 "BSNL ଗ୍ରାହକଙ୍କୁ ଜୁଲାଇ ପର୍ଯ୍ୟନ୍ତ ମିଳିବ '5 ପେ 6' ପଇସା କ୍ୟାସବ୍ୟାକ୍ ଅଫର")
ନୂଆଦିଲ୍ଲୀ: ଭାରତ ସଞ୍ଚାର ନିଗମ ଲିମିଟେଡ(BSNL) ନିଜର "5 pe 6" ଅଫରକୁ ଜୁଲାଇ ୩୧ ପର୍ଯ୍ୟନ୍ତ ବୃଦ୍ଧି କରିଛି । ପ୍ରୋତ୍ସାହନମୂଳକ ଅଫର ଅନୁଯାୟୀ, ରାଷ୍ଟ୍ରାୟତ୍ତ ଟେଲିକମ୍ ଅପରେଟର ଏହାର ବ୍ରଡବ୍ୟାଣ୍ଡ ଓ ଲ୍ୟାଣ୍ଡଲାଇନ ଗ୍ରାହକଙ୍କୁ ଅତି କମରେ ୫ ମିନିଟର ଲମ୍ବା ଭଏସ୍ କଲ କରିବା ପାଇଁ ୬ ପଇସାର କ୍ୟାସବ୍ୟାକ୍ ପ୍ରଦାନ କରୁଛି । ଏହି ଅଫର ଜୁନ୍ ୩୦ ପର୍ଯ୍ୟନ୍ତ ବୃଦ୍ଧି କରାଯାଇଥିଲା । ମୂଳ ରୂପରେ BSNL ଏହାର ଗ୍ରାହକଙ୍କୁ ବଜାୟ ରଖିବା ପାଇଁ ଗତ ବର୍ଷ 5 ପେ 6 ଅଫର ଆଣିଥିଲା । ଏହି ସମ୍ପ୍ରସାରଣ ଏପରି ସମୟରେ ଘଟିଛି ଯେତେବେଳେ କୋରୋନୋ ଭାଇରସର ପ୍ରକୋପ ହେତୁ ଲୋକମାନେ ଘର ଭିତରେ ରହୁଛନ୍ତି । ଏହି ସମୟରେ ଭଏଜ୍ ଓ ଭିଡିଓ କଲ୍ ମାଧ୍ୟମରେ ସେମାନେ ନିଜ ବନ୍ଧୁ ଏବଂ ସମ୍ପର୍କୀୟଙ୍କ ସହ ଜଡ଼ିତ ହେଉଛନ୍ତି ।
ବିଏସଏନଏଲ କର୍ଣ୍ଣାଟକ ବିଭାଗ ନିଜର ଅଫିସିଆଲ ଆକାଉଣ୍ଟ ଦ୍ୱାରା ପୋଷ୍ଟ କରାଯାଇଥିବା ଏକ ଟ୍ୱିଟ୍ ଜରିଆରେ ଏହାର ବିସ୍ତାର ଘୋଷଣା କରିଛି । ଯାହା ପ୍ରଥମେ OnlyTech ଦ୍ୱାରା ଦେଖାଯାଇଥିଲା । BSNL ପୃଷ୍ଟି କରିଛି ଯେ, ଜୁଲାଇ ୩୧ ପର୍ଯ୍ୟନ୍ତ ବୈଧତା ସେହି ସମସ୍ତ ସର୍କଲ ପାଇଁ ପ୍ରଯୁଜ୍ୟ ହେବ, ଯେଉଁଠାରେ ଏହି ଅଫର ପୂର୍ବରୁ ଉପଲବ୍ଧ ଥିଲା ।
କ୍ୟାସବ୍ୟାକ୍ ଅଫରକୁ ସକ୍ରିୟ କରିବାକୁ BSNL ଲ୍ୟାଣ୍ଡଲାଇନ, ବ୍ରଡବ୍ୟାଣ୍ଡ କିମ୍ବା ଫାଇବର-ଟୁ-ହୋମ (FTTH) ସଂଯୋଗ ଗ୍ରାହକଙ୍କୁ ଏଲିଜିବଲ ନମ୍ୱର ସହ “ACT” ଓ “6PAISA” ଲେଖି ଏକ ଏସଏମଏସ 094478053334ରେ ପଠାଇବାକୁ ପଡ଼ିବ । ବୈକଳ୍ପିକ ଭାବରେ ଏହା ଟୋଲ୍ ଫ୍ରି ନମ୍ବର 18005991900କୁ କଲ କରି ମଧ୍ୟ ସକ୍ଷମ ହୋଇପାରିବ ।
ପ୍ରୋତ୍ସାହନମୂଳକ ଅଫର ଅଧୀନରେ ୬ ପଇସା କ୍ୟାସବ୍ୟାକ୍ ପାଇବାକୁ ଗ୍ରାହକଙ୍କୁ ପାଞ୍ଚ ମିନିଟ୍ କିମ୍ବା ତା’ଠାରୁ ଅଧିକ କଲ୍ କରିବାକୁ ପଡିବ । ଏହା ସହିତ ପ୍ରତ୍ୟେକ ଗ୍ରାହକ ପ୍ରତି ମାସରେ ସର୍ବାଧିକ ୫୦ ଟଙ୍କା କ୍ୟାସବ୍ୟାକ୍ ପାଇବେ ।
)