ସାଧାରଣ ଜନତାଙ୍କ ପାଇଁ ବଡ଼ ରିହାତି, ପେଟ୍ରୋଲ-ଡିଜେଲ ଉପରେ ଏକ୍ସାଇଜ୍ ଡ୍ୟୁଟି ହ୍ରାସ କଲା କେନ୍ଦ୍ର

ସାଧାରଣ ଜନତାଙ୍କୁ ଏକ ବଡ ଆରାମ ପ୍ରଦାନ କରି କେନ୍ଦ୍ର ସରକାର ଶନିବାର ଦିନ ପେଟ୍ରୋଲ ଏବଂ ଡିଜେଲ ଉପରେ ଏକ୍ସାଇଜ୍ ଡ୍ୟୁଟି ଯଥାକ୍ରମେ ୮ ଏବଂ ୬ ଟଙ୍କା ହ୍ରାସ କରିଛନ୍ତି । ଏହା ପରେ ପେଟ୍ରୋଲର ମୂଲ୍ୟ ଲିଟର ପିଛା ୯.୫୦ ଟଙ୍କା ଏବଂ ଡିଜେଲର ମୂଲ୍ୟ ୭ ଟଙ୍କା ହ୍ରାସ ପାଇଛି ।

ନୂଆଦିଲ୍ଲୀ: ସାଧାରଣ ଜନତାଙ୍କୁ ଏକ ବଡ ଆରାମ ପ୍ରଦାନ କରି କେନ୍ଦ୍ର ସରକାର ଶନିବାର ଦିନ ପେଟ୍ରୋଲ ଏବଂ ଡିଜେଲ ଉପରେ ଏକ୍ସାଇଜ୍ ଡ୍ୟୁଟି ଯଥାକ୍ରମେ ୮ ଏବଂ ୬ ଟଙ୍କା ହ୍ରାସ କରିଛନ୍ତି । ଏହା ପରେ ପେଟ୍ରୋଲର ମୂଲ୍ୟ ଲିଟର ପିଛା ୯.୫୦ ଟଙ୍କା ଏବଂ ଡିଜେଲର ଲିଟର ପିଛା ୭  ଟଙ୍କା ହ୍ରାସ ପାଇବ ।

ଇନ୍ଧନ ବ୍ୟତୀତ ସରକାର ଦାମୀ ଗ୍ୟାସ ସିଲିଣ୍ଡର କିଣୁଥିବା ଲୋକଙ୍କୁ ମଧ୍ୟ ଆରାମ ପ୍ରଦାନ କରିଛନ୍ତି ଏବଂ ଉଜ୍ବଳା ଯୋଜନାର ହିତାଧିକାରୀଙ୍କୁ ଗ୍ୟାସ ସିଲିଣ୍ଡର ପିଛା ୨୦୦ ଟଙ୍କା ସବସିଡି ଦେବାକୁ ନିଷ୍ପତ୍ତି ନେଇଛନ୍ତି । ଏହା ଘୋଷଣା କରି ନିର୍ମଳା ସୀତାରମଣ କହିଛନ୍ତି, "ପ୍ରଧାନମନ୍ତ୍ରୀ ଉଜ୍ବଳା ଯୋଜନାର ୯ କୋଟିରୁ ଅଧିକ ହିତାଧିକାରୀଙ୍କୁ ଆମେ ଗ୍ୟାସ ସିଲିଣ୍ଡର ପିଛା ୨୦୦ ଟଙ୍କା (୧୨ ଟି ସିଲିଣ୍ଡର ପର୍ଯ୍ୟନ୍ତ) ସବସିଡି ଦେବୁ । ଏହା ଆମ ମା' ଏବଂ ଭଉଣୀମାନଙ୍କୁ ସାହାଯ୍ୟ କରିବ ।"

7/12 We are reducing the Central excise duty on Petrol by ₹ 8 per litre and on Diesel by ₹ 6 per litre.
This will reduce the price of petrol by ₹ 9.5 per litre and of Diesel by ₹ 7 per litre.

It will have revenue implication of around ₹ 1 lakh crore/year for the government.

— Nirmala Sitharaman (@nsitharaman) May 21, 2022

ନିର୍ମଳା ସୀତାରମଣ ଟ୍ୱିଟ୍ କରି କହିଛନ୍ତି ଯେ ପିଏମ ମୋଦିଙ୍କ ସରକାର କେନ୍ଦ୍ରକୁ ଆସିବା ଦିନଠାରୁ ଆମେ ଗରୀବ ଲୋକଙ୍କ କଲ୍ୟାଣ ପାଇଁ କାର୍ଯ୍ୟ କରୁଛୁ । ଗରିବ ଏବଂ ମଧ୍ୟବିତ୍ତ ଶ୍ରେଣୀର ଲୋକଙ୍କୁ ସାହାଯ୍ୟ କରିବା ପାଇଁ ଆମେ କିଛି ପଦକ୍ଷେପ ନେଇଛୁ । ଏହାର ଫଳାଫଳ ସାମ୍ନାକୁ ଆସିଛି ଯେ ଆମର କାର୍ଯ୍ୟକାଳ ମଧ୍ୟରେ ହାରାହାରି ମୁଦ୍ରାସ୍ଫୀତି ପୂର୍ବ ସରକାରଙ୍କ ତୁଳନାରେ କମ୍ ରହିଛି । ସେ କହିଛନ୍ତି ଯେ ଏହି ସମୟରେ ଦୁନିଆ କଷ୍ଟଦାୟକ ସମୟ ଦେଇ ଗତି କରୁଛି । ବିଶ୍ୱ କୋରୋନା ମହାମାରୀରୁ ସୁସ୍ଥ ହେଉଥିବାବେଳେ ୟୁକ୍ରେନ ସଙ୍କଟ ଦେଖାଦେଇଥିଲା ଏବଂ ଯୋଗାଣ ଶୃଙ୍ଖଳା ଏବଂ ଅନେକ ସାମଗ୍ରୀର ଅଭାବ ଦେଖାଦେଇଥିଲା । ଏହାର ଅନେକ ଦେଶରେ ମୁଦ୍ରାସ୍ଫୀତି ଏବଂ ଅର୍ଥନୈତିକ ସଙ୍କଟ ଦେଖାଦେଇଛି । ବର୍ତ୍ତମାନ ରାଜ୍ୟ ସରକାର ମାନେ ସେସ କମାଇବେ କି ନାହିଁ ତାହାକୁ ନେଇ ସମସ୍ତଙ୍କ ରହିଛି ।