ବିଦେଶୀ ନିବେଶ ଦେଶ ଛାଡ଼ି ଯିବାର ରିପୋର୍ଟକୁ ଖାରଜ କଲା ଚାଇନା

ନୂଆଦିଲ୍ଲୀ: କୋଭିଡ-19 ପରେ ବିଦେଶୀ ନିବେଶକମାନେ ଦେଶ ଛାଡ଼ି ଚାଲିଯାଉଥିବା ରିପୋର୍ଟକୁ ଖାରଜ କରିଛି ଚୀନ । ଅନେକ ଉଦାହରଣ ଦେଇ ଚୀନ କହିଛି ଯେ, ପ୍ରତ୍ୟକ୍ଷ ବିଦେଶୀ ପୁଞ୍ଜି ନିବେଶ ପ୍ରକୃତରେ ବୃଦ୍ଧି ପାଉଛି । ଏପ୍ରିଲରେ ପ୍ରକାଶିତ ଆମେରିକୀୟ ଚାମ୍ବର ଅଫ୍ କମର୍ସ, ସାଂଘାଇ ଏବଂ ପିଡବ୍ଲ୍ୟୁସିର ମିଳିତ ସର୍ଭେ ରିପୋର୍ଟରେ ଦର୍ଶାଯାଇଛି ଯେ, ୭୦% ଆମେରିକୀୟ କମ୍ପାନୀ କହିଛନ୍ତି ଯେ ସେମାନେ ଚାଇନାରୁ ଉତ୍ପାଦନ, ଯୋଗାଣ କିମ୍ବା କଞ୍ଚାମାଲ ନେବା ବନ୍ଦ କରିବେ ନାହିଁ । ଏହି କମ୍ପାନୀଗୁଡିକ ଆମେରିକା-ଚୀନ୍‌ର ଅର୍ଥନୈତିକ ଓ ବାଣିଜ୍ୟ ସହଯୋଗକୁ ଶେଷ  କରିବାକୁ ମଧ୍ୟ ବିରୋଧ କରୁଛନ୍ତି ।

ଆମେରିକୀୟ ଚାମ୍ବର ଅଫ୍ କମର୍ସ ଇନ୍ ସାଉଥ ଚାଉନାର ରିପୋର୍ଟ ଅନୁଯାୟୀ, ୭୫ ପ୍ରତିଶତ କମ୍ପାନୀ ନିଶ୍ଚିତ ଅଛନ୍ତି ଯେ କୋଭିଡ ମହାମାରୀ ସତ୍ତ୍ୱେ ଚୀନ୍‌ର ଆର୍ଥିକ ସ୍ଥିତି ଭଲ ରହିବ । ସେମାନେ ଏଠାରେ ଆଉ ନିବେଶ ଯୋଜନା ପରିବର୍ତ୍ତନ କରିବେ ନାହିଁ । ଉଦାହରଣ ସ୍ୱରୂପ, ଚଳିତ ବର୍ଷ  ଏପ୍ରିଲ ୨୯ରେ ସ୍ନାଇଡର୍  ଇଲେକ୍ଟ୍ରିକ୍(Schneider Electric) Xiamen ସହିତ ଚୁକ୍ତି ସ୍ୱାକ୍ଷରିତ କରିଥିଲା ​​। ଆଉ ପରିବେଶ ପାଇଁ ଉନ୍ନତ ବୈଦ୍ୟୁତିକ ଉପକରଣରେ ନିବେଶ କରିବ ।

ସେହିପରି ଏପ୍ରିଲ ୨୨ରେ, ExxonMobi ଗୁଆଙ୍ଗଡୋଙ୍ଗରେ ଏକ ବୃହତ ଆକାରର ଇଥିଲିନ ପ୍ରକଳ୍ପ ଆରମ୍ଭ କରିବା ପାଇଁ ଏକ କାର୍ଯ୍ୟକ୍ରମ କରିଥିଲା ​। ଗତ ବର୍ଷଠାରୁ ବିଶ୍ୱ ବ୍ୟାଙ୍କର “ଇଜ୍ ଅଫ୍ ଡୁଇଙ୍ଗ୍ ବିଜନେସ୍ ରାଙ୍କିଙ୍ଗ୍”ରେ ଚୀନର ସ୍ଥିତି ୧୫ ଟି ରାଙ୍କ ଉପରେ ଆସିଛି । ଜାନୁଆରୀରେ ପ୍ରକାଶିତ UNCTADର "ଗ୍ଲୋବାଲ୍ ଇନଭେଷ୍ଟମେଣ୍ଟ ଟ୍ରେଣ୍ଡସ୍ ମନିଟର"(Global Investment Trends Monitor)ର ରିପୋର୍ଟରେ,  ପ୍ରତ୍ୟକ୍ଷ ବିଦେଶୀ ପୁଞ୍ଜି ନିବେଶକୁ ଆକର୍ଷିତ କରିବାରେ ଚାଇନା ବିଶ୍ୱରେ ଦ୍ୱିତୀୟ ଏବଂ ବିକାଶଶୀଳ ଦେଶମାନଙ୍କରେ ପ୍ରଥମ ସ୍ଥାନରେ ରହିଛି ।