୪୦୦ ବର୍ଷ ପୁରୁଣା ଗଛକୁ ବଞ୍ଚାଇବା ପାଇଁ ହାଇୱେ ପ୍ରକଳ୍ପରେ କରାଗଲା ପରିବର୍ତ୍ତନ

ମୁମ୍ବାଇ: ମହାରାଷ୍ଟ୍ରର ସାଙ୍ଗଲି ଜିଲ୍ଲା ସ୍ଥିତ ଏକ ୪୦୦ ବର୍ଷ ପୁରୁଣା ବର ଗଛକୁ କ୍ଷତି ନ ପହଞ୍ଚାଇବା ପାଇଁ ହାଇୱେ ପ୍ରକଳ୍ପରେ ପରିବର୍ତ୍ତନ କରାଗଲା । ଏହି ହାଇୱେ ପ୍ରକଳ୍ପ ବିରୋଧରେ ଚାଲିଥିବା ବିରୋଧକୁ ଦୃଷ୍ଟିରେ ରଖି ଗଛର କୌଣସି କ୍ଷତି ନକରିବାକୁ ନିଷ୍ପତ୍ତି ନିଆଯାଇଛି । ମହାରାଷ୍ଟ୍ରର ମନ୍ତ୍ରୀ ଆଦିତ୍ୟ ଠାକରେ ଆଜି ଏହି ସୂଚନା ଦେଇଛନ୍ତି । ଆଦିତ୍ୟ କହିଛନ୍ତି ଯେ, ଭାରତୀୟ ଜାତୀୟ ରାଜପଥ ପ୍ରାଧିକରଣ(NHAI) ସଡ଼କ ନିର୍ମାଣ ପ୍ରକଳ୍ପର ରାସ୍ତାକୁ ଆସୁଥିବା ଗଛଗୁଡ଼ିକୁ କାଟି ନଦେବାକୁ ନିଷ୍ପତ୍ତି ନେଇଛି । ସେ କହିଛନ୍ତି ଯେ NHAI ରାଜପଥକୁ ଗଛ ନିକଟରେ ଦେଇ ନେବାକୁ ନିଷ୍ପତ୍ତି ନେଇଛି । 

The 400 year old banyan tree in Sangli district that we saved with a letter to @NHAI_Official . One can see the highway close to the tree. That, now will be realigned to save the tree. The tree is a keeper of legends, folklore and memories of many who played there as children. pic.twitter.com/e8AcIhZm8h

— Aaditya Thackeray (@AUThackeray) July 24, 2020

ସେ ଟ୍ୱିଟ୍ କରି କହିଛନ୍ତି ଯେ, "ଆମେ NHAIକୁ ଚିଠି ଲେଖି ସାଙ୍ଗଲି ଜିଲ୍ଲାର ଏକ ୪୦୦ ବର୍ଷ ପୁରୁଣା ବର ଗଛକୁ ବଞ୍ଚାଇଛୁ । କେହି ବି ଗଛ ନିକଟରେ ରାଜପଥ ଦେଖି ପାରିବେ । ବର୍ତ୍ତମାନ ଗଛକୁ ବଞ୍ଚାଇବା ପାଇଁ ଏହାକୁ ପୁନଃ ଆରମ୍ଭ କରାଯିବ । ଗଛ ଲୋକ କାହାଣୀର ରକ୍ଷକ । ଏବଂ ପିଲାଦିନେ ଏହି ଗଛ ନିକଟରେ ଖେଳିଥିବା ଲୋକଙ୍କ ସ୍ମୃତି  ଜଡିତ ଅଛି । ୪୦୦ ବର୍ଗ ମିଟର ଉପରେ ବ୍ୟାପିଥିବା ରତ୍ନାଗିରି-ସୋଲାପୁର ରାଜପଥ ପ୍ରକଳ୍ପ ପାଇଁ NHAI ୪୦୦ ବର୍ଷ ପୁରୁଣା ଗଛ କାଟିବାକୁ ଯୋଜନା କରିଥିଲା ​​। ଏହା ପରେ ପରିବେଶବିତ୍ ତଥା ଗ୍ରାମବାସୀ ବିରୋଧ ପ୍ରଦର୍ଶନ ଆରମ୍ଭ କରିଥିଲେ । ଚିପକୋ ଆନ୍ଦୋଳନ ପରି ଗଛର ସୁରକ୍ଷା ପାଇଁ ଲୋକମାନେ ଗଛ ଚାରିପାଖରେ ଏକାଠି ହୋଇଥିବା ଦେଖିବାକୁ ମିଳିଥିଲା ​​।