କୋରୋନା ବିରୋଧରେ କେଉଁ ପ୍ରକାରର ମାସ୍କ ଭଲ ହୋଇଥାଏ, ପଢ଼ନ୍ତୁ...

ନୂଆଦିଲ୍ଲୀ: ସର୍ଜିକାଲ୍ ମାସ୍କ ଏବଂ N95 ମାସ୍କର ଘୋର ଅଭାବ ପରେ ଲୋକମାନେ କୋରୋନା ଭୂତାଣୁରୁ ରକ୍ଷା ପାଇବା ପାଇଁ ନିଜେ କପଡା ମାସ୍କ ପ୍ରସ୍ତୁତ କରୁଛନ୍ତି । ଏହିପରି ଏକ ଅଧ୍ୟୟନରେ କୁହାଯାଇଛି ଯେ, ସୂତା କପଡା ଏବଂ ପ୍ରାକୃତିକ ରେଶମକୁ ମିଶ୍ରଣ କରି କିମ୍ବା ଶିଫନ୍ କପଡାକୁ ସୂତା କପଡା ସହିତ ମିଶାଇ ତିଆରି ହୋଇଥିବା ମାସ୍କଗୁଡ଼ିକ ବାୟୁରେ ଥିବା କଠିନ କଣିକା କିମ୍ବା ତରଳ କଣିକାକୁ ସେହି ବ୍ୟକ୍ତିଙ୍କ ସଂସ୍ପର୍ଶରେ ଆସିବାକୁ ଦେଇନଥାଏ । କିନ୍ତୁ ମାସ୍କର ଆକାର ସଠିକ୍ ହେବା ଜରୁରୀ ହୋଇଥାଏ ।

ଅନୁସନ୍ଧାନକାରୀଙ୍କ ଅନୁଯାୟୀ, ସାର୍ସ କୋବ-2 ନୂଆ କୋରୋନା ଭାଇରସ ଯାହାର କାରଣରୁ କୋଭିଡ-19 ସୃଷ୍ଟି ହୋଇଥାଏ । ଏହା ମୁଖ୍ୟତଃ କାଶ, ଛିଙ୍କିବା, କଥାବାର୍ତ୍ତା କିମ୍ବା ଶ୍ୱାସକ୍ରିୟା ପାଇଁ ତାଙ୍କ ପାଟି କିମ୍ବା ନାକରୁ ବାହାରୁଥିବା ତରଳ କଣିକାକୁ ବିସ୍ତାର କରିଥାଏ ।  ଆମେରିକାର ଚିକାଗୋ ୟୁନିଭର୍ସିଟିର ଅନୁସନ୍ଧାନକାରୀମାନେ ମଧ୍ୟ ମାସ୍କ ତିଆରି ଅଧ୍ୟୟନରେ ସାମିଲ ଅଛନ୍ତି ।

ଅନୁସନ୍ଧାନକାରୀଙ୍କ ଅନୁଯାୟୀ, କାଶ କିମ୍ବା ଛିଙ୍କିବା ଦ୍ୱାରା ତରଳ କଣିକା ଅନେକ ଆକାରର ହୋଇଥାଏ । କିନ୍ତୁ ସବୁଠାରୁ କ୍ଷୁଦ୍ର କଣିକା (ଏରୋସୋଲ୍) ସହଜରେ କିଛି କପଡ଼ାର ତନ୍ତୁରେ ପ୍ରବେଶ କରିପାରେ । 'ଏସିଏସ୍ ନାନୋ' ପତ୍ରିକାରେ ପ୍ରକାଶିତ ଏକ ଅଧ୍ୟୟନରେ, ଅନୁସନ୍ଧାନକାରୀମାନେ ସମାନ କପଡା କିମ୍ବା ବିଭିନ୍ନ ପ୍ରକାରର କପଡା ଦ୍ୱାରା ଫିଲ୍ଟର୍ କରି ବାୟୁରେ ଥିବା ତରଳ କଣିକାକୁ ଦେଖିଥିଲେ । ଏଥିରୁ ଜାଣିବାକୁ ପାଇଲେ ଯେ ଏକ ସୂତା କପଡ଼ାର ଏକ ଗୁଣ ଫୋଲ୍ଡିଂ ଏବଂ ଶିଫନର ଦ୍ୱିଗୁଣ ଫୋଲ୍ଡିଂ 80-99 ପ୍ରତିଶତ ତରଳ କଣିକାକୁ ବାହାରେ ବନ୍ଦ କରାଯାଇପାରେ ।

ସେମାନେ ଆହୁରି ମଧ୍ୟ କହିଛନ୍ତି ଯେ, ଏହି କପଡ଼ାର ଫୋଲ୍ଡିଂଗୁଡିକ N95 ମାସ୍କ ପରି କାମ କରୁଥିଲା । ତଥାପି ଅନୁସନ୍ଧାନକାରୀମାନେ କହିଛନ୍ତି ଯେ ମାସ୍କର ଆକାର ସଠିକ୍ ହେବା ଅତ୍ୟନ୍ତ ଜରୁରୀ । ନଚେତ୍ ତରଳ କଣିକା ସହଜରେ ଭିତରକୁ ପ୍ରବେଶ କରିପାରେ ।