୪୨ ବିଏସଏଫ ଯବାନଙ୍କୁ କୋରୋନା

ନୂଆଦିଲ୍ଲୀ:  ସୀମା ସୁରକ୍ଷା ବଳ (BSF)ରେ କୋରୋନା ସଂକ୍ରମିତ ସଂଖ୍ୟା ୪୬କୁ ପହଞ୍ଚିଛି । ଆଜି(ରବିବାର) ୨୫ ବିଏସଏଫ ଯବାନଙ୍କୁ କୋରୋନା ପଜିଟିଭ ଥିବାର ମାମଲା ସାମ୍ନାକୁ ଆସିଛି । ଦିଲ୍ଲୀ ପୋଲିସ ସହ ଆଇନ ବ୍ୟବସ୍ଥାକୁ ସମ୍ଭାଳିବା ପାଇଁ ଜାମା ମସଜିଦ ଅଞ୍ଚଳରେ ନିୟୋଜିତ ୧୨୬ ବାଟାଲିୟନର ୨୫ ଜଣ ଯବାନଙ୍କୁ କୋରୋନା ପଜିଟିଭ ବୋଲି ଜଣାପଡିଛି । ଏହି  କମ୍ପାନୀରେ ୯୪ ଯବାନ ଅଛନ୍ତି । ସେମାନଙ୍କ ମଧ୍ୟରୁ ୯ ଜଣଙ୍କ ରିପୋର୍ଟ ଆସିଥିଲା । ସେମାନଙ୍କ ମଧ୍ୟରୁ ୬ ଜଣ ଶନିବାର ସଂକ୍ରମିତ ହୋଇଥିବା ଜଣାପଡିଥିଲା । ଆଜି ୮୦ ଜଣ ଯବାନଙ୍କ ଟେଷ୍ଟର ରିପୋର୍ଟ ଆସିଥିଲା । ଯେଉଁଥିରୁ ୨୫ଟି ପଜିଟିଭ୍ ବାହାରିଛି ।

ଆଉ ୫ ଜଣ ଯବାନଙ୍କ କୋରୋନା ପରୀକ୍ଷଣର ରିପୋର୍ଟ ଏପର୍ଯ୍ୟନ୍ତ ଆସିବ ନାହିଁ । ଏହା ବ୍ୟତୀତ ଦିଲ୍ଲୀର ଆରକେପୁରାମ ହସ୍ପିଟାଲରେ କୋରୋନା ପଜିଟିଭ ରୋଗୀ ଭର୍ତ୍ତି କରାଯାଇଛି । ସେମାନଙ୍କ ସହିତ ଯୋଗାଯୋଗରେ ଆସିଥିବା ଆଉ ୩ ଜଣ ଯବାନଙ୍କ କୋରୋନା ରିପୋର୍ଟ ପଜିଟିଭ ଆସିଛି ।

ତ୍ରିପୁରାରେ ମୁତୟନ ହୋଇଥିବା ଆଉ ୨ ଜଣ ଯବାନ ମଧ୍ୟ କୋରୋନା ସଂକ୍ରମିତ ହୋଇଛନ୍ତି । ନିଜର ୪୨ ଜଣ ଯବାନ କୋରୋନା ପଜିଟିଭ୍ ହେବା ପରେ ବିଏସ୍ଏଫ୍ ଅଧିକ ସତର୍କ ହୋଇଯାଇଛି । କୋରୋନା ସହ ଜଡିତ ସମସ୍ତ ନିର୍ଦ୍ଦେଶାବଳୀ ପାଳନ କରିବାକୁ ଯବାନ ଏବଂ ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି ।