ବିହାରର ମନ୍ତ୍ରୀ ଓ ତାଙ୍କ ପତ୍ନୀଙ୍କୁ କୋରୋନା

କାଟିହାର: ବିହାରର ପଛୁଆ ତଥା ଅତି ପଛୁଆ ବର୍ଗ କଲ୍ୟାଣ ମନ୍ତ୍ରୀ ବିନୋଦ କୁମାର ସିଂ ଓ ତାଙ୍କ ପତ୍ନୀଙ୍କ କୋରୋନା ଭାଇରସ ରିପୋର୍ଟ ପଜିଟିଭ ଆସିଛି । କଟିହାର ଜିଲ୍ଲାର  କଲେକ୍ଟର କେ କମ୍ୱଲ ତନୁଜ ରବିବାର କହିଛନ୍ତି ଯେ, ଉଭୟ ପତି-ପତ୍ନୀଙ୍କୁ ଏକ ଘରୋଇ ହୋଟେଲରେ ନିର୍ମିତ ଆଇସୋଲେଶନ ୱାର୍ଡରେ ରଖାଯାଇଛି । ବିହାରର କାଟିହାର ଜିଲ୍ଲାର ପ୍ରାଣପୁର ବିଧାନସଭା ନିର୍ବାଚନମଣ୍ଡଳୀରୁ ବିଧାୟକ ବିନୋଦ ସିଂଙ୍କ ସମ୍ପର୍କରେ ଆସିଥିବା ସମସ୍ତ ଲୋକଙ୍କୁ ଅନୁସନ୍ଧାନ କରାଯାଉଛି । ଯାହା ଦ୍ୱାରା ସେମାନଙ୍କର ନମୁନା ମଧ୍ୟ ଯାଞ୍ଚ କରାଯାଇପାରିବ । ପାଟନାରେ ମନ୍ତ୍ରୀଙ୍କ ନମୁନା ପରୀକ୍ଷା କରାଯାଇଥିଲା ।

ତନୁଜ ସିଂ ମୁଖ୍ୟମନ୍ତ୍ରୀ ନୀତୀଶ କୁମାର କ୍ୟାବିନେଟର ପ୍ରଥମ ମନ୍ତ୍ରୀ ଯିଏକି କୋରୋନା ଭାଇରସ ସଂକ୍ରମିତ ହୋଇଥିଲେ । ଏହାପୂର୍ବରୁ ଜୁନ୍ ୨୨ରେ ବିହାରର ଦରଭଙ୍ଗା ଜିଲ୍ଲାର ଜଲେ ବିଧାନସଭା ନିର୍ବାଚନମଣ୍ଡଳୀରୁ ବିଜେପି ବିଧାୟକ ଜିବେଶ କୁମାର ମିଶ୍ରଙ୍କୁ କୋରୋନା ଭାଇରସ ସଂକ୍ରମଣର ଲକ୍ଷଣ ମିଳିବା ପରେ ପାଟନା AIIMSକୁ ଚିକିତ୍ସା ପାଇଁ ପଠାଯାଇଥିଲା ।

ଜୁନ୍ ୧୭ରେ ପୂର୍ବତନ ଆରଜେଡି ରାଷ୍ଟ୍ରୀୟ ଉପାଧ୍ୟକ୍ଷ ତଥା ପୂର୍ବତନ କେନ୍ଦ୍ର ମନ୍ତ୍ରୀ ରଘୁବଂଶ ପ୍ରସାଦ ସିଂ କୋରୋନା ଭାଇରସ ସଂକ୍ରମିତ ବୋଲି ପୃଷ୍ଟି ହୋଇଥିଲା । ରଘୁବଂଶଙ୍କ ଜୁନ ୧୬ରେ ହଠାତ ସ୍ୱାସ୍ଥ୍ୟ ଖରାପ ହେତୁ ପାଟନା AIIMSରେ ଭର୍ତ୍ତି କରାଯାଇଥିଲା । ଜୁନ୍ ୧୭ରେ ହୋଇଥିବା ଟେଷ୍ଟିଂ ରିପୋର୍ଟରେ କୋରୋନା ସଂକ୍ରମଣ ନିଶ୍ଚିତ ହୋଇଥିଲା ।

Add Zee News as a Preferred Source