କୋରୋନା ସଙ୍କଟ: ବଜାରରେ ବିକ୍ରି ହେଉଛି ନକଲି ସାନିଟାଇଜର, ଅସଲି ଜାଣିବା ପାଇଁ ଆପଣାନ୍ତୁ ଏହି ଉପାୟ

ମୁମ୍ବାଇ: କୋରୋନା ଭୂତାଣୁ ବୃଦ୍ଧି ପାଇବା ପରେ ବଜାରରେ ହ୍ୟାଣ୍ଡ ସାନିଟାଇଜରର ଚାହିଦା ବଢ଼ିଯାଇଛି । ଏପରି ସ୍ଥଳରେ ବହୁ ସ୍ଥାନରେ ଲୋକମାନେ ନକଲି ସାନିଟାଇଜର ମଧ୍ୟ ବିକ୍ରି କରୁଛନ୍ତି । ଏହା ଲୋକଙ୍କ ସ୍ୱାସ୍ଥ୍ୟକୁ କ୍ଷତି ପହଞ୍ଚାଇପାରେ । ମାର୍ଚ୍ଚ ମାସରେ କୋରୋନା ସଂକ୍ରମଣର ଖବର ଆସିବା ପରେ ଭାରତ ସମେତ ସମଗ୍ର ବିଶ୍ୱରେ କୋରୋନା ଭାଇରସରୁ ରକ୍ଷା ପାଇବା ପାଇଁ ହ୍ୟାଣ୍ଡ୍ ସାନିଟାଇଜର ବ୍ୟବହାର କରାଯିବା ଆରମ୍ଭ ହୋଇଥିଲା । ବଜାରରେ ଏହାର ଚାହିଦା ଏତେ ବଢିଯାଇଛି ଯେ ଅନେକ ସ୍ଥାନରେ ଲୋକମାନେ ନକଲି କିମ୍ବା ଖରାପ ଗୁଣାତ୍ମକ ସାନିଟାଇଜର ବିକ୍ରୟ କରିବା ଆରମ୍ଭ କରିଛନ୍ତି । ଯାହା ସ୍ୱାସ୍ଥ୍ୟ ପାଇଁ ଅତ୍ୟନ୍ତ କ୍ଷତିକାରକ ।

ଏକ ରିପୋର୍ଟ ଅନୁଯାୟୀ, ସାରା ଦୁନିଆରେ ୨୦୧୯ରେ ସାନିଟାଇଜରର ମୋଟ ବଜାର ମୂଲ୍ୟ ଏକ ବିଲିୟନ ଡଲାର ଥିଲା । ଯାହା ୨୦୨୦ରେ ୬ ବିଲିୟନ ଡଲାରକୁ ବୃଦ୍ଧି ପାଇଛି । ଏହି କାରଣରୁ ଲୋକମାନେ ବର୍ତ୍ତମାନ ନକଲି ସାନିଟାଇଜର ବିକ୍ରି କରୁଛନ୍ତି ।

ବଜାରରେ ଅନେକ ପ୍ରକାରର ସାନିଟାଇଜର ଉପଲବ୍ଧ ରହିଛି । ଏବଂ ସେମାନଙ୍କ ମୂଲ୍ୟରେ ଏକ ବଡ଼ ପାର୍ଥକ୍ୟ ଅଛି । ଏପରି ପରିସ୍ଥିତିରେ ଅସିଲ ଓ ନକଲି ସାନିଟାଇଜର ବିଷୟରେ କେହି କିପରି ଜାଣିପାରିବେ ? ବ୍ୟବସାୟୀ ସହ ଜଡ଼ିତ ଲୋକମାନେ ହିଁ ଅସଲ ଓ ନକଲି ମଧ୍ୟରେ ପାର୍ଥକ୍ୟ କହିପାରନ୍ତି । ଆରଭି ଏଣ୍ଟରପ୍ରାଇଜେସର ନିର୍ଦ୍ଦେଶକ ରାଜାରାମ ଶଙ୍କର କହିଛନ୍ତି ଯେ, ଯେତେବେଳେ ବି ଆମେ ସାନିଟାଇଜର ବ୍ୟବହାର କରୁ, ଏହା fda Aproved ସାନିଟାଇଜର ହେବା ଉଚିତ୍ । ଏଥିରେ ଅତିକମରେ ୬୦ ପ୍ରତିଶତ ଆଲକୋହଲ ମହଜୁଦ ଥାଏ । ଏହା ମଧ୍ୟ ଦେଖାଯିବା ଉଚିତ ଯେ ସରକାର ଦ୍ୱାରା ଜାରି ହୋଇଥିବା ସମସ୍ତ ନିୟମ ସେହି କମ୍ପାନୀ ଦ୍ୱାରା ପାଳନ କରାଯାଉଛି କି ?

ପରବର୍ତ୍ତୀ ସମୟରେ ଆପଣ ଯେତେବେଳେ ସାନିଟାଇଜର କିଣିବାକୁ ଯିବେ ଏହି କଥାକୁ ମନେରଖନ୍ତୁ ଯେ କେବଳ fdaର ସ୍ୱୀକୃତି ଥିବା ସାନିଟାଇଜର କିଣିବେ । ଏହାସହ ଲାଇସେନ୍ସ ନମ୍ବର ଏବଂ ଅନ୍ୟାନ୍ୟ ସୂଚନା ମଧ୍ୟ ଦେଖିବେ ।