ନେପାଳ ଦଖଲ ପାଇଁ ଚୀନର ନଜର !

ନୂଆଦିଲ୍ଲୀ: ନେପାଳ ପାଇଁ ବଢୁଛି ଅଡ଼ୁଆ। ପୂର୍ବରୁ ଭାରତ ବିପକ୍ଷରେ ଚୀନ ଠାରୁ ସହାୟତା ନେଇଥିବା ନେପାଳ ପାଇଁ ଅଡ଼ୁଆ ବଢିବାରେ ଲାଗିଛି। ଚୀନ ନିକଟରେ ନେପାଳର ପ୍ରଧାନମନ୍ତ୍ରୀ କେପି ଶର୍ମା ଓଲି ସମ୍ପୂର୍ଣ୍ଣ ଭାବେ ମୁଣ୍ଡ ନୁଆଇଁ ସାରିଛନ୍ତି। ନେପାଳରେ ଚୀନୀ ସେନା ପ୍ରବେଶ କରିବା ସହିତ ଏକାଧିକ ଅଞ୍ଚଳରେ ନିଜର ଦବଦବା ଆରମ୍ଭ କରିସାରିଲେଣି। ଏହାକୁ ନେଇ ନେପାଳରେ ପ୍ରଧାନମନ୍ତ୍ରୀଙ୍କ ବିରୋଧରେ ଶୋଭାଯାତ୍ରା ମଧ୍ୟ ବାହାରି ଥିବା ଦେଖିବାକୁ ମିଳିଛି। ନେପାଳବାସୀ ରାସ୍ତାରେ ଆନ୍ଦୋଳନ କରିବା ସହିତ ପ୍ରଧାନମନ୍ତ୍ରୀଙ୍କ ସହିତ ଅନ୍ୟ ମନ୍ତ୍ରୀମାନଙ୍କୁ ଖୋଲାଖୋଲି ଭାବେ ପ୍ରଶ୍ନ କରିବା ଆରମ୍ଭ କରିସାରିଲେଣି। ଯାହାଫଳରେ ପ୍ରଧାନମନ୍ତ୍ରୀ କେପି ଶର୍ମାଙ୍କ ସରକାର ଚାପରେ ରହିଥିବା ନେଇ ଆଲୋଚନା ଆରମ୍ଭ ହୋଇ ଗଲାଣି। 

ଚୀନର ଏଭଳି ଅନୈତିକ କାର୍ଯ୍ୟ ପାଇଁ ନେପାଳ ମୁଁହ ଖୋଲିବାକୁ ସାହାସ ଜୁଟାଇ ପାରୁନାହିଁ। ତେବେ ନିକଟରେ ଏକ ରିପୋର୍ଟ ଅନୁଯାୟୀ ନେପାଳର ହୁମଲା ଜିଲ୍ଲାର କିଛି ଅଞ୍ଚଳରେ ଚୀନ ଅନୁପ୍ରବେଶ କରିଥିବା ଜଣାପଡ଼ିଥିଲା। ତେବେ ହୁମଲା ଜିଲ୍ଲାରେ ୧୨ ନମ୍ବର ପିଲାର ନିକଟରେ ବେଆଇନ ଭାବେ ନିର୍ମାଣ କାର୍ଯ୍ୟ ଆରମ୍ଭ କରିଥିଲେ। ଯେଉଁଥିପାଇଁ ନେପାଳର ବିନା ଅନୁମତିରେ ଏହି ନିର୍ମାଣ କାର୍ଯ୍ୟ ଆରମ୍ଭ କରିଥିବା ସୂଚନା ରହିଛି। ଯଦିଓ ଅନ୍ତର୍ଜାତୀୟ ସ୍ତରର ନିୟମ ଅନୁଯାୟୀ ଦ୍ୱିପାକ୍ଷିକ ବୁଝାମଣା ଅନୁଯାୟୀ କୌଣସି କାର୍ଯ୍ୟ ପଡ଼ୋଶୀ ରାଷ୍ଟ୍ର ଆରମ୍ଭ କରିପାରିବ ନାହିଁ ବୋଲି ଉକ୍ତ ରିପୋର୍ଟରେ ଉଲ୍ଲେଖ ରହିଛି। 

ନେପାଳର ବିପକ୍ଷ ଦଳ କଂଗ୍ରେସର ଏକ ଟିମ ନେପାଳର ଉତ୍ତର ଅଞ୍ଚଳ ଗସ୍ତ କରି ସ୍ଥିତି ପରଖିଛି। ଏହି ଦଳ ସାଂସଦ ଜୀବନ ବାହାଦୁରଙ୍କ ନେତୃତ୍ୱରେ ଗସ୍ତ କରିଥିବା ସୂଚନା ରହିଛି। ସେଠାରେ ୧୧ ଦିନ ପର୍ଯ୍ୟନ୍ତ ଏହି ଟିମ ସ୍ଥିତି ପରଖିଛି ବୋଲି ସୂଚନା ରହିଛି। ସ୍ଥିତି ପରଖିବା ପରେ ଏହି ଟିମ କହିଛି ଯେ, ପିଲାର ୧୨ ଅଞ୍ଚଳ ବ୍ୟାପକ ଭାବେ କ୍ଷତିଗ୍ରସ୍ତ ହୋଇଛି। ଏବେ ଶାସକ ଦଳର ନେତା ବିଧାୟକମାନେ ହୁମଲା ଜିଲ୍ଲାରେ ଚୀନର ଅନୁପ୍ରବେଶ ସମ୍ପର୍କରେ କୌଣସି ସ୍ୱର ଉଠାଉନାହାନ୍ତି। ଯାହା ସରକାରଙ୍କର ଅପାରଗ ପଣିଆକୁ ସ୍ପଷ୍ଟ ଭାବେ ପ୍ରକାଶ କରୁଛି। ସେପଟେ କିନ୍ତୁ କେପି ଓଲିଙ୍କ ସରକାର ଚୀନର ଏଭଳି ପଦକ୍ଷେପ ପାଇଁ ସ୍ୱର ଉଠାଇଛି ବୋଲି ଶାସକ ଦଳ ପକ୍ଷରୁ କୁହାଯାଇଛି। 

Add Zee News as a Preferred Source

ନେପାଳର ଓଲି ପ୍ରଶାସନ ଏହାକୁ ଅସ୍ୱୀକାର କରୁଛି ଯେ ଚୀନ୍ ନେପାଳ ଅଞ୍ଚଳରେ ଆକ୍ରମଣ କରିଛି ଏବଂ ଶାସକ ଦଳର ବରିଷ୍ଠ ନେତା ଭୀମ ରାୱଲ ସୋମବାର ନେପାଳ-ଚୀନ୍ ସୀମା ପ୍ରସଙ୍ଗରେ ତଥ୍ୟ ପ୍ରକାଶ କରିବାକୁ ସରକାରଙ୍କୁ ଅନୁରୋଧ କରିଛନ୍ତି। ସେ ହମଲାର ନାମଖା ଗ୍ରାମୀଣ ପୌରପାଳିକା ଲିମୋଲୋଙ୍ଗଜଙ୍ଗର ନେପାଳ-ଚୀନ୍ ସୀମାରେ ଥିବା ଏକ ସ୍ଥାନରେ ସ୍ଥିତି ପରଖିବାକୁ ଚେଷ୍ଟା କରିଥିଲେ। ଯେଉଁଥିରେ ସେ ଜଣେ ସରକାରୀ ଅଧିକାରୀ, ସର୍ଭେ ବିଭାଗ ଏବଂ ବୈଦେଶିକ ମନ୍ତ୍ରଣାଳୟର ଲୋକଙ୍କୁ ଅନ୍ତର୍ଭୁକ୍ତ କରିବାକୁ ଦାବି କରିଛନ୍ତି। ରାୱଲ ଅଲିଙ୍କ ଜଣେ ଦୃଢ ପ୍ରତିଦ୍ୱନ୍ଦ୍ୱୀ | ସେ କହିଛନ୍ତି ଯେ ଦେଶର ଆଞ୍ଚଳିକ ଅଖଣ୍ଡତା ସହ ଜଡିତ ଏହି ପ୍ରସଙ୍ଗକୁ ଉଦ୍ଦେଶ୍ୟମୂଳକ ଭାବରେ ସମାଧାନ କରାଯିବା ଉଚିତ। ତାଙ୍କ ଅନୁସନ୍ଧାନ ସମ୍ପର୍କରେ ଶାହି କହିଛନ୍ତି ଯେ ଚୀନ୍ ଏକପାଖିଆ ଭାବେ ମରାମତି କରିଛି ଏବଂ ବଦଳାଇ ଦେଇଛି ଯାହା ଅତୀତରେ ଦୁଇ ଦେଶ ମଧ୍ୟରେ ସ୍ୱାକ୍ଷରିତ ସୀମା ପ୍ରୋଟୋକଲ୍ ବିରୁଦ୍ଧ ଅଟେ।

ଶାହି କହିଛନ୍ତି ଯେ ଚୀନ୍ କ’ଣ କରିଛି ତାହାର ବୈଜ୍ଞାନିକ ମୂଲ୍ୟାଙ୍କନ କରିବା ପାଇଁ ହମଲା ଜିଲ୍ଲାର ନେପାଳ-ଚୀନ୍ ସୀମାକୁ ଏକ ବିଶେଷଜ୍ଞ ଦଳ ପରିଦର୍ଶନ କରିବା ଉଚିତ୍। ଆମର ଅନୁସନ୍ଧାନ ସ୍ପଷ୍ଟ ଭାବରେ ଦର୍ଶାଉଛି ଯେ ସୀମା ସ୍ତମ୍ଭ ବଦଳାଇବା ପରେ ଚୀନ୍ ଦେଢ କିଲୋମିଟର ଆମ ଅଞ୍ଚଳରେ ପ୍ରବେଶ କରିଛି। ଶାହି କହିଛନ୍ତି ଯେ ସୀମା ଯାଞ୍ଚ ସମୟରେ ଯେତେବେଳେ ତାଙ୍କ ନେତୃତ୍ୱରେ ଟିମ୍ ନିକଟସ୍ଥ ୧୧ ନମ୍ବର ପିଲାର ନିକଟରେ ପହଞ୍ଚିଥିଲା, ​​ସେତେବେଳେ ଚୀନ୍ ପକ୍ଷ ତାଙ୍କୁ ଟାର୍ଗେଟ କରି ଲୁହବୁହା ଗ୍ୟାସ୍ ଗୁଳି ଚଳାଇଥଲା ବୋଲି ସେ କହିଛନ୍ତି।