ସାମାଜିକ ଦୂରତା ନିୟମକୁ ଭୁଲିଲେ ବିଜେପି ବିଧାୟକ, ଭିଡ଼ ଏକାଠି କରି ବାଣ୍ଟିଲେ ରାସନ

ରାଞ୍ଚି: କୋରୋନା ଭାଇରସ ଯୋଗୁଁ ମାର୍ଚ୍ଚ 25 ତାରିଖରୁ ସମଗ୍ର ଦେଶରେ ଲକ୍ ଡାଉନ୍ ଜାରି ରହିଛି । ସମସ୍ତେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନରେ ସାମାଜିକ ଦୂରତା ଅନୁସରଣ କରୁଛନ୍ତି । କିନ୍ତୁ ତାଙ୍କ ନିଜ ଦଳର ବିଧାୟକମାନେ ସାମାଜିକ ଦୂରତାର ନିୟମକୁ ଭାଙ୍ଗି ଦେଉଥିବା ନଜରକୁ ଆସୁଛି । ଏପରି ଏକ ମାମଲା ଝାଡ଼ଡଖଣ୍ଡର ଧନବାଦରୁ ଆସିଛି । 

ଧନବାଦର ସ୍ଥାନୀୟ ବିଜେପି ବିଧାୟକ ରାଜ ସିହ୍ନା ବୁଧବାର ଧନବାଦର ଝାଡ଼ଖଣ୍ଡ ଗ୍ରାଉଣ୍ଡରେ ରାସନ ବଣ୍ଟନ କରୁଥିବା ଦେଖିବାକୁ ମିଳିଥିଲା । ସେ ଲୋକଙ୍କୁ ଏକ ସ୍ଥାନକୁ ଡାକିଥିଲେ ଏବଂ ସମସ୍ତଙ୍କୁ ଏକାଠି ବସାଇଥିଲେ, ତା’ପରେ ସେମାନଙ୍କୁ ରାସନ ବଣ୍ଟବା ଆରମ୍ଭ କରିଥିଲେ ।

Add Zee News as a Preferred Source

ରାସନ ବଣ୍ଟନ କରିବା ସମୟରେ ମଧ୍ୟ ସେ ଲୋକଙ୍କ ନିକଟତର ହେଉଥିବା ଦେଖିବାକୁ ମିଳିଥିଲା । ବିଧାୟକ ରାସନ ବିତରଣର ଏହି ଫଟୋକୁ ନିଜ ଫେସବୁକ ପେଜରେ ଅପଲୋଡ୍ କରିଛନ୍ତି । ଫଟୋରେ ଏହା ସ୍ପଷ୍ଟ ଭାବରେ ଦେଖାଯାଉଛି ଯେ ରାସନ ବଣ୍ଟନ କରିବା ସମୟରେ ସାମାଜିକ ଦୂରତା ଅନୁସରଣ କରାଯାଉ ନାହିଁ, ଯେଉଁ କାରଣରୁ କୋରୋନା ଭୂତାଣୁ ସଂକ୍ରମଣ ବିସ୍ତାର ହେବାର ଆଶଙ୍କା ରହିଛି ।

ଏଠାରେ କହି ରଖୁଛୁ ଯେ, କୋରୋନା ଭୂତାଣୁ ଯୋଗୁଁ ବର୍ତ୍ତମାନ ପର୍ଯ୍ୟନ୍ତ ଭାରତରେ ୫ ହଜାର ୭ ଶହରୁ ଉର୍ଦ୍ଧ୍ୱ ଲୋକ ସଂକ୍ରମିତ ହୋଇଛନ୍ତି । ଏଥିରୁ ୧୬୯ ଜଣଙ୍କ ମୃତ୍ୟୁ ଘଟିଛି । କୋରୋନା ଭୂତାଣୁ ଜଣଙ୍କଠୁ ଅନ୍ୟ ଜଣକୁ ସଂକ୍ରମିତ କରିଥାଏ । ଏହାକୁ ଧ୍ୟାନରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମାର୍ଚ୍ଚ 24ରେ ଘୋଷଣା କରିଥିଲେ ଯେ, ମାର୍ଚ୍ଚ ୨୫ରୁ ଏପ୍ରିଲ ୧୪ ପର୍ଯ୍ୟନ୍ତ ସାରା ଦେଶରେ ୨୧ ଦିନ ପାଇଁ ଲକ୍ ଡାଉନ୍ ଜାରି ରହିବ ।