ଏହି ଦେଶରେ ହୋଇପାରେ ଆଇପିଏଲ

ନୂଆଦିଲ୍ଲୀ: କିଛି ଦିନ ପୂର୍ବରୁ ଆମେ ଆପଣଙ୍କୁ କହିଥିଲୁ ଯେ ଇଣ୍ଡିଆନ୍ ପ୍ରିମିୟର ଲିଗ୍-13 (ଆଇପିଏଲ୍)ର ଆୟୋଜନ ପାଇଁ ବର୍ତ୍ତମାନ ଦୁଇ ଦେଶ ମଧ୍ୟରେ ଏକ ରେସ୍ ଚାଲିଚି । ତୃତୀୟ ଦେଶ ଭାବେ ବିସିସିଆଇ ନ୍ୟୁଜିଲ୍ୟାଣ୍ଡର ନାଁ ନେଇଥିଲା ସତ, କିନ୍ତୁ ପରଦିନ ନ୍ୟୁଜିଲ୍ୟାଣ୍ଡ ଏହାକୁ ପ୍ରତ୍ୟାଖ୍ୟାନ କରିଥିଲା । କିନ୍ତୁ ବର୍ତ୍ତମାନ ଖବର ଆସିଛି ଯେ ସଂଯୁକ୍ତ ଆରବ ଏମିରେଟ୍ସ (ୟୁଏଇ)ରେ ଆଇପିଏଲ ଅନୁଷ୍ଠିତ ହୋଇପାରେ । ଏଥି ସହିତ ଏଥର ବୋର୍ଡ ଖେଳାଳିଙ୍କ ପାଇଁ ତାଲିମ ଶିବିର ଲଗାଇବାକୁ ମଧ୍ୟ ବିଚାର କରୁଛି ।

ବିସିସିଆଇର ଏକ ସୂତ୍ରରୁ ପ୍ରକାଶ ଯେ, ଏପର୍ଯ୍ୟନ୍ତ କିଛି ନିଷ୍ପତ୍ତି ହୋଇନାହିଁ । ଆମେ ପରିସ୍ଥିତି ଉପରେ ତୀକ୍ଷ୍ମଣ ନଜର ରଖିଛୁ । ଆମେ ଆମର ସମସ୍ତ ଅପ୍ସନ୍ ଖୋଲା ରଖିଛୁ । କିଛି ଦେଶ ଆଇପିଏଲ୍ ଆୟୋଜନ କରିବାକୁ ପ୍ରସ୍ତାବ ଦେଇଛନ୍ତି । ଏଥିରେ ୟୁଏଇ ମଧ୍ୟ ଅଛି, କିନ୍ତୁ ଦେଖିବା ଓ ଅପେକ୍ଷା କରିବା ନୀତି ଆପଣା ଯାଇଛି । ଏଥି ସହିତ ଆମେ ସରକାରଙ୍କ ସହ ମଧ୍ୟ ଆଲୋଚନା କରିବୁ । ଆମେ ନିଷ୍ପତ୍ତି ନେବୁ ଯାହା ଦେଶ ତଥା କ୍ରିକେଟ୍ ହିତ ପାଇଁ ସର୍ବୋତ୍ତମ ହେବ।

ଖେଳାଳିଙ୍କ ପାଇଁ ଟ୍ରେନିଂ କ୍ୟାପ୍ ବିଷୟରେ ସୂତ୍ର କହିଛି ଯେ, ଏପର୍ଯ୍ୟନ୍ତ କୌଣସି ନିଷ୍ପତ୍ତି ନିଆଯାଇ ନାହିଁ । ଆମେ ଏ ବିଷୟରେ ସହଜରେ ନିଷ୍ପତ୍ତି ନେଇ ପାରିବୁ ନାହିଁ । ଗଣମାଧ୍ୟମରେ ଯାହା ଚାଲିଛି, ସେଗୁଡ଼ିକ ଗୁଜବ । କେଉଁଠାରେ ଆଇପିଏଲ୍ ଅନୁଷ୍ଠିତ ହେବ ସେନେଇ ଆମେ ବର୍ତ୍ତମାନ ମନ୍ଥନ  କରୁଛୁ । ସେହି ଅନୁଯାୟୀ ଆମେ ନିଷ୍ପତ୍ତି ନେବୁ ।