ଆଉ ଏକ ରାଜ୍ୟରେ ଏକାଦଶ ଶ୍ରେଣୀର ସମସ୍ତ ବିଦ୍ୟାର୍ଥୀଙ୍କୁ କରାଗଲା ପାସ୍, ବିନା ପରୀକ୍ଷାରେ ପ୍ରବେଶ କଲେ ଦ୍ୱାଦଶ ଶ୍ରେଣୀ

ନୂଆଦିଲ୍ଲୀ: କୋରୋନା ସଙ୍କଟ ଯୋଗୁଁ ସାରା ଦେଶରେ ଲକଡାଉନ ଜାରି ରହିଛି । ଏହି ପରିସ୍ଥିତିରେ ଅତ୍ୟାବଶ୍ୟକୀୟ ସେବା ବ୍ୟତୀତ ଅନ୍ୟ ସମସ୍ତ ସେବା ବନ୍ଦ ରହିଛି । ଫଳରେ ବିଦ୍ୟାର୍ଥୀମାନେ ଅଧ୍ୟୟନ ପାଇଁ ନିଜ ନିଜ ବିଦ୍ୟାଳୟ, କଲେଜ ଓ ୟୁନିଭର୍ସିଟିକୁ ଯାଇପାରୁ ନାହୁଁ । ଏହି ପରିସ୍ଥିତି ମଣିପୁର ସରକାର ବିନା ପରୀକ୍ଷାରେ ରାଜ୍ୟ ବିଦ୍ୟାଳୟରେ ଏକାଦଶ ଶ୍ରେଣୀର ସମସ୍ତ ଛାତ୍ରଛାତ୍ରୀଙ୍କୁ ପରବର୍ତ୍ତୀ ଶ୍ରେଣୀକୁ ପଠାଇବାକୁ ଅନୁମୋଦନ କରିଛନ୍ତି । ଲକଡାଉନ ଯୋଗୁଁ ସରକାରଙ୍କୁ ବାର୍ଷିକ ପରୀକ୍ଷା ବାତିଲ କରିବାକୁ ପଡିଥିଲା । ଶିକ୍ଷା ବିଭାଗର ଜଣେ ବରିଷ୍ଠ ଅଧିକାରୀ ମଙ୍ଗଳବାର ଏହି ସୂଚନା ଦେଇଛନ୍ତି ।

ଶିକ୍ଷା କମିଶନର୍ (ସ୍କୁଲ) ଟି ରଣଜିତ ସିଂ ସୋମବାର ଏକ ବିଜ୍ଞପ୍ତିରେ କହିଛନ୍ତି ଯେ, କୋଭିଡ-19 ମହାମାରୀକୁ ଦୃଷ୍ଟିରେ ରଖି ଶିକ୍ଷାବର୍ଷ (2019-20) ପାଇଁ ଅନୁଷ୍ଠିତ ପାଇଁ ଏକାଦଶ ଶ୍ରେଣୀର ପରୀକ୍ଷା ହେବ ନାହିଁ । ଛାତ୍ରଛାତ୍ରୀଙ୍କ ପର୍ଯ୍ୟାୟକ୍ରମେ ପରୀକ୍ଷାର ପ୍ରଦର୍ଶନ ଅନୁସାରେ ଦ୍ୱାଦଶ ଶ୍ରେଣୀରେ ସ୍ଥାନ ମିଳିବ । 

ମଣିପୁରର ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ କ୍ଲାସ୍ ୧୧ ପରୀକ୍ଷା ଫେବୃଆରୀ ମଧ୍ୟଭାଗରେ ପାଞ୍ଚଟି ବିଷୟ ଉପରେ ପ୍ରଶ୍ନପତ୍ର ଲିକ୍ ହେବା ପରେ ବାତିଲ କରାଯାଇଥିଲା । ଏହା ପରେ ୫ଟି ବିଷୟର ନୂଆ ପରୀକ୍ଷା କରାଯିବ ବୋଲି ପରିଷଦ ତରଫରୁ ଘୋଷଣା କରାଯାଇଥିଲା । ତେବେ ପରିସ୍ଥିତିକୁ ଦୃଷ୍ଟିରେ ରଖି ଏକାଦଶ ଶ୍ରେଣୀର ଛାତ୍ରମାନଙ୍କୁ କୌଣସି ପରୀକ୍ଷା ନ ଦେଇ ପାସ୍ କରିବାକୁ ନିଷ୍ପତ୍ତି ନିଆଯାଇଛି ।

Add Zee News as a Preferred Source

ଏହାପୂର୍ବରୁ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଏକାଦଶ ଶ୍ରେଣୀ ଏବଂ କଲେଜ ଛାତ୍ରଛାତ୍ରୀଙ୍କୁ କୌଣସି ପରୀକ୍ଷା ନ ଦେଇ ପାସ୍ କରିବାକୁ ନିଷ୍ପତ୍ତି ନେଇଥିଲେ । ଏହା ସହିତ ସେ ଏହା ମଧ୍ୟ କହିଛନ୍ତି ଯେ ପଶ୍ଚିମବଙ୍ଗ ମାଧ୍ୟମିକ ଶିକ୍ଷା ବୋର୍ଡ (ଡବ୍ଲୁବିବିଏସ୍ଇ) ଦଶମ ପରୀକ୍ଷା ହୋଇସାରିଛି । ପରୀକ୍ଷା ଖାତା ଦେଖା ପ୍ରକ୍ରିୟା ଚାଲିଛି । ପଶ୍ଚିମବଙ୍ଗ ବୋର୍ଡ ଉଚ୍ଚ ମାଧ୍ୟମିକ ପରୀକ୍ଷା ଯଥା ଦ୍ୱାଦଶ ବୋର୍ଡ ପରୀକ୍ଷା ଜୁନ୍ ମାସରେ ଅନୁଷ୍ଠିତ ହେବ ।