କୋରୋନାରୁ ଭାରତୀୟଙ୍କ ମଧ୍ୟରେ ମୃତ୍ୟୁ ଆଶଙ୍କା ଅଧିକ, ଏହି ନୂଆ ରିପୋର୍ଟ ବଢ଼ାଇଲା ଚିନ୍ତା

ନୂଆଦିଲ୍ଲୀ: ସମଗ୍ର ବିଶ୍ୱରେ କୋରୋନା ଭୂତାଣୁ (Coronavirus) ର ତାଣ୍ଡବ ଜାରି ରହିଛି । ଏହି ଭାଇରସ ବର୍ତ୍ତମାନ ସମୟରେ ଭାରତୀୟଙ୍କ ପାଇଁ ସବୁଠାରୁ ଅଧିକ ବିପଜ୍ଜନକ ପାଲଟିଛି । ଶୁକ୍ରବାର ଲଣ୍ଡନରେ ଏକ ନୂତନ ପରିସଂଖ୍ୟାନ ବିଶ୍ଳେଷଣ ପ୍ରକାଶ ପାଇଛି, ଯାହା ଅନୁଯାୟୀ ଇଂଲଣ୍ଡ ଏବଂ ୱେଲ୍ସରେ ରହୁଥିବା ଭାରତୀୟମାନେ କୋଭିଡ-19 ମୃତ୍ୟୁ ହାର (Covid-19 Death rate) ଶ୍ୱେତଙ୍କ ଅପେକ୍ଷା ୫୦-୭୫ ପ୍ରତିଶତ ଅଧିକ । ଏହି ଭୂତାଣୁରେ ମୃତ୍ୟୁ ହେବାର ଆଶଙ୍କା ଉଭୟ ଭାରତୀୟ ପୁରୁଷ ଓ ମହିଳାଙ୍କଠାରେ ଦେଖାଯାଇଛି ।

ଜାତୀୟ ପରିସଂଖ୍ୟାନ କାର୍ଯ୍ୟାଳୟ (ONS) ଚଳିତ ବର୍ଷ ପ୍ରାରମ୍ଭରେ କୋରୋନା ଭୂତାଣୁର ପ୍ରଭାବରେ ରଙ୍ଗଗତ ପାର୍ଥକ୍ୟର ନିଷ୍କର୍ସ ବାହାର କରିଥିଲା । ଏହି ସପ୍ତାହରେ ନିଜ ତଥ୍ୟକୁ ଅପଡେଟ୍ କରି  ONS କହିଛି ଯେ, ଏହି ଅସମାନତା ପଛରେ ପୂର୍ବରୁ ଚାଲି ଆସୁଥିବା କୌଣସି ରୋଗରୁ ଅଧିକ ଜୀବନଚର୍ଯ୍ୟା ଏବଂ ବୃତ୍ତି ଦାୟୀ ।

ONS ର ରିପୋର୍ଟ ଅନୁଯାୟୀ, ଯଦି ଜୁଲାଇ ୨୮ ପର୍ଯ୍ୟନ୍ତ ମୃତ୍ୟୁ ଦେଖିବା ତେବେ କଳା ଏବଂ ଦକ୍ଷିଣ ଏସୀୟ ଲୋକଙ୍କ ମଧ୍ୟରେ କୋଭିଡ-19ରୁ ମୃତ୍ୟୁ ହେବାର ଆଶଙ୍କା ଶ୍ୱେତମାନଙ୍କ ଅପେକ୍ଷା ଅଧିକ । ଏହାପୂର୍ବରୁ ମେ ୧୫ ପର୍ଯ୍ୟନ୍ତ ହୋଇଥିବା ମୃତ୍ୟୁରେ ମଧ୍ୟ ONS ଏପରି ଡାଟା ମିଳିବାର ଦାବି କରିଥିଲା । ଏହି ଅନୁସନ୍ଧାନରୁ ଜଣାପଡିଛି ଯେ କୋଭିଡ-19ରୁ ହୋଇଥିବା ମୃତ୍ୟୁରେ ଜାତିଗତ ପାର୍ଥକ୍ୟ ଜନସଂଖ୍ୟା, ସାମାଜିକ ଏବଂ ଅର୍ଥନୈତିକ କାରଣ ସହିତ ଦୃଢ଼ ଭାବରେ ଜଡିତ  ।

Add Zee News as a Preferred Source

ଅଧିକ ପଢ଼ନ୍ତୁ:-ଗେରୁଆ ରଙ୍ଗରେ ରଙ୍ଗେଇ ହୋଇପାରୁ ନାହାଁନ୍ତି ଜ୍ୟୋତିରାଦିତ୍ୟ, ରଣନୀତି ଅନୁସାରେ ଦୂରତା ରକ୍ଷା କଲା ବିଜେପି!

ଏହି ରିପୋର୍ଟରେ ଦର୍ଶାଯାଇଛି ଯେ ସମସ୍ତ ସମ୍ପ୍ରଦାୟରେ କୋରୋନା ଭୂତାଣୁରୁ ମୃତ୍ୟୁର ବିପଦ ପୁରୁଷଙ୍କ ମଧ୍ୟରେ ମହିଳାଙ୍କ ଅପେକ୍ଷା ଅଧିକ । ଚାଇନିଜ୍ ଲୋକଙ୍କୁ ଛାଡିଦେଲେ, ଅନ୍ୟ ସମ୍ପ୍ରଦାୟର ଶ୍ୱେତମାନଙ୍କ ମଧ୍ୟରେ ମୃତ୍ୟୁ ହେବାର ଆଶଙ୍କା କମ୍ ହୋଇଥାଏ ।