ଭିଡିଓ କ୍ଲିପ୍ ସେୟାର କରି ମୋଦି ସରକାରଙ୍କୁ ଘେରିଲେ ରାହୁଲ, କହିଲେ-ଏଥିପାଇଁ ସଂସଦରେ ଲୁଚା ଯାଇଥିଲା ସତ...

ନୂଆଦିଲ୍ଲୀ: କଂଗ୍ରେସର ପୂର୍ବତନ ଅଧ୍ୟକ୍ଷ ତଥା ବର୍ତ୍ତମାନର ସାଂସଦ ରାହୁଲ ଗାନ୍ଧୀ ମୋଦି ସରକାରଙ୍କୁ ଟାର୍ଗେଟ କରିଛନ୍ତି । ସେ ବଡ ବ୍ୟାଙ୍କ ଡିଫଲ୍ଟରଙ୍କ ନାଁ ଲୁଚାଇ ରଖିଥିବା ଅଭିଯୋଗ କରିଛନ୍ତି । ସଂସଦରେ ତାଙ୍କ ଦ୍ୱାରା ପଚାରା ଯାଇଥିବା ପ୍ରଶ୍ନର କଥାକୁ ଉଲ୍ଲେଖ କରି ରାହୁଲ କହିଛନ୍ତି ଯେ, ବର୍ତ୍ତମାନ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ(RBI) ନୀରବ ମୋଦୀ, ମେହୁଲ ଚୋକସିଙ୍କ ସମେତ ବିଜେପି ମିତ୍ରଙ୍କ ନାଁ ବ୍ୟାଙ୍କ ଚୋର ତାଲିକାରେ ରଖିଛି ।

संसद में मैंने एक सीधा सा प्रश्न पूछा था- मुझे देश के 50 सबसे बड़े बैंक चोरों के नाम बताइए।

वित्तमंत्री ने जवाब देने से मना कर दिया।

अब RBI ने नीरव मोदी, मेहुल चोकसी सहित भाजपा के ‘मित्रों’ के नाम बैंक चोरों की लिस्ट में डाले हैं।

इसीलिए संसद में इस सच को छुपाया गया। pic.twitter.com/xVAkxrxyVM

— Rahul Gandhi (@RahulGandhi) April 28, 2020

କଂଗ୍ରେସର ପୂର୍ବତନ ଅଧ୍ୟକ୍ଷ ଟ୍ୱିଟ୍ କରି କହିଛନ୍ତି ଯେ, ମୁଁ ସଂସଦରେ ଏକ ସରଳ ପ୍ରଶ୍ନ ପଚାରିଥିଲି- ମୋତେ ଦେଶର ୫୦ଟି ବଡ ବ୍ୟାଙ୍କ ଚୋରଙ୍କ ନାଁ କୁହନ୍ତୁ । ଅର୍ଥମନ୍ତ୍ରୀ ଏହାର ଉତ୍ତର ଦେବାକୁ ମନା କରି ଦେଇଛନ୍ତି । ବର୍ତ୍ତମାନ ଆରବିଆଇ ନୀରବ ମୋଦୀ, ମେହୁଲ ଚୋକସିଙ୍କ ସମେତ ବିଜେପିର 'ମିତ୍ର'ଙ୍କ ନାଁ ବ୍ୟାଙ୍କ ଚୋର ତାଲିକାରେ ରଖିଛି । ସେଥିପାଇଁ ସଂସଦରେ ଏହି ସତ୍ୟ ଲୁଚା ଯାଇଥିଲା ।

ମାର୍ଚ୍ଚରେ ବଜେଟ୍ ଅଧିବେଶନରେ ରାହୁଲ ଗାନ୍ଧୀ ଲୋକସଭାରେ ବ୍ୟାଙ୍କିଂ ଠକେଇ ପ୍ରସଙ୍ଗ ଉଠାଇଥିଲେ । ସେ ଦେଶର ପ୍ରାୟ ୫୦ ପ୍ରମୁଖ ଡିଫଲ୍ଟରଙ୍କ ତାଲିକା ସରକାରଙ୍କ ଠାରୁ ମାଗିଥିଲେ । ପ୍ରଶ୍ନକାଳରେ କଂଗ୍ରେସ ସାଂସଦ ରାହୁଲ ପଚାରିଥିଲେ ଯେ, 'ମୁଁ ସରକାରଙ୍କୁ ଏକ ସରଳ ପ୍ରଶ୍ନ ପଚାରିଛି ଯେ ଦେଶର ୫୦ ଡିଫଲ୍ଟର କିଏ? ମୋତେ କୌଣସି ଉତ୍ତର ଦିଆଯାଇ ନାହିଁ । ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଯେଉଁମାନେ ଭାରତ ବ୍ୟାଙ୍କରୁ ଚୋରି କରିଛନ୍ତି । ମୁଁ ସେମାନଙ୍କୁ ଫେରାଇ ଆଣିବି । ତେଣୁ ମୁଁ ସରକାରଙ୍କୁ ସେମାନଙ୍କ ନାମ ପଚାରିଲି । ମୁଁ ଉତ୍ତର ପାଇଲି ନାହିଁ ।