightsCorona pic.twitter.com/2moKzb2L2c

— NSitharamanOffice (@nsitharamanoffc) April 3, 2020

ଅନ୍ୟପକ୍ଷେ ଅର୍ଥ ମନ୍ତ୍ରୀ ନିର୍ମଳା ସୀତାରମଣଙ୍କ କାର୍ଯ୍ୟାଳୟର ଟ୍ୱିଟର ହ୍ୟାଣ୍ଡେଲ ତାଙ୍କ ଡୋନେଶନ ବିଷୟରେ ସୂଚନା ଦେଇଛି । ଏହି ସୂଚନା ଅନୁଯାୟୀ ଅର୍ଥ ମନ୍ତ୍ରୀ ପିଏମ କେୟାର୍ସ ପଣ୍ଡରେ 1 ଲକ୍ଷ ଟଙ୍କା ଦାନ କରିଛନ୍ତି । ଏହି ଟ୍ୱିଟ୍ ଅନୁଯାୟୀ ସେ ତାଙ୍କ ବେତନରୁ ଏହି ରାଶି ପ୍ରଦାନ କରିଛନ୍ତି । ଏଥିପାଇଁ ସେ ନିଜ ବ୍ୟାଙ୍କକୁ ଏକ ଚିଠି ପଠାଇଛନ୍ତି ।