Budget 2022; GST କୁ ନେଇ ବଡ଼ ଘୋଷଣା କରିପାରନ୍ତି ଅର୍ଥମନ୍ତ୍ରୀ

ନୂଆଦିଲ୍ଲୀ: ଆସନ୍ତାକାଲି ସଂସଦରେ ଆଗତ ହେବ ବର୍ଷ ୨୦୨୨ ବଜେଟ । ତେବେ ଆଜିଠାରୁ ବଜେଟ ଅଧିବେଶନ ଆରମ୍ଭ ହୋଇସାରିଛି। ଆଜି ପ୍ରଥମ ଦିନରେ ବଜେଟ ଆଗତ ପୂର୍ବରୁ ରାଷ୍ଟ୍ରପତି ରାମନାଥ କୋବିନ୍ଦ ଉଭୟ ଲୋକସଭା ଓ ରାଜ୍ୟସଭା ସଦସ୍ୟଙ୍କୁ ସମ୍ବୋଧନ କରିଛନ୍ତି । ସରକାରଙ୍କ ଉପଲବ୍ଧି ଓ ଆଗାମୀ ଲକ୍ଷ୍ୟ ବାବଦରେ ସୂଚନା ଦେଇଛନ୍ତି ରାଷ୍ଟ୍ରପତି କୋବିନ୍ଦ । ଅଭିଭାଷଣରେ କୋବିନ୍ଦ କହିଛନ୍ତି ଯେ, ଆସନ୍ତା ୨୫ ବର୍ଷକୁ ଆଖିରେ ରଖି କାମ କରୁଛନ୍ତି ସରକାର ।

କୁହାଯାଉଛି ଯେ, ଏହି ବଜେଟରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଜିଏସଟି ସମ୍ବନ୍ଧରେ ଏକ ବଡ଼ ଘୋଷଣା କରିପାରନ୍ତି। ଯେଉଁଥିରେ ଜିଏସଟି ଟ୍ରିବ୍ୟୁନାଲ ଗଠନ ପାଇଁ ପ୍ରସ୍ତାବ ରହିଛି। ଦ୍ରବ୍ୟ ଏବଂ ସେବା ଟିକସ ସୃଷ୍ଟି ପରୋକ୍ଷ ଟିକସ ମକଦ୍ଦମାକୁ ଶୀଘ୍ର ସମାଧାନ କରିବାରେ ସାହାଯ୍ୟ କରିବ, କାରଣ ବର୍ତ୍ତମାନ ସମୟରେ କୌଣସି ଅଲଗା ଜିଏସଟି ଟ୍ରିବ୍ୟୁନାଲ ନାହିଁ, ଟିକସଦାତାଙ୍କୁ ହାଇକୋର୍ଟରେ ଆବେଦନ କରିବାକୁ ବାଧ୍ୟ କରୁଛନ୍ତି ଯାହା ମହଙ୍ଗା ଏବଂ ସମୟ ସାପେକ୍ଷ।

ସୂଚନାନୁସାରେ, କେନ୍ଦ୍ରୀୟ ବଜେଟ ୨୦୨୨  (Union Budget 2022) ରେ ସରକାରଙ୍କ ଧ୍ୟାନ ଋଣ ବୋଝ କମ କରିବା ଉପରେ ରହିଛି। କ୍ଷୁଦ୍ର ବ୍ୟବସାୟୀ ଓ ମହାମାରୀ ପାଇଁ ଯାହା ସବୁ କ୍ଷତି ହୋଇଛି ଅର୍ଥନୀତିକୁ ଟ୍ରାକ୍ କୁ ଆଣିବାକୁ ଅର୍ଥମନ୍ତ୍ରୀ ଜିଏସଟି ଉପରେ କିଛି ବଡ଼ ଘୋଷଣା କରିପାରନ୍ତି ବୋଲି ଆଶା ରହିଛି। ପ୍ରକୃତରେ ଜିଏସଟି ଅଧିନିୟମର ଧାରା ୧୦୯ କୁ କେନ୍ଦ୍ର ଅପଲୀୟ ନ୍ୟାୟାଧିକରଣ ଗଠନ କରିବାର ଅଧିକାର ଦେଇଥାଏ।

ସେପଟେ ବଜେଟ ଆଗତ ପୂର୍ବରୁ ଲୋକସଭାରେ ଉପସ୍ଥାପିତ ହେଲା ଅର୍ଥନୈତିକ ସର୍ଭେ ରିପୋର୍ଟ । ରିପୋର୍ଟ ଉପସ୍ଥାପନ କରିଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । ୨୦୨୨-୨୩ରେ ଅଭିବୃଦ୍ଧି ହାର ୮ରୁ ୮.୫ ପ୍ରତିଶତ ରହିବା ଆକଳନ କରାଯାଉଛି । ସେହିପରି କୃଷି କ୍ଷେତ୍ରରେ ଅଭିବୃଦ୍ଧି ୩.୯ ପ୍ରତିଶତ ରହିବା ଆକଳନ କରାଯାଇଛି । ସେବା କ୍ଷେତ୍ରରେ ୮.୨ ପ୍ରତିଶତ ହାରରେ ଅଭିବୃଦ୍ଧି ହାସଲ କରିବା ଆକଳନ କରାଯାଇଛି ।