ପୁଣି ପିଏମ ମୋଦିଙ୍କୁ ଚିଠି ଲେଖିଲେ ସୋନିଆ ଗାନ୍ଧୀ, ଦେଲେ ଏହି ଗୁରୁତ୍ୱପୂର୍ଣ୍ଣ ପରାମର୍ଶ

ନୂଆଦିଲ୍ଲୀ: କୋରୋନା ଭାଇରସ ଯୋଗୁଁ ଦେଶରେ ଜାରି ଥିବା ସଙ୍କଟ ମଧ୍ୟରେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିକୁ ଚିଠି ଲେଖି କିଛି ପରାମର୍ଶ ଦେଇଛନ୍ତି । ଯେଉଁମାନେ ଜାତୀୟ ଖାଦ୍ୟ ସୁରକ୍ଷା ଅଧିନିୟମ ଅଧୀନରେ ଅଛନ୍ତି, ସେମାନଙ୍କ ପାଇଁ ୧୦ କିଲୋଗ୍ରାମ ରାସନ ତିନି ମାସ ଯାଏ ବୃଦ୍ଧି କରିବାକୁ ସେ ନିବେଦନ କରିଛନ୍ତି । ଆହୁରି ମଧ୍ୟ, ଯେଉଁମାନଙ୍କ ରେସନ କାର୍ଡ ନାହିଁ, ସେମାନଙ୍କୁ ମଧ୍ୟ ୬ ମାସ ପାଇଁ ୧୦ କିଲୋଗ୍ରାମ ରାସନ ଦେବାକୁ ପରାମର୍ଶ ଦେଇଛନ୍ତି । ପ୍ରଧାନମନ୍ତ୍ରୀଙ୍କୁ ଲେଖିଥିବା ଏକ ପତ୍ରରେ ସୋନିଆ ଏହା ମଧ୍ୟ କହିଛନ୍ତି ଯେ କୋରୋନା ଭୂତାଣୁ ବିରୋଧରେ ଏହି ଲଢ଼େଇରେ ସରକାରଙ୍କୁ ନିଶ୍ଚିତ କରିବାକୁ ପଡିବ ଯେ କୌଣସି ନାଗରିକଙ୍କ ଆଗରେ ଭୋକର ସଙ୍କଟ ଯେମିତି ନ ଦେଖାଦିଏ ।

ସୋନିଆ ଗାନ୍ଧୀ ଲେଖିଛନ୍ତି, 'ଲକ୍ ଡାଉନ୍ ଯୋଗୁଁ ଦେଶର ଲକ୍ଷ ଲକ୍ଷ ଲୋକଙ୍କୁ ଖାଦ୍ୟ ସମସ୍ୟାର ସମ୍ମୁଖୀନ ହେବାକୁ ପଡୁଛି । ଏହା ଦୁଃଖର ବିଷୟ ଯେ ଭାରତ ପାଖରେ ଏତେ ପରିମାଣର ଖାଦ୍ୟ ଶସ୍ୟ ଅଛି, ବିଶେଷ କରି ଏହି ମହାମାରୀ ଭଳି ପରିସ୍ଥିତିର ମୁକାବିଲା ପାଇଁ । ମୁଁ ଆପଣଙ୍କ ନିଷ୍ପତ୍ତିକୁ ସ୍ୱାଗତ କରୁଛି ଯେଉଁଥିରେ ଆପଣ ଜାତୀୟ ଖାଦ୍ୟ ସୁରକ୍ଷା ଆଇନ ଅନୁଯାୟୀ ପ୍ରତ୍ୟେକ ବ୍ୟକ୍ତିଙ୍କ ପାଇଁ ୫ କିଲୋଗ୍ରାମ ଚାଉଳ ଏପ୍ରିଲରୁ ଜୁନ୍ ୨୦୨୦ ପର୍ଯ୍ୟନ୍ତ ବାକୁ ଘୋଷଣା କରିଛନ୍ତି । ଲକଡାଉନର ପ୍ରତିକୂଳ ପ୍ରଭାବ ଏବଂ ଲୋକଙ୍କ ଜୀବିକା ଉପରେ ଏହାର ସୁଦୂରପ୍ରସାରୀ ପ୍ରଭାବକୁ ଦୃଷ୍ଟିରେ ରଖି ଆପଣ ମୋର ଏହି ପରାମର୍ଶଗୁଡ଼ିକୁ ବିଚାର କରନ୍ତୁ ।

ପ୍ରଥମଟି ହେଉଛି ଜାତୀୟ ଖାଦ୍ୟ ସୁରକ୍ଷା ଅଧିନିୟମ ଅନୁଯାୟୀ ପ୍ରତ୍ୟେକ ବ୍ୟକ୍ତିଙ୍କ ପାଇଁ ୧୦ କିଲୋଗ୍ରାମ ଚାଉଳ ଦେବାର ବ୍ୟବସ୍ଥା ଆଉ ତିନିମାସ ପର୍ଯ୍ୟନ୍ତ ଅର୍ଥାତ ସେପ୍ଟେମ୍ବର ୨୦୨୦ ପର୍ଯ୍ୟନ୍ତ ବୃଦ୍ଧି କରାଯିବା ଉଚିତ୍ । ଯେଉଁମାନଙ୍କ ପାଖରେ ରେସନ କାର୍ଡ ନାହିଁ କିନ୍ତୁ ଅସୁବିଧାରେ ଅଛନ୍ତି ସେମାନଙ୍କ ପାଇଁ ଏହା ମଧ୍ୟ କରାଯିବା ଉଚିତ୍ ।

ଏହାପୂର୍ବରୁ ଶୁକ୍ରବାର ଦିନ କଂଗ୍ରେସ କୋରୋନା ଭୂତାଣୁ ବିରୋଧରେ  ଲଢ଼େଇର ଯୋଗଦାନ ଦେବା ପାଇଁ ରଣନୀତି ପ୍ରସ୍ତୁତ କରିଛି । ଯେଉଁଥିରେ ଦଳର ସମଗ୍ର ସଂଗଠନ, ନେଟୱାର୍କ ଏବଂ କର୍ମକର୍ତ୍ତା ଦେଶବ୍ୟାପୀ ନିୟୋଜିତ ହେବେ । ଦଳର ଅଧ୍ୟକ୍ଷା ସୋନିଆ ଗାନ୍ଧୀ ବୈଠକରେ ରାଜ୍ୟ କଂଗ୍ରେସ କମିଟିର ସଭାପତିମାନଙ୍କ ସହ ଭିଡିଓ କନଫରେନ୍ସିଂ ମାଧ୍ୟମରେ ଆଲୋଚନା କରି କୋରୋନା ଭାଇରସ ବିରୋଧୀ ରଣନୀତି (କୋରୋନା ଆକ୍ସନ ଷ୍ଟ୍ରାଟେଜୀ) ଚୂଡାନ୍ତ କରିଛନ୍ତି । ଏହା ସହ ସୋନିଆ ଜୋର ଦେଇଛନ୍ତି ଯେ, ଦେଶରେ କୋରୋନା ଭୂତାଣୁକୁ ପରାସ୍ତ କରିବା ପାଇଁ ବ୍ୟାପକ ଅନୁସନ୍ଧାନ କରାଯିବା ଉଚିତ।