କୋରୋନାର ପ୍ରକୋପ: ଦେଢ଼ ବର୍ଷ ଯାଏ ବଢ଼ିବନି କେନ୍ଦ୍ର ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା(DA)

ନୂଆଦିଲ୍ଲୀ: କୋରୋନା ଭାଇରସ୍ ସଙ୍କଟ ମଧ୍ୟରେ ସରକାରୀ କର୍ମଚାରୀଙ୍କ ପାଇଁ ଏକ ଖରାପ ଖବର ରହିଛି । ତାହା ହେଉଛି ଜାନୁୟାରୀ ୧, ୨୦୨୦ରୁ ଜୁଲାଇ ୧, ୨୦୨୧ ମଧ୍ୟରେ ମହଙ୍ଗା ଭତ୍ତା ହାରକୁ ସଂଶୋଧନ ନକରିବାକୁ କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି । ବର୍ତ୍ତମାନ ସମୟରେ ମହଙ୍ଗା ଭତ୍ତା ପ୍ରଚଳିତ ହାରରେ (17 ପ୍ରତିଶତ) ପ୍ରଦାନ କରାଯିବ ।  ଜୁଲାଇ ୧, ୨୦୨୧ରେ ସଂଶୋଧନ ସମୟରେ ମଧ୍ୟ ଦେଢ଼ ବର୍ଷର ଏହି ଅବଧିର ବକେୟା ପ୍ରଦାନ କରାଯିବ ନାହିଁ ।

ଅର୍ଥ ମନ୍ତ୍ରଣାଳୟ ଦ୍ୱାରା ଜାରି କରାଯାଇଥିବା କାର୍ଯ୍ୟାଳୟ ସ୍ମାରକପତ୍ର ଅନୁଯାୟୀ, ଜାନୁଆରୀ ୧, ୨୦୨୦ରୁ କେନ୍ଦ୍ର ସରକାରୀ କର୍ମଚାରୀଙ୍କୁ ଦିଆଯାଉଥିବା ମହଙ୍ଗା ଭତ୍ତା ଏବଂ କେନ୍ଦ୍ର ସରକାରଙ୍କ ପେନ୍‌ସନ୍‌ଭୋଗୀଙ୍କୁ ମହଙ୍ଗା ରିଲିଫ୍‌ର ଅତିରିକ୍ତ କିସ୍ତି ପ୍ରଦାନ କରାଯିବ ନାହିଁ । ଜୁଲାଇ ୧, ୨୦୨୦ ଏବଂ ଜାନୁୟାରୀ ୧, ୨୦୨୧ରୁ ଦେୟ ମହଙ୍ଗା ଭତ୍ତା ଏବଂ ମହଙ୍ଗା ରିଲିଫ୍ ର ଅତିରିକ୍ତ କିସ୍ତି ମଧ୍ୟ ପ୍ରଦାନ କରାଯିବ ନାହିଁ । ଅନ୍ୟପକ୍ଷେ ମହଙ୍ଗା ଭତ୍ତା ଏବଂ ମହଙ୍ଗା ରିଲିଫ୍ ବର୍ତ୍ତମାନର ହାରରେ ପ୍ରଦାନ କରାଯିବ । ଏହା ଦ୍ୱାରା ଏକ କୋଟି ୧୩ ଲକ୍ଷ ୬୦ ହଜାର ପରିବାର ପ୍ରଭାବିତ ହେବେ ।

Add Zee News as a Preferred Source