ଲକ୍ ଡାଉନରେ ଜନ୍ମ ନେଲା ଶିଶୁ, ନାଁ ରଖାଗଲା 'ସାନିଟାଇଜର'

ଲକ୍ଷ୍ନୌ: ଦେଶ ସମେତ ସମଗ୍ର ବିଶ୍ୱରେ କୋରୋନାର ତାଣ୍ଡବଲୀଳା ଜାରି ରହିଛି । ଏହି ମହାମାରୀ ଭୂତାଣୁ ମୁକାବିଲା ପାଇଁ ଭାରତରେ ୨୦ ଦିନ ଧରି ଲକ୍ ଡାଉନ୍ ଜାରି ରହିଛି । ଯାହା ଆସନ୍ତାକାଲି ଶେଷ ହେବାର ଅଛି । ଏହି ସମୟ ମଧ୍ୟରେ ଉତ୍ତରପ୍ରଦେଶର ସାହାରନପୁରରୁ ଏକ ମାମଲା ଆସିଛି, ଯେଉଁଠାରେ ଏକ ନବଜାତ ଶିଶୁଙ୍କ ନାଁ ତାଙ୍କ ମା'ବାପା 'ସାନିଟାଇଜର' ରଖିଛନ୍ତି ।

ବାସ୍ତବରେ ଏହି ସମଗ୍ର ବିଷୟ ଉତ୍ତରପ୍ରଦେଶର ସାହାରନପୁରରୁ ଆସିଛି । ଏଠାରେ ଏକ ଘରୋଇ ଡାକ୍ତରଖାନାରେ ଜନ୍ମ ହୋଇଥିବା ଶିଶୁର ନାଁ ସାନିଟାଇଜର ଭାବରେ ରଖାଯାଇଛି । ଏବଂ ଏହି ନାଁକୁ ନବଜାତ ଶିଶୁର ପିତାମାତା ଖୁସିରେ ରଖିଛନ୍ତି । ଏପରି ନାମ ଶୁଣି ଅନେକ ଲୋକ ଆଶ୍ଚର୍ଯ୍ୟ ହୋଇଗଲେ କିନ୍ତୁ ଲୋକମାନେ ଖୁସି ମନେ ହେଉଥିଲେ।

ଶିଶୁର ପିତାମାତା କହିଛନ୍ତି ଯେ, ଦେଶରେ କୋରୋନା ଭୂତାଣୁ ସଂକ୍ରମଣ ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ସରକାର ଏବଂ ବିଭିନ୍ନ ଅନୁଷ୍ଠାନକୁ କୋରୋନାରୁ ରକ୍ଷା କରିବା ପାଇଁ ସାନିଟାଇଜରର ବ୍ୟବହାର କରାଯାଉଛି । ଏବଂ ଆମେ ଭାବିଲୁ ଯେ ଆମେ ମଧ୍ୟ ଏହି ଚିନ୍ତାଧାରାରେ ସହଯୋଗ କରିବୁ । ଏହି କାରଣରୁ, ଆମେ ଆମର ପିଲାକୁ ଏହିପରି ନାଁ ଦେଇଛୁ ।

ଶିଶୁର ପିତା କହିଛନ୍ତି ଯେ, ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ରାଜ୍ୟ ମୁଖ୍ୟ ଯୋଗୀ ଆଦିତ୍ୟନାଥ କୋରୋନା ଭଳି ମାରାତ୍ମକ ରୋଗ ବିଷୟରେ ଲୋକଙ୍କୁ ସଚେତନତା କରାଉଛନ୍ତି, ସେହି ସଚେତନତା ଭାବକୁ ନେଇ ଆମେ ଆମ ପିଲାଙ୍କୁ ସାନିଟାଇଜର ଭାବରେ ନାମିତ କରିଛୁ ।

ବର୍ତ୍ତମାନ ନବଜାତ 'ସାନିଟାଇଜର' ଲୋକଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଛି । ଅନ୍ୟପକ୍ଷରେ, କୋରୋନା ଆକ୍ରାନ୍ତଙ୍କ ସଂଖ୍ୟା ଭାରତରେ କ୍ରମାଗତ ଭାବେ ବୃଦ୍ଧି ପାଉଛି । ସଂକ୍ରମିତ ମୋଟ ସଂଖ୍ୟା ୯ ହଜାରରୁ ଅତିକ୍ରମ କରିଥିବାବେଳେ ୩୨୦ରୁ ଅଧିକ ଲୋକଙ୍କର ମୃତ୍ୟୁ ହୋଇଛି ।