ଟ୍ୱିଟର ଉପରେ ସାଇବର ଆଟାକ୍, ବାରାକ ଓବାମାଙ୍କ ଟ୍ୱିଟର ହ୍ୟାକ

ନୂଆଦିଲ୍ଲୀ: ଟ୍ୱିଟର ଉପରେ ବିଶ୍ୱର ସବୁଠାରୁ ବଡ଼ ଆଟାକ। ବିଶ୍ୱର ପ୍ରମୁଖ ତଥା ପ୍ରତିପତ୍ତିଶାଳୀ ବ୍ୟକ୍ତି ବିଶେଷଙ୍କ ଟ୍ୱିଟର ଆକାଉଣ୍ଟ ହ୍ୟାକ ହୋଇଥିବା ସୂଚନା ମିଳିଛି। ହ୍ୟାକର ମାନେ ଟ୍ୱିଟର ଆକାଉଣ୍ଟ ହ୍ୟାକ କରି ୧ ହଜାର ଡଲାର ମାଗିଛନ୍ତି। ପ୍ରତିବଦଳରେ ଆକାଉଣ୍ଟଧାରୀଙ୍କୁ ୨ ହଜାର ଡଲାର ଦେବାକୁ ଦାବି କରିଛି। 

ତେବେ ହ୍ୟାକ ହୋଇଥିବା ଆକାଉଣ୍ଟ ମଧ୍ୟରେ ପ୍ରତିପତ୍ତିଶାଳୀ ବ୍ୟକ୍ତିବିଶେଷ ରହିଛନ୍ତି। ସେମାନଙ୍କ ମଧ୍ୟରେ ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମା, ମାଇକ୍ରୋସଫ୍ଟର ସଂସ୍ଥାପକ ବିଲ ଗେଟସ, ଆମାଜନର କୋ-ଫାଉଣ୍ଡର ଜେଫ ବେଜୋସ, ଏପଲ, ଏଲନ ମାସ୍କ, ଆମେରିକୀୟ ନେତା ଜୋ ବିଡେନ ପ୍ରମୁଖଙ୍କ ଟ୍ୱିଟର ଆକାଉଣ୍ଟ ହ୍ୟାକ ହୋଇଥିବା ସୂଚନା ରହିଛି। 

ସେପଟେ ଟ୍ୱିଟର ଆକାଉଣ୍ଟ ହ୍ୟାକ ହେବା ପରେ ବିଟ କଏନରେ ପ୍ରମୋସନ ସହିତ ଜଡ଼ିତ କିଛି ମେସଜ ଛାଡ଼ିଥିବା ଦେଖିବାକୁ ମିଳିଛି। ହ୍ୟାକର ଟ୍ୱିଟର ଆକାଉଣ୍ଟରେ ଏକ ଲିଙ୍କ ଛାଡ଼ିଥିବା ଦେଖିବାକୁ ମିଳିଛି। ଉକ୍ତ ଲିଙ୍କରେ ବିଟ କଏନ ନେଣଦେଣ ସମ୍ପର୍କିତ ତଥ୍ୟ ରହିଥିବା ଦେଖିବାକୁ ମିଳିଛି। ତେବେ କିଛି ସମୟ ମଧ୍ୟରେ ଉକ୍ତ ମେସେଜକୁ ମଧ୍ୟ ଡିଲିଟ କରିଦେଇଥିବା ସୂଚନା ରହିଛି। ସାମୟିକ ସମୟ ପାଇଁ ଟ୍ୱିଟର ପକ୍ଷରୁ ଏହି ବ୍ୟକ୍ତିବିଶେଷଙ୍କ ଆକାଉଣ୍ଟକୁ ବନ୍ଦ କରିଦିଆଯାଇଛି।