 "ପ୍ରଧାନମନ୍ତ୍ରୀଙ୍କୁ ଜନ୍ମଦିନର ଶୁଭେଚ୍ଛା ଜଣାଇଲେ ନବୀନ, ଧର୍ମେନ୍ଦ୍ର")
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (Narendra Modi) ଙ୍କ ୭୦ତମ ଜନ୍ମଦିବସ ଅବସରରେ ସମଗ୍ର ଦେଶରୁ ତାଙ୍କୁ ଶୁଭେଚ୍ଛା ବାର୍ତ୍ତାର ସୁଅ ଛୁଟିଛି। ନେତାମନ୍ତ୍ରୀଙ୍କ ଠାରୁ ଆରମ୍ଭ କରି ସାଧାରଣ ଜନତା ପ୍ରଧାନମନ୍ତ୍ରୀ (Prime Minister) ଙ୍କୁ ଶୁଭେଚ୍ଛା ବାର୍ତ୍ତା ମଧ୍ୟ ଜଣାଉଛନ୍ତି। ତେବେ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ (Naveen Patnaik), କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ (Dharmendra Pradhan), ବୈଜୟନ୍ତ ପଣ୍ଡା (Baijayanta Panda), ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ୱାଲ (Aravinda Kejriwal), ରାହୁଲ ଗାନ୍ଧୀ (Rahul Gandhi) ପ୍ରମୁଖ ପ୍ରଧାନମନ୍ତ୍ରୀଙ୍କୁ ଶୁଭେଚ୍ଛା ବାର୍ତ୍ତା ଜଣାଇଛନ୍ତି।
Warm birthday wishes to Prime Minister Shri @narendramodi ji. May you be blessed with good health and long life.
— Naveen Patnaik (@Naveen_Odisha) September 17, 2020
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟର (Twitter) ଯୋଗେ ଶୁଭେଚ୍ଛା ବାର୍ତ୍ତା ଜଣାଇ ଲେଖିଛନ୍ତି କି, ପ୍ରଧାନମନ୍ତ୍ରୀଙ୍କ ଶରୀର ସୁସ୍ଥ ରହୁ ଓ ସେ ଦୀର୍ଘାୟୁ ହୁଅନ୍ତୁ ବୋଲି ନବୀନ କାମନା କରିଛନ୍ତି। ସେହିପରି ଧର୍ମେନ୍ଦ୍ର ପ୍ରଧାନ (Dharmendra Pradhan) ମଧ୍ୟ ପ୍ରଧାନମନ୍ତ୍ରୀଙ୍କ ଦୀର୍ଘାୟୁ କାମନା କରିଛନ୍ତି। ସେ ଲେଖିଛନ୍ତି କି, ବିଶ୍ୱର ସର୍ବାଧିକ ଲୋକପ୍ରିୟ ଜନନେତା ଓ ଦେଶର ଯଶସ୍ୱୀ ପ୍ରଧାନମନ୍ତ୍ରୀଙ୍କୁ ଜନ୍ମଦିନର ଅନେକ ଅନେକ ଶୁଭେଚ୍ଛା। ଦୃଢ ଇଚ୍ଛା ଶକ୍ତି, ନିର୍ଣ୍ଣାୟକ ନେତୃତ୍ୱ, ପରିଶ୍ରମ, ଓ ସମସ୍ତଙ୍କୁ ସାଙ୍ଗରେ ନେଇ କାର୍ଯ୍ୟଶୈଳୀ ତାଙ୍କୁ ଶ୍ରେଷ୍ଟ ଜନନେତା ଭାବେ ପରିଚିତ କରାଇ ପାରିଛି। ପ୍ରଧାନମନ୍ତ୍ରୀ ତାଙ୍କର ଅକ୍ଳାନ୍ତ ପରିଶ୍ରମ, ଶଶକ୍ତ ଓ ଆତ୍ମ ନିର୍ଭର ଭାରତ ଗଠନ ପାଇଁ ଅନବରତ ଭାବେ ପ୍ରଚେଷ୍ଟା ଜାରି ରଖିଛନ୍ତି।
विश्व के सर्वाधिक लोकप्रिय जननेता एवं देश के यशस्वी प्रधानमंत्री श्री @narendramodi जी को जन्मदिवस की अनंत शुभकामनाएं।दृढ़ इच्छाशक्ति, निर्णायक नेतृत्व, अथक परिश्रम और सबका साथ के माध्यम से आप श्रेष्ठ, सशक्त एवं आत्मनिर्भर भारत के निर्माण के लिए सतत प्रयासरत हैं।#HappyBdayNaMo pic.twitter.com/f51M5cLEzc
— Dharmendra Pradhan (@dpradhanbjp) September 17, 2020
ବୈଜୟନ୍ତ ପଣ୍ଡା (Baijayant Panda) କହିଛନ୍ତି ସମଗ୍ର ବିଶ୍ୱରେ ପ୍ରଧାନମନ୍ତ୍ରୀଙ୍କର ଲୋକପ୍ରିୟତା ଶୀର୍ଷରେ ରହିଛି। ସାମାଜିକ ଜୀବନଶୈଳୀରେ ପରିବର୍ତ୍ତନକୁ ବିଶ୍ୱସ୍ତରରେ ପହଞ୍ଚାଇବା ଓ ତାକୁ ଲାଗୁ କରିବା ଭଳି ଅନେକ ଗୁରୁତ୍ତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରିଛନ୍ତି ପ୍ରଧାନମନ୍ତ୍ରୀ। ତାଙ୍କର ଏହି ୭୦ତମ ଜନ୍ମ ଦିବସରେ ଅନେକ ଅନେକ ଶୁଭେଚ୍ଛା ଓ ଶୁଭକାମନା ବୋଲି ଜଣାଇଥିଲେ।
ସେହିପରି କଂଗ୍ରେସ ନେତା ରାହୁଲ ଗାନ୍ଧୀ ଓ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ୱାଲ ମଧ୍ୟ ପ୍ରଧାନମନ୍ତ୍ରୀଙ୍କୁ ଶୁଭେଚ୍ଛା ବାର୍ତ୍ତା ଜଣାଇଛନ୍ତି। କେଜରିଓ୍ୱାଲ ଶୁଭେଚ୍ଛା ଜଣାଇବା ସହିତ ଦୀର୍ଘ ଓ ନିରାମୟ ଜୀବନଯାପନର କାମନା ଜଣାଇଛନ୍ତି। ତେବେ ପ୍ରଧାନମନ୍ତ୍ରୀଙ୍କ ଜନ୍ମଦିନ ପାଳନ କରିବାକୁ ୭୦ କେଜିର ଏକ ଲଡ଼ୁ ମଧ୍ୟ ପ୍ରସ୍ତୁତ କରାଯାଇଥିବା ଜଣାପଡ଼ିଛି। ସେପଟେ ପ୍ରଧାନମନ୍ତ୍ରୀଙ୍କ ଜନ୍ମଦିନ ଉପଲକ୍ଷେ ବିଜେପି ପକ୍ଷରୁ ସେପ୍ଟେମ୍ବର ୧୪ ରୁ ୨୦ ତାରିଖ ପର୍ଯ୍ୟନ୍ତ ସେବା ସପ୍ତାହ ପାଳନ କରୁଥିବା ଜଣାପଡ଼ିଛି।
)