 "ନିତା ଅମ୍ବାନୀ ଅତିଥି ଅଧ୍ୟାପିକା ହେବା ଘଟଣା: BHU, RIL ଦେଲେ ସ୍ପଷ୍ଟୀକରଣ")
ନୂଆଦିଲ୍ଲୀ: ବନାରସ ହିନ୍ଦୁ ବିଶ୍ୱବିଦ୍ୟାଳରେ Reliance Industries ମୁଖ୍ୟ ନିତା ଅମ୍ବାନୀଙ୍କୁ ଅତିଥି ଅଧ୍ୟାପିକା କରିବାକୁ ନେଇ ଦେଶବ୍ୟାପୀ ଗଣମାଧ୍ୟମରେ ଚର୍ଚ୍ଚା ଚାଲିଛି। ଏପରି କି ବିଶ୍ୱବିଦ୍ୟାଳର ନିଷ୍ପତ୍ତି ବିରୋଧରେ ଛାତ୍ରଛାତ୍ରୀମାନେ ଆନ୍ଦୋଳନ କରିଛନ୍ତି। ଏବେ ଏହି ପ୍ରସଙ୍ଗରେ ଉଭୟ BHU, RIL ନିଜର ସ୍ପଷ୍ଟୀକରଣ ଦେଇଛନ୍ତି।
ଆଜି ନିତା ଅମ୍ବାନୀଙ୍କୁ ଅତିଥି ଅଧ୍ୟାପିକା କରିବା ପ୍ରସଙ୍ଗ ଗଣମାଧ୍ୟମରେ ପ୍ରକାଶିତ ହୋଇଥିଲା। ଏହାରି ପରେ ବନାରସ ହିନ୍ଦୁ ବିଶ୍ୱବିଦ୍ୟାଳୟ (Banaras Hindu University) ଏକ ପ୍ରେସ ରିଲିଜ ଜାରି କରି ସ୍ପଷ୍ଟୀକରଣ ଦେଇଛି। ବିଶ୍ୱବିଦ୍ୟାଳୟ କହିଛି ଯେ, ନିତା ଅମ୍ୱାନୀ (Nita Ambani) ଙ୍କୁ ନେଇ ଯେଉଁ ଖବର ପ୍ରଚାର କରାଯାଉଛି ତାହା ସମ୍ପୂର୍ଣ୍ଣ ମିଥ୍ୟା। ବିଶ୍ୱ ବିଦ୍ୟାଳୟ ପକ୍ଷରୁ ତାଙ୍କୁ କିମ୍ବା ଅନ୍ୟ କାହାକୁ ଅତିଥି ଅଧ୍ୟାପିକା ରଖାଯିବ ସେ ନେଇ ଆଧିକାରୀକ ଭାବେ କୌଣସି ପ୍ରସ୍ତବ ଦିଆଯାଇନାହିଁ।
ସେପଟେ Reliance Industries କହିଛି ଯେ, ଅତିଥି ଅଧ୍ୟାପିକା ଭାବେ ନିତା ଅମ୍ବାନୀଙ୍କୁ ଚୟନ କରାଯାଇଥିବା କିମ୍ବା ଆମନ୍ତ୍ରଣ କରାଯାଇଥିବା ନେଇ କମ୍ପାନୀକୁ BHUର କୌଣସି ପତ୍ର ହସ୍ତଗତ ହୋଇନାହିଁ। ଏହି ବିବୃତ୍ତି ଜାରି କରିବା ପୂର୍ବରୁ ମଧ୍ୟ ବିଶ୍ୱବିଦ୍ୟାଳୟ ଅତିଥି ଅଧ୍ୟାପିକା (visiting professor) ନିଯୁକ୍ତି ପ୍ରସଙ୍ଗକୁ ପ୍ରତ୍ୟାଖ୍ୟାନ କରିଥିଲା। ପରେ ଟ୍ୱିଟ କରି ସର୍ବସାଧାରଣଙ୍କୁ ଅବଗତ କରାଇଛି।
ସୂଚନାଯୋଗ୍ୟ, ଦୀର୍ଘ ଦୁଇ ଦଶନ୍ଧି ପୂର୍ବେ ବନାରସ ହିନ୍ଦୁ ବିଶ୍ୱବିଦ୍ୟାଳୟରେ Women Study Centreର ସ୍ଥାପନା କରାଯାଇଛି। ସେବେଠାରୁ ସ୍ନାତକ ଓ ସ୍ନାତକୋତ୍ତର କୋର୍ସରେ ଛାତ୍ରୀଙ୍କୁ ସଶକ୍ତ ଓ ଗବେଷଣା କରିବା ପାଇଁ ସଫଳ ମହିଳାଙ୍କୁ visiting professor ଭାବେ ନିଯୁକ୍ତ କରାଯାଉଛି। ଆଉ ଏଥିପାଇଁ ନିତା ଅମ୍ବାନୀଙ୍କୁ BHU ପ୍ରସ୍ତାବ ଦେଇଥିବା ଗଣମାଧ୍ୟମରେ ଚର୍ଚ୍ଚା ହେଉଛି।
)