ହଜମ ହେଲାନି ସତ, WIONର ୱେବସାଇଟକୁ ବ୍ଲକ କଲା ଚୀନ

ନୂଆଦିଲ୍ଲୀ: ଭାରତ ନିଜ ସାଇବର ଜଗତର ସୁରକ୍ଷା ଏବଂ ସମ୍ପ୍ରଭୁତାକୁ ସୁନିଶ୍ଚିତ କରିବା ପାଇଁ ୫୯ ଚାଇନିଜ୍ ଆପକୁ ବ୍ୟାନ କରିଛି । ଭାରତ ଓ ଚୀନ ମଧ୍ୟରେ ତିକ୍ତତା ଜାରି ରହିଥିବା ବେଳେ ଏଭଳି ନିଷ୍ପତ୍ତି ନେଇଛନ୍ତି କେନ୍ଦ୍ର ସରକାର । ଆଉ ଏହା ଚୀନକୁ ବଡ଼ ଝଟକା ଦେଇଛି । ଚୀନ କାର୍ଯ୍ୟାନୁଷ୍ଠାନ ନେବାକୁ ଯାଇ Zee ମିଡିଆ ଗ୍ରୁପର ଅନ୍ତର୍ଜାତୀୟ ଚ୍ୟାନେଲ WIONର ୱେବସାଇଟ  www.wionews.comକୁ ସେଠାରେ ବ୍ଲକ କରିଦେଇଛି । ଅର୍ଥାତ ଏବେ ଚୀନର ମୁଖ୍ୟଭୂମି(Mainland)ରେ ଏହି ୱେବସାଇଟକୁ ଖୋଲାଯାଇପାରିବ ନାହିଁ । 

ଚୀନକୁ ହଜମ ହେଲାନି ସତ । ନିରପେକ୍ଷ ଖବର ପରିବେଷଣ କରି ଚୀନର ମୁଖା ଖୋଲିଥିଲା WION. କେବଳ ଏତିକି ନୁହେଁ, ପାକିସ୍ତାନର ପ୍ରତ୍ୟେକ ଚାଲକୁ ମଧ୍ୟ ଦେଖାଇଆସିଛି । ଯେଉଁଥିପାଇଁ ତ ଉଭୟ ପାକିସ୍ତାନ ଓ ଚୀନ ସରକାର WIONକୁ ନିଶାନା ବନାଇବାକୁ ଉଦ୍ୟମ କରୁଛନ୍ତି । ଚୀନରେ ଇଣ୍ଟରନେଟର ମନିଟରିଂ କରୁଥିବା ସଂସ୍ଥା GreatFire.org କହିଛି, WIONକୁ ଚୀନରେ ସମ୍ପୂର୍ଣ୍ଣ ଭାବେ ବ୍ଲକ କରିଦିଆଯାଇଛି । 

କହିରଖୁଛୁ, ଚୀନ ଦ୍ୱାରା ଅନ୍ତର୍ଜାତୀୟ ମିଡିଆ ସଂସ୍ଥାକୁ କରାଯାଉଥିବା ଇଣ୍ଟରନେଟ ସେନ୍ସରସିପ ଉପରେ ନଜର ରଖିଥାଏ GreatFire.org ।  ଏହାରି ମାଧ୍ୟମରେ ରସର୍ଚର ଚୀନରେ ଜାରି ହେଉଥିବା ଡିଜିଟାଲ ସେନ୍ସରସିପକୁ ଟ୍ରାକ କରିପାରନ୍ତି ।