ଦଶହରା ଭସାଣୀ ବେଳେ ଅଘଟଣ; ୨୦ ଲୋକଙ୍କ ଉପରେ ଚଢିଗଲା ଗଞ୍ଜେଇ ବୋଝେଇ ଗାଡି

ରାୟପୁର: ବିଜୟା ଦଶମୀ ପାଳନ ପାଇଁ ଗାଁ ଠାରୁ ସହର ଚଳଚଞ୍ଚଳ ହୋଇଉଠିଥିବା ବେଳେ ଛତିଶଗଡରେ ଘଟିଯାଇଛି ମର୍ମନ୍ତୁଦ ଦୁର୍ଘଟଣା। ଦଶହରା ଉତ୍ସବ ଚାଲିଥିବା ବେଳେ ଦ୍ରୁତ ଗତିରେ ଆସୁଥିବା ଏକ ଗଞ୍ଜେଇ ବୋଝେଇ ଗାଡି ଏହି କାର୍ଯ୍ୟକ୍ରମରେ ସାମିଲ ହୋଇଥିବା ଲୋକଙ୍କ ଉପରେ ଚଢିଯିବା ଫଳରେ ୪ ଜଣଙ୍କ ମୃତ୍ୟୁ ହୋଇଛି। ରାଜ୍ୟର ଜସପୁରସ୍ଥିତ ପତଥଲଗାଓଁ ଠାରେ ଥିବା ରାୟଗଡ ରୋଡରେ ଘଟିଯାଇଛି ଏଭଳି ଘଟଣା।

ଏଭଳି ଘଟଣା ଘଟିବା କ୍ଷଣି ଲୋକେ ଦୁର୍ଘଟଣା ଘଟାଇ ଫେରାର ହୋଇଯିବାକୁ ଚେଷ୍ଟା କରୁଥିବା ଏହି ଗାଡିର ପିଛା କରି ଏହାକୁ ଏହାର ଚାଳକ ସହ ଧରି ନେଇଛନ୍ତି। ଏଭଳି ଘଟଣା ଘଟିବା ପରେ ଘଟଣାସ୍ଥଳରେ ଉତ୍ତେଜନାମୂଳକ ପରସ୍ଥିତି ସୃଷ୍ଟି ହୋଇଛି। ଏନେଇ ଖବର ପାଇବା ପରେ ସେଠାରେ ପହଞ୍ଚିଛି ପୋଲିସ। ଅନ୍ୟପଟେ ଜିଲ୍ଲାପାଳ ଏବଂ ଏସପି ସେଠାରେ ପହଞ୍ଚିବାକୁ ଯାତ୍ରା ଆରମ୍ଭ କରିଛନ୍ତି।

#ଭଷାଣି_ବେଳେ_ଚଢ଼ିଗଲା_ଗାଡ଼ି

ଗଞ୍ଜେଇଭର୍ତ୍ତି ଗାଡ଼ି ନେଲା ଭକ୍ତଙ୍କ ଜୀବନ, ଉତ୍ତ୍ୟକ୍ତଲୋକେ ଗାଡ଼ିରେ ଲଗାଇଲେ ନିଆଁ, ଦେଖନ୍ତୁ ଏହି ଭିଡିଓ #Chhatisgarh #DasseheraImmersion
Watch LIVE TV: https://t.co/fV0EgFkdur pic.twitter.com/pcrysFVffm

— ZEE Odisha (@ZeeOdisha) October 15, 2021

ଦ୍ରୁତ ଗତିରେ ଆସୁଥିବା ଏହି ଗଞ୍ଜେଇ ବୋଝେଇ ଗାଡି ୨୦ ଜଣ ଲୋକଙ୍କ ଉପରେ ଚଢିଯାଇଥିଲା। ଏହି ଘଟଣାରେ ଆହତ ହୋଇଥିବା ଲୋକଙ୍କୁ ପତଥଲଗାଓଁସ୍ଥିତ ସିଭିଲ ହସ୍ପିଟାଲରେ ଭର୍ତ୍ତି କରାଯାଇଛି। ଯେଉଁଠି ସେମାନଙ୍କ ଚିକିତ୍ସା ଜାରି ରହିଛି।