 "PM Modiଙ୍କୁ ମିଳିଲା ଆଉ ଏକ ଆନ୍ତର୍ଜାତୀୟ ସମ୍ମାନ, ଏହି ଦେଶ ଦେଲା ନିଜର ସର୍ବୋଚ୍ଚ ନାଗରିକ ପୁରସ୍କାର")
ନୂଆଦିଲ୍ଲୀ: ଭୁଟାନ (Bhutan) ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ (Narendra Modi) ନିଜର ସର୍ବୋଚ୍ଚ ନାଗରିକ ସମ୍ମାନରେ ସମ୍ମାନିତ କରିଛି । ଭୁଟାନର ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଏହାର ଫେସବୁକ୍ ଆକାଉଣ୍ଟରେ ଏହି ସୂଚନା ଦେଇଛି । ଭୁଟାନର ଏହି ସର୍ବୋଚ୍ଚ ନାଗରିକ ସମ୍ମାନର ନାମ ହେଉଛି ନାଗଡେଗ ପେଲ ଜି ଖୋର୍ଲୋ (Ngadag Pel gi Khorlo) । ଭୁଟାନର ପ୍ରଧାନମନ୍ତ୍ରୀ ଲୋଟେ ଶେରିଙ୍ଗ (Lotay Tshering) ମଧ୍ୟ ପ୍ରଧାନମନ୍ତ୍ରୀ ମୋଦୀଙ୍କ ସହିତ ସର୍ତ୍ତବିହୀନ ବନ୍ଧୁତା ବିଷୟରେ ଉଲ୍ଲେଖ କରିଛନ୍ତି । ଏହା ସହିତ କୋଭିଡ-19 ମହାମାରୀ (Coronavirus Pandemic) ସମୟରେ ଭୁଟାନକୁ ଭାରତ ତରଫରୁ ଦିଆଯାଉଥିବା ସହଯୋଗ ଏବଂ ପୂର୍ବ ବର୍ଷଗୁଡ଼ିକରେ କଷ୍ଟକର ସମୟ ବିଷୟରେ ମଧ୍ୟ କୁହାଯାଇଛି ।
ଭୁଟାନର ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଫେସବୁକରେ ଏହାର ଅଫିସିଆଲ ପୋଷ୍ଟରେ ଭୁଟାନର ରାଜାଙ୍କ ତରଫରୁ କହିଛନ୍ତି ଯେ ଭୁଟାନର ଲୋକଙ୍କ ତରଫରୁ ଅଭିନନ୍ଦନ । ଆପଣଙ୍କୁ ଜଣେ ମହାନ ଏବଂ ଆଧ୍ୟାତ୍ମିକ ବ୍ୟକ୍ତି ଭାବରେ ମୁଁ ଦେଖିଲି । ମୁଁ ବ୍ୟକ୍ତିଗତ ଭାବରେ ସମ୍ମାନ ଉତ୍ସବ ପାଳନ କରିବାକୁ ଉସ୍ଚୁକ ଅଛି ।
ଭୁଟାନର ରାଜା ମଧ୍ୟ ପ୍ରଧାନମନ୍ତ୍ରୀ ମୋଦିଙ୍କୁ ତାଙ୍କ ଦେଶ ଭିଜିଟ୍ କରିବାକୁ ନିମନ୍ତ୍ରଣ କରିଛନ୍ତି । ଏହାପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅନେକ ଦେଶ ସମ୍ମାନିତ କରିଛନ୍ତି । ଏଥିରେ ସଂୟୁକ୍ତ ଆରବ ଏମିରେଟ୍ସ, ମାଲଦ୍ୱୀପ ଏବଂ ଋଷ ଭଳି ଦେଶ ମଧ୍ୟ ସାମିଲ ଅଛି ।
)