ଏଥିପାଇଁ ସୋନିଆ ଗାନ୍ଧୀଙ୍କୁ ଧନ୍ୟବାଦ ଜଣାଇଲେ BJP ଅଧ୍ୟକ୍ଷ ଜେପି ନଡ୍ଡା

ନୂଆଦିଲ୍ଲୀ:  କୋରୋନା ଭୂତାଣୁ ସଙ୍କଟ ସମୟରେ ଲୋକଙ୍କୁ ଘରେ ରହିବାକୁ ଏବଂ ଲକ୍ ଡାଉନ୍ ନିୟମ ପାଳନ କରିବାକୁ ନିବେଦନ କରିଛନ୍ତି କଂଗ୍ରେସ ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀ । ଯାହା ପରେ ଭାରତୀୟ ଜନତା ପାର୍ଟି (BJP) ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ମଙ୍ଗଳବାର  କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଧନ୍ୟବାଦ ଜଣାଇଛନ୍ତି । ଏଠାରେ କହି ରଖୁଛୁ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦେଶକୁ ସମ୍ବୋଧନ କରିବାର କିଛି ସମୟ ପୂର୍ବରୁ ସୋନିଆ ଗାନ୍ଧୀ ତାଙ୍କ ଭିଡିଓ ବାର୍ତ୍ତାରେ ଏହି ସଙ୍କଟ ସମୟରେ କଂଗ୍ରେସ ତରଫରୁ ଲୋକଙ୍କୁ ସଂପୂର୍ଣ୍ଣ ସହଯୋଗର ଆଶ୍ୱାସନା ଦେଇଛନ୍ତି । ସେ ଆହୁରି ମଧ୍ୟ ଆତ୍ମବିଶ୍ୱାସ ବ୍ୟକ୍ତ କରି କହିଛନ୍ତି ଯେ, ଦୃଢ଼ ଇଚ୍ଛା ଶକ୍ତି ସହ ଦେଶ ଅତିଶୀଘ୍ର ଏହି ସଙ୍କଟ ଉପରେ ବିଜୟ ପ୍ରାପ୍ତ କରିବ । ସେ ଲୋକମାନଙ୍କୁ ନିବେଦନ କରିଛନ୍ତି, 'ମୁଁ ଆଶା କରେ ଆପଣ ସମସ୍ତେ ଲକ୍ ଡାଉନକୁ ସମ୍ପୂର୍ଣ୍ଣ ଅନୁସରଣ କରୁଛନ୍ତି । ଏହାକୁ ସମ୍ପୂର୍ଣ୍ଣରୂପେ ବଜାୟ ରଖିବା ପାଇଁ ଆପଣ ସମସ୍ତ ଦୂରତା ଅନୁସରଣ କରିବା ଉଚିତ୍ ।

Thank you Sonia Ji, Take care of your health.

— Jagat Prakash Nadda (@JPNadda) April 14, 2020

ସୋନିଆ ଗାନ୍ଧୀ ଏହା ମଧ୍ୟ କହିଛନ୍ତି ଯେ ସମସ୍ତଙ୍କ ସହଯୋଗ ବିନା ଏହି ଯୁଦ୍ଧରେ ଜିତିବା ସମ୍ଭବ ନୁହେଁ । ଏହା ପରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଟ୍ୱିଟ୍ କରି କହିଛନ୍ତି, 'ଧନ୍ୟବାଦ ସୋନିଆ ଜୀ । ଆପଣ ନିଜର ସ୍ୱାସ୍ଥ୍ୟର ଯତ୍ନ ନିଅନ୍ତୁ । ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଦେଶବ୍ୟାପୀ ଲକ୍ ଡାଉନ୍ ମେ ୩ ପର୍ଯ୍ୟନ୍ତ ବୃଦ୍ଧି କରିବାକୁ ଘୋଷଣା କରିଛନ୍ତି । ଯାହାର ବର୍ତ୍ତମାନର ପର୍ଯ୍ୟାୟ ଏପ୍ରିଲ ୧୪ରେ ଶେଷ ହେବାର ଥିଲା ।