ଟିକଟକର ଅନ୍ୟ ରୂପ ସ୍ନାକ ଭିଡିଓ ଆପ୍

ନୂଆଦିଲ୍ଲୀ: ଆମ ଦେଶର ଅନେକ ଲୋକ ଏବଂ ଖାସକରି ଯୁବପିଢ଼ିଙ୍କ ପାଇଁ ଦେଶପ୍ରମ ଠାରୁ ଅଧିକ ପ୍ରିୟ ହୋଇଯାଇଛି ମନୋରଞ୍ଜନ । ହୁଏତ ଏତେ ସହଜ ନୁହେଁ ସମସ୍ତଙ୍କ ମନରେ ଦେଶପ୍ରେମ ଜାଗ୍ରତ କରିବା । ଏବେବି ଅନେକ ଲୋକ ସହଜରେ ଶତ୍ରୁ ଦେଶର ଆପ୍ ଏବଂ ସାମଗ୍ରୀର ବ୍ୟବହାର ଛାଡ଼ିପାରୁନାହାନ୍ତି ନାହାନ୍ତି । ଦେଶର ଅନେକ ଲୋକ ଖୁସି ଥିଲେ, ଯେତେବେଳେ ଶତ୍ରୁ ଦେଶ ଚୀନର କେତେକ ଆପକୁ ଭାରତରେ ବ୍ୟାନ୍ କରାଗଲା । କିନ୍ତୁ ସେହି ସମୟରେ ଅନେକ ଲୋକ ଚୀନ ଆପ ବ୍ୟାନକୁ ନେଇ ନାରାଜ ମଧ୍ୟ ଥିଲେ ।  

ଯେଉଁ ଚୀନ ଆମ ଦେଶର ସୀମା ଉପରେ ଛିଡ଼ା ହୋଇ ଆମ ଦେଶକୁ ନାଲି ଆଖି ଦେଖାଉଛି, ଛଳନା କରି ଆମ ଯବାନଙ୍କ ଜୀବନ ନେଇଛି । ସେହି ଶତ୍ରୁ ଦେଶ ଚୀନର ଅର୍ଥବ୍ୟବସ୍ଥାକୁ ସୃଦୃଢ଼ କରୁଛନ୍ତି ଆମ ଦେଶର ଯୁବପିଢ଼ି । ବର୍ତ୍ତମାନ ଏକ ଗୁରୁତ୍ୱପୂର୍ଣ୍ଣ କଥା ହେଉଛି, ଟିକ୍ ଟକ୍ ବ୍ୟାନ ପରେ ଟିକ୍ ଟକ୍ ଭଳି ଅନ୍ୟ ଏକ ଆପକୁ ପୁଣି ଥରେ ବହୁଳ ଭାବେ ଡାଉନଲୋଡ କରିବା ଆରମ୍ଭ କରିଦେଇଛନ୍ତି ଆମ ଯୁବପିଢ଼ି । ଏହି ମ୍ୟୁଜିକାଲ ଆପ ସହିତ ଚୀନ ପରୋକ୍ଷରେ ଜଡ଼ିତ । ଏହି ଆପର ନାମ ହେଉଛି ''ସ୍ନାକ ଭିଡିଓ'' । ଆଉ ଆମ ଭାରତର କିଛି ଲୋକଙ୍କ ପାଇଁ ଦେଶ ପ୍ରେମ ଅପେକ୍ଷା ମନୋରଞ୍ଜନ ଏବେ ଅଧିକ ବଡ଼ ହୋଇଯାଇଛି ।

 "ସ୍ନାକ ଭିଡିଓ " ଏକ ସର୍ଟ ଭିଡିଓ ଆପ୍: ସ୍ନାକ୍ ଭିଡିଓ ହେଉଛି ଏକ କ୍ଷୁଦ୍ର ଭିଡିଓ ଆପ୍ । ଏଥିରେ ପୂର୍ବ ଟିକ୍-ଟକ୍ ଆପ୍ ପରି ସମସ୍ତ ଫିଚର୍ସ ରହିଛି । ସଂପୂର୍ଣ୍ଣ ଟିକଟକ୍ ଆପ ସହିତ ପୁରା ପୁରି ମେଳ ଖାଉଛି, ଟିକଟକରେ ସୁଟ ହୋଇଥିବା ସମାନ ଭିଡିଓ, ସମାନ ସେଲିବ୍ରିଟି ଏବଂ ସେମାନଙ୍କର ଫ୍ୟାନ୍ ଫୋଲର୍ସ ସବୁ କିଛି ସମାନ । ଏହି ଚାଇନିଜ୍ ଆପ୍ ଗୁଗୁଲ୍ ପ୍ଲେ-ଷ୍ଟୋରରେ ୫୦ ମିଲିୟନରୁ ଅଧିକ ଉପଭୋକ୍ତା ଡାଉନଲୋଡ୍ କରିଛନ୍ତି ଏବଂ ୪.୪ ପଏଣ୍ଟ ରେଟିଂ ମଧ୍ୟ ପାଇଛନ୍ତି । ମନ୍ତବ୍ୟ ବିଭାଗରେ ମଧ୍ୟ, ଉପଭୋକ୍ତାମାନେ ଏହାକୁ ଏକ ବହୁତ ଭଲ ଆପ୍ ଭାବରେ ରେକର୍ଡ କରିଛନ୍ତି ।  ପୁଣିଥରେ ସମୟ ନଷ୍ଟ ସହିତ ଶତ୍ରୁ ଦେଶର ଅର୍ଥବ୍ୟବସ୍ଥାକୁ ସୁଦୃଢ଼ କରିବାରେ ଲାଗିଛନ୍ତି ଆମ ଦେଶର ଯୁବପିଢ଼ି ।