 "Dish TV-Yes Bank: ପ୍ରକ୍ସି ଆଡଭାଇଜାରୀ ଫର୍ମର ନିବେଶକମାନଙ୍କୁ ପରାମର୍ଶ-ଡିଶ୍ ଟିଭିର AGM ପ୍ରସ୍ତାବକୁ କରନ୍ତୁ ସମର୍ଥନ")
ନୂଆଦିଲ୍ଲୀ: Dish TV-Yes Bank latest news: ଡିଶ୍ ଟିଭିରେ ଡିସେମ୍ବର ୩୦ରେ AGM ହେବାର ଅଛି । ନିବେଶକମାନେ ଏହି ଏଜିଏମ୍ ଉପରେ ତୀକ୍ଷ୍ଣ ନଜର ରଖିଛନ୍ତି । କାରଣ, ଦୀର୍ଘ ସମୟ ଧରି, ୟସ୍ ବ୍ୟାଙ୍କ (Yes Bank) ଡିଶ୍ ଟିଭିରେ ନିଜର ନିୟନ୍ତ୍ରଣ ପ୍ରତିଷ୍ଠା କରିବାକୁ ଚେଷ୍ଟା କରି ଆସୁଛି । ବେଆଇନ ଭାବେ କମ୍ପାନୀକୁ ନିଜ ଅଧୀନକୁ ନେବାକୁ ଚେଷ୍ଟା ଚାଲିଛି । କିନ୍ତୁ, ଏଜିଏମ୍ ପୂର୍ବରୁ ଡିଶ୍ ଟିଭି ପାଇଁ ଏକ ଖୁସି ଖବର ଆସିଛି । ପ୍ରକ୍ସି ଆଡଭାଇଜରୀ ଫାର୍ମ InGovern ପରିଚାଳନା ପ୍ରସ୍ତାବକୁ ସମର୍ଥନ କରିଛି । ଏଥି ସହିତ ଡିଶ୍ ଟିଭିର ପ୍ରସ୍ତାବକୁ ସମର୍ଥନ କରିବାକୁ ନିବେଶକଙ୍କୁ ଅପିଲ କରିଛି ।
InGovern ଦେଇଛି ସମର୍ଥନ
1-Adoption of Standalone Accounts and Consolidated Accounts: FOR
ପରିଚାଳନା ଦ୍ୱାରା ଦିଆଯାଇଥିବା ପ୍ରସ୍ତାବରେ ଷ୍ଟାଣ୍ଡଅଲୋନ ଓ କନ୍ସୋଲିଡେଟେଡ ଆକାଉଣ୍ଟ୍ସର ଅଡୋପ୍ଶନକୁ ନେଇ ଇନଗୋଭର୍ନ (InGovern) ମଧ୍ୟ ନିଜ 'FOR' କୁ ସୁପାରିଶ କରିଛି । FOR ଅର୍ଥ ହେଉଛି ପରିଚାଳନାକୁ ସମର୍ଥନ କରିବା । ଅର୍ଥାତ୍ ସେ ଏହି ପ୍ରସ୍ତାବକୁ ସମର୍ଥନ କରିଛି । ଇନଗୋଭର୍ନ କହିଛି ଯେ ଆର୍ଥିକ ବର୍ଷ ୨୦୧୯-୨୦ରେ ଷ୍ଟାଣ୍ଡଅଲୋନ ଏବଂ ଏକୀଭୂତ ଆର୍ଥିକ ବିବରଣୀ ଉପରେ ସମାନ ମତାମତ ଦିଆଯାଇଥିଲା ଏବଂ କନ୍ସୋଲିଡେଟେଡ ଫାଇନାନ୍ସିଆଲ ଷ୍ଟେଟମେଣ୍ଟ୍ସ ଉପରେ ଏହି ରାୟ ଦେଇଥିଲା ଓ ଆର୍ଥିକ ବର୍ଷ ୨୦୨୦ AGM ରେ ନିବେଶକମାନେ ମତଦାନ କରିଥିଲେ । ଏହି ଅଡିଟ୍ ଯୋଗ୍ୟତା ଶେୟାର ଧାରକମାନଙ୍କ ଦ୍ୱାରା ପାସ୍ କରାଯାଇଥିଲା । ଆର୍ଥିକ ବର୍ଷ ୨୦୨୦-୨୧ରେ କୌଣସି ନୂତନ ଆପତ୍ତି ନାହିଁ ।
2-Re-appointment of Mr. Ashok Mathai Kurien liable to retire by rotation: FOR
InGovern ଅଶୋକ ମାଥାଇଙ୍କ ପୁନଃ-ନିଯୁକ୍ତି ପାଇଁ ରାଜି ହୋଇଛି ।
3- Ratification of Remuneration of Cost Auditors for FY2021-22: FOR
InGovern କହିଛି, ପ୍ରସ୍ତାବ ପ୍ରସଙ୍ଗରେ କୌଣସି ଆପତ୍ତି ଦେଖାଯାଏ ନାହିଁ । ପ୍ରସ୍ତାବକୁ ସମର୍ଥନ କରିବାକୁ ଆମେ ନିବେଶମାନଙ୍କୁ ସୁପାରିଶ କରୁଛୁ ।
ଏହା ବି ପଢ଼ନ୍ତୁ:-ଦିଦି ହେବେ ରାଜ୍ୟପାଳ!
ବିବାଦ କ’ଣ?
ଡିଶ୍ ଟିଭି (Dish TV) ସହିତ ୟସ୍ ବ୍ୟାଙ୍କ (Yes Bank) ର ବିବାଦ କୋର୍ଟରେ ପହଞ୍ଚିସାରିଛି । ଉଭୟଙ୍କ ମଧ୍ୟରେ ବିବାଦ ଡିଶ୍ ଟିଭର ସେହି ୨୫.୬ ପ୍ରତିଶତ ଶେୟାରହୋଲଡିଂକୁ ନେଇ ରହିଛି, ଯାହା ୟସ୍ ବ୍ୟାଙ୍କ ପାଖରେ ରହିଛି । ୟସ୍ ବ୍ୟାଙ୍କ ଏହି ସେୟାରକୁ ଋଣ ରିକଭରୀ ବଦଳରେ ନିଜ ଖାତାରେ ରଖିଛି । ଅନ୍ୟପକ୍ଷରେ, ଡିଶ୍ ଟିଭିର ପ୍ରମୋଟରମାନେ କହିଛନ୍ତି ଯେ ୟସ୍ ବ୍ୟାଙ୍କର ଡେମାଟ୍ ଆକାଉଣ୍ଟରେ ରଖାଯାଇଥିବା ଏହି ୪୪ କୋଟି ସେୟାରର ପ୍ରକୃତ ମାଲିକ ସେମାନେ ଅଟନ୍ତି । ବର୍ତ୍ତମାନ ଆଇନଗତ ମାମଲା NCLT, ହାଇକୋର୍ଟ ଏବଂ ସୁପ୍ରିମକୋର୍ଟରେ ଅଛି ।
ଏହି ମାମଲା NCLT ଓ କୋର୍ଟରେ ଚାଲିଛି
ଡିସେମ୍ବର ୨୩ରେ ଡିଶ୍ ଟିଭିର ପ୍ରମୋଟର୍ ଗ୍ରୁପ୍ କମ୍ପାନୀ ସେୟାର ଟ୍ରାନ୍ସଫର ମାମଲାରେ ବମ୍ବେ ହାଇକୋର୍ଟରେ ଆବେଦନ କରିଥିଲା । ଆବେଦନରେ ଏକ ଅପିଲ କରାଯାଇଛି ଯେ ଡିଶ୍ ଟିଭି ନିୟନ୍ତ୍ରଣ କରିବାର ପ୍ରୟାସ ବନ୍ଦ କରାଯିବା ଉଚିତ୍ । JSGG ଇନଫ୍ରା ଡେଭଲପର୍ସ LLP ହାଇକୋର୍ଟରେ ଏକ ପିଟିସନ ଦାଖଲ କରିଛି । JSGG ଇନଫ୍ରା ହେଉଛି ଡିଶ୍ ଟିଭି ପ୍ରମୋଟର୍ ଗ୍ରୁପ୍ ର ଏକ ସଂସ୍ଥା । ନିକଟରେ ଅନ୍ୟ ଏକ ପ୍ରମୋଟର କମ୍ପାନୀ ୱାର୍ଲ୍ଡ କ୍ରେଷ୍ଟ ଆଡଭାଇଜର୍ସ ଏଲଏଲପି ମଧ୍ୟ ବମ୍ବେ ହାଇକୋର୍ଟରେ ହସ୍ତକ୍ଷେପ ଲୋଡିଛନ୍ତି । ଡିସ୍ ଟିଭି ପ୍ରମୋଟର୍ କମ୍ପାନୀ କହିଛି ଯେ ଭୋଟ୍ ଅଧିକାରର ଅଭ୍ୟାସ ବନ୍ଦ କରିବାକୁ ଏହି ଆବେଦନ କରାଯାଇଛି । କମ୍ପାନୀ କହିଛି ଯେ ଟେକଓଭର ନିୟମ ବିରୁଦ୍ଧରେ ୟସ୍ ବ୍ୟାଙ୍କ ଭୋଟ୍ ଦେବାର ଅଧିକାର ପାଇଛି । କମ୍ପାନୀ କହିଛି ଯେ ଏହି ଉପାୟରେ ଡିଶ୍ ଟିଭି ନିୟନ୍ତ୍ରଣ କରିବାକୁ ଚେଷ୍ଟା କରାଯାଉଛି । ଏହାକୁ ବନ୍ଦ କରିବା ଉଚିତ୍ ।
)