କେନ୍ଦ୍ରୀୟ କର୍ମଚାରୀଙ୍କୁ ବଡ଼ ଆଶ୍ୱସ୍ତି, ଏହି ସ୍କିମରେ ହେଲା ପରିବର୍ତ୍ତନ

ନୂଆଦିଲ୍ଲୀ: କେନ୍ଦ୍ରୀୟ କର୍ମଚାରୀଙ୍କୁ ମିଳିଲା ବଡ଼ ଆଶ୍ୱସ୍ତି। Leave Travel Concession (LTC) ସହ ଜଡିତ ନିୟମରେ ସରକାର ପରିବର୍ତ୍ତନ କରିଛନ୍ତି। ୨୦୨୧ ମେ ୩୦ ପୂର୍ବରୁ ଯେଉଁ କର୍ମଚାରୀମାନେ LTC କ୍ଲେମ୍ କରିପାରି ନାହାନ୍ତି, ସେମାନେ ଉପକୃତ ହେବେ।

କର୍ମଚାରୀମାନଙ୍କୁ ସେମାନଙ୍କର Leave Travel Concession ଦାବି କରିବାକୁ କେନ୍ଦ୍ର ସରକାର ଆଉ ଏକ ସୁଯୋଗ ଦେଇଛନ୍ତି। ଅର୍ଥ ମନ୍ତ୍ରଣାଳୟ ଅଧୀନରେ ଡିପାର୍ଟମେଣ୍ଟ ଅଫ ଏକ୍ସପେଣ୍ଡିଚରର LTC ଭାଉଚର ଯୋଜନା ସମ୍ପର୍କରେ ଏକ ସ୍ପଷ୍ଟୀକରଣ ଜାରି କରାଯାଇଛି। ଯେଉଁଥିରେ କୁହାଯାଇଛି ଯେ, କେନ୍ଦ୍ର ସରକାରଙ୍କ ବିଭିନ୍ନ ବିଭାଗ ଏବଂ ମନ୍ତ୍ରଣାଳୟକୁ ଗତ ମେ ୩୧ ତାରିଖ ପରେର LTC ସେଟେଲମେଣ୍ଚ କରିବା ପାଇଁ ନିର୍ଦ୍ଦେଶ ଦିଆଯାଇଛି। 

ଏକ୍ସପେଣ୍ଡିଚର ଡିପାର୍ଟମେଣ୍ଟ ଦ୍ୱାରା ଅଫିସ୍ ଅଫ୍ ମେମୋରିଆଣ୍ଡମ ମଧ୍ୟ ଜାରି କରାଯାଇଛି। ଯେଉଁଥିରେ କୁହାଯାଇଛି ଯେ, ଏହି ବିଭାଗରେ କୋଭିଡ-୧୯ କାରଣରୁ ସୃଷ୍ଟି ହୋଇଥିବା ପରିସ୍ଥିତିକୁ ଦୃଷ୍ଟିରେ ରଖି LTC କ୍ଲେମର ସେଟେଲମେଣ୍ଟ ତାରିଖକୁ ମେ ୩୧ ତାରିଖରୁ ବୃଦ୍ଧି କରିବାକୁ ପ୍ରତିନିଧିତ୍ୱ ଗ୍ରହଣ କରାଯାଇଛି। ମନ୍ତ୍ରଣାଳୟ / ବିଭାଗଗୁଡିକ ସେହି ଦାବି/ କ୍ରୟଗୁଡିକର ସେଟେଲ୍ ପାଇଁ ବିଚାର କରିପାରନ୍ତି।

ସାଧାରଣ ପରିସ୍ଥିତିରେ, ପ୍ରତ୍ୟେକ ଆର୍ଥିକ ବର୍ଷର ୩୧ ମାର୍ଚ୍ଚରେ LTC କ୍ଲେମ୍ ସେଟେଲମେଣ୍ଟ କରାଯାଇଥାଏ। କିନ୍ତୁ କୋରୋନା ମହାମାରୀ ହେତୁ କେନ୍ଦ୍ର ସରକାର ଏହାକୁ ୩୧ ମେ ୨୦୨୧କୁ ବୃଦ୍ଧି କରିଛନ୍ତି। ଏଥିପାଇଁ ୭ ମେ ୨୦୨୧ରେ ଏକ ଅଫିସ ମେମୋରେଣ୍ଡମ ମଧ୍ୟ ଜାରି କରାଯାଇଥିଲା। ମେ ମାସରେ କୋରୋନାର ଦ୍ୱିତୀୟ ଲହର ଶିଖରରେ ଥିବାରୁ ଅନେକ କେନ୍ଦ୍ର ସରକାରୀ କର୍ମଚାରୀ ସେମାନଙ୍କ LTC କ୍ଲେମ୍ କରିପାରିନଥିଲେ। ତେଣୁ ସେମାନଙ୍କର ସମ୍ପୃକ୍ତ ବିଭାଗ ଏହି ସମୟସୀମା ବୃଦ୍ଧି କରିବାକୁ ଦାବି କରିଛି।

କେନ୍ଦ୍ର ସରକାର ଏହାର କର୍ମଚାରୀମାନଙ୍କୁ LTC ନୀତି ଅନୁଯାୟୀ ଚାରି ବର୍ଷରେ ଥରେ ଭାରତର ଯେକୌଣସି ସ୍ଥାନକୁ ଯାତ୍ରା କରିବାର ସୁବିଧା ପ୍ରଦାନ କରନ୍ତି। ଏହା ବ୍ୟତୀତ କର୍ମଚାରୀମାନେ ମଧ୍ୟ ଏହି ଯୋଜନାର ସୁଯୋଗ ନେଇ ଚାରି ବର୍ଷରେ ଦୁଇଥର ନିଜ ଘରକୁ ଯାଆନ୍ତି। କୋରୋନା ମହାମାରୀ କାରଣରୁ ଦେଶ ତଥା ବିଶ୍ୱରେ ଯାତ୍ରା ବନ୍ଦ ହୋଇଯାଇଥିଲା, ତେଣୁ LTC କ୍ଲେମ୍ କରିବା କଷ୍ଟକର ହୋଇପଡିଥିଲା। ସେଥିପାଇଁ କେନ୍ଦ୍ର ସରକାର ତାଙ୍କ ସ୍ଥାନରେ LTC ନଗଦ ଭାଉଚର ଯୋଜନା ଘୋଷଣା କରିଛନ୍ତି। ଏଥିରେ, କେନ୍ଦ୍ରୀୟ କର୍ମଚାରୀମାନେ ସେହି ଜିନିଷ କିଣିବା ପାଇଁ ସେମାନଙ୍କର LTC ପାଣ୍ଠି ବ୍ୟବହାର କରିପାରିବେ ଯେଉଁଥିରେ ୧୨ ପ୍ରତିଶତରୁ ଅଧିକ GST ଥିବ। କର୍ମଚାରୀମାନେ ପରେ ସେହି ବିଲ୍ କ୍ଲେମ୍ କରିପାରିବେ। କିନ୍ତୁ କ୍ରୟ ପାଇଁ ପେମେଣ୍ଟ ଇଲେକ୍ଟ୍ରୋନିକ୍ ଭାବରେ କରାଯିବା ଉଚିତ୍।