ବିଏମସିରେ କଂଗ୍ରେସ-ଏନସିପିର କଠୋର ଆଭିମୁଖ୍ୟ ପରେ ସଙ୍କଟରେ ଶିବସେନା !

ମୁମ୍ୱାଇ: ବିଜେପି (BJP) ତରଫରୁ ଦୁର୍ନୀତି ଅଭିଯୋଗ ଆଣି ବିଏମସି ମେୟର କିଶୋରୀ ପେଡନେକର (Mayor Kishori Pedneka) ଙ୍କ ବିରୋଧରେ ଅବିଶ୍ୱାସ ପ୍ରସ୍ତାବର ନୋଟିସ ଦିଆଯାଇଛି । ଅବିଶ୍ୱାସ ପ୍ରସ୍ତାବ ଉପରେ କ’ଣ ହେବ ତାହା କଂଗ୍ରେସ (Congress)-ଏନସିପି (NCP) ର ଆଭିମୁଖ୍ୟ ସ୍ଥିର କରିବ । ରାଜ୍ୟ ସରକାରରେ ସାମିଲ ଥିବା କଂଗ୍ରେସ ଓ ଏନସିପିର ଆଭିମୁଖ୍ୟ ବିଏମସି (BMC) ରେ ଶିବସେନା (Shiv Sena) ର ଚିନ୍ତାକୁ ବଢ଼ାଇ ଦେଇଛି ।  କଂଗ୍ରେସ-ଏନସିପି ଉଭୟ ଦଳର ନେତା କହିଛନ୍ତି ଯେ, ଅବିଶ୍ୱାସ ପ୍ରସ୍ତାବ ସମୟରେ ଦଳର ସ୍ଥିତି କ'ଣ ରହିବ, ତାହା ଦଳର ବରିଷ୍ଠ ନେତାଙ୍କ ସହ ଆଲୋଚନା ପରେ ସ୍ଥିର କରାଯିବ । କିନ୍ତୁ ବିଏମସିରେ ଶିବସେନାର ଆଭିମୁଖ୍ୟ ଉଭୟ ଦଳର କର୍ପୋରେଟରଙ୍କ ମଧ୍ୟରେ ଅସନ୍ତୋଷ ସୃଷ୍ଟି କରିଛି । ତେଣୁ ଅବିଶ୍ୱାସର ପ୍ରସ୍ତାବ ସମୟରେ ଉଭୟ ଦଳ କେଉଁ ଷ୍ଟାଣ୍ଡ ନେବେ ସେନେଇ ମୁହଁ ଖୋଲୁ ନାହାଁନ୍ତି ।

ଅଧିକ ପଢ଼ନ୍ତୁ:-କୋରୋନାକୁ ନେଇ ସତ ଲୁଚାଉଛି ଭାରତ !

କଂଗ୍ରେସର ଜଣେ ବରିଷ୍ଠ ନେତା କହିଛନ୍ତି ଯେ, ଯଦିଓ ଆମେ ସରକାରରେ ସାମିଲ ଅଛୁ, ତଥାପି ବିଏମସିରେ ଆମେ ବିପକ୍ଷରେ ରହିଛୁ । ବିରୋଧୀ ଦଳର ପଦ କଂଗ୍ରେସ ପାଖରେ ରହିଛି । ବିଏମସିରେ ଅଢ଼େଇ ଦଶନ୍ଧିରୁ ଅଧିକ ସମୟ ଧରି କ୍ଷମତାରେ ଥିବା ଶିବସେନା ପୂର୍ବରୁ ମନଇଚ୍ଛା କାମ କରି ଆସୁଛି । ବର୍ତ୍ତମାନ ମଧ୍ୟ ସେପରି କରୁଛି । ତାର ମନୋଭାବରେ କୌଣସି ପରିବର୍ତ୍ତନ ହୋଇନାହିଁ । ଯେହେତୁ ଆମେ ରାଜ୍ୟ ସରକାରରେ ସାମିଲ ଅଛୁ । ତେଣୁ ଶିବସେନା ବିଏମସିରେ କଂଗ୍ରେସ-ଏନସିପି କର୍ପୋରେଟରଙ୍କୁ ଗୁରୁତ୍ୱ ଦେବା ଉଚିତ । କିନ୍ତୁ ଶିବସେନା ତାହା କରୁନାହିଁ । ବର୍ତ୍ତମାନ ବିଜେପି ମେୟରଙ୍କ ବିରୋଧରେ ଏକ ଅବିଶ୍ୱାସ ପ୍ରସ୍ତାବ ଆଣିଛି, ସେତେବେଳେ ଶିବସେନାକୁ ଆମର କଥା ମନେ ପଡ଼ିଛି ।

ଅଧିକ ପଢ଼ନ୍ତୁ:-ଗ୍ରାହକଙ୍କୁ ବଡ଼ ଝଟକା ଦେଲା SBI !

ସୂଚନାନୁସାରେ, ବିଜେପି କଂଗ୍ରେସ-ଏନସିପି ନେତାଙ୍କ ସହ ଅବିଶ୍ୱାସ ପ୍ରସ୍ତାବକୁ ନେଇ ସମ୍ପର୍କ କରିଛି । ଯାହା ଶିବସେନା ପାଇଁ ଚିନ୍ତା ବଢ଼ାଇ ଦେଇଛି । ବିଶେଷଜ୍ଞମାନେ କହିଛନ୍ତି ଯେ, ଯଦି ଶିବସେନା ବିଏମସିରେ କ୍ଷମତା ଧରି ରଖିବାକୁ ଚାହୁଁଛି, ତେବେ ଯେକୌଣସି ପରିସ୍ଥିତିରେ କଂଗ୍ରେସ-ଏନସିପିର ସହଯୋଗ ଆବଶ୍ୟକ ହେବ । ତାହା ପ୍ରତ୍ୟକ୍ଷ କିମ୍ବା ପରୋକ୍ଷ ହେଉ । ୨୨୭ ସଦସ୍ୟ ବିଶିଷ୍ଟ ବିଏମସିରେ କ୍ଷମତାର ସମୀକରଣ କଂଗ୍ରେସର ଆଭିମୁଖ୍ୟରୁ ସ୍ଥିର ହେବ । ଏନସିପି ଓ ଏସପିର ଭୂମିକା ମଧ୍ୟ ଗୁରୁତ୍ୱପୂର୍ଣ୍ଣ ରହିବ । 

ଅଧିକ ପଢ଼ନ୍ତୁ:-କଙ୍ଗନାଙ୍କୁ ଆଉ ଏକ ବଡ଼ ଝଟକା ଦେଲା ବିଏମସି !

ସୂଚନାନୁସାରେ, ବିଏମସି ସେପ୍ଟେମ୍ବର ୨୮, ୨୯ ଏବଂ ୩୦ରେ ସାଧାରଣ ସଭାର ଏକ ବୈଠକ ଡାକିଛି । ଏ ବାବଦରେ କର୍ପୋରେଟରମାନଙ୍କୁ ସୂଚନା ଦିଆଯାଇଛି । ଜଣେ ବିଜେପି କର୍ପୋରେଟର କହିଛନ୍ତି ଯେ, ଏହି ସମୟ ମଧ୍ୟରେ ଅବିଶ୍ୱାସ ପ୍ରସ୍ତାବ ଉପରେ ଆଲୋଚନା ହେବାର ସମ୍ଭାବନା ରହିଛି ।

ବିଏମସିରେ ମୋଟ କର୍ପୋରେଟରଙ୍କ ସଂଖ୍ୟା ହେଉଛି ୨୨୭ । ସେଥିରୁ ଶିବସେନା ପାଖରେ ୯୭ ଜଣ, ବିଜେପି ପାଖରେ ୮୨ ଜଣ, କଂଗ୍ରେସ ପାଖରେ ୨୯ ଜଣ, ଏନସିପି ପାଖରେ ୮, ଏସପି ପାଖରେ ୬, ଏମଏନଏସ ପାଖରେ ୧ ଏବଂ ଏମଆଇଏମ ପାଖରେ ୨ କର୍ପୋରେଟ ରହିଛନ୍ତି ।