ଦିଲ୍ଲୀର ଗୋଟିଏ ହସ୍ପିଟାଲରେ ଡାକ୍ତର ସମେତ ୪୪ ଷ୍ଟାଫଙ୍କୁ କୋରୋନା

ନୂଆଦିଲ୍ଲୀ: ରାଜଧାନୀ ଦିଲ୍ଲୀର ଜାହଙ୍ଗୀରପୁରୀ ସ୍ଥିତ ଦିଲ୍ଲୀ ସରକାରୀଙ୍କ ବାବୁ ଜଗଜୀବନ ରାମ ହସ୍ପିଟାଲରେ ଡାକ୍ତରଙ୍କ ସମେତ ୪୪ ଜଣ ମେଡିକାଲ କର୍ମଚାରୀଙ୍କୁ କୋରୋନା ପଜିଟିଭ ଥିବାର ଜଣାପଡିଛି । ଏହି ସୂଚନା ପାଇବା ମାତ୍ରେ ଡାକ୍ତରଖାନାର ଚିକିତ୍ସା ସେବା ବର୍ତ୍ତମାନ ପର୍ଯ୍ୟନ୍ତ ବନ୍ଦ କରିଦିଆଯାଇଛି । ସମଗ୍ର ହସ୍ପିଟାଲକୁ ସାନିଟାଇଜେର କରିବା କାର୍ଯ୍ୟ ଚାଲିଛି ।

ଦିଲ୍ଲୀର ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନ କହିଛନ୍ତି ଯେ, ଜାହାଙ୍ଗୀରପୁରୀ ଅଞ୍ଚଳରେ ଅବସ୍ଥିତ ଜଗଜୀବନ ରାମ ଡାକ୍ତରଖାନାର କର୍ମଚାରୀମାନେ କୋରୋନା ସଂକ୍ରମିତ ହୋଇଥିବା ଜଣାପଡିଛି । ଜାହାଙ୍ଗୀରପୁରୀ ଅଞ୍ଚଳରୁ ଅନେକ କୋରୋନା ପଜିଟିଭ ମାମଲା ରିପୋର୍ଟ ହୋଇଛି ।

ଅନ୍ୟପକ୍ଷେ ରବିବାର ସକାଳେ ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ଭାରତରେ କୋରୋନା ଭାଇରସ୍ କାରଣରୁ ଏପର୍ଯ୍ୟନ୍ତ ୮୨୪ ଜଣଙ୍କ ମୃତ୍ୟୁ ଘଟିଛି । ଏଥି ସହିତ ସଂକ୍ରମିତ ରୋଗୀଙ୍କ ସଂଖ୍ୟା ୨୬ ହଜାର ୪୯୬କୁ ବୃଦ୍ଧି ପାଇଛି । ଗତ ୨୪ ଘଣ୍ଟାରେ ୧୯୯୦ କୋରୋନାର ନୂତନ ମାମଲା ବାହାରିଛି । ଯାହାକି ଗୋଟିଏ ଦିନରେ ଭାରତରେ ସର୍ବାଧିକ ସଂଖ୍ୟକ ମାମଲା ଅଟେ । ଏହି ୨୪ ଘଣ୍ଟା ମଧ୍ୟରେ ୪୯ ଜଣଙ୍କର ମୃତ୍ୟୁ ହୋଇଛି । ତେବେ ଏପର୍ଯ୍ୟନ୍ତ ୫ ହଜାର ୮୦୪ ଜଣ ରୋଗୀ ଏହି ବିପଜ୍ଜନକ ରୋଗରୁ ଆରୋଗ୍ୟ ଲାଭ କରିଛନ୍ତି ।