• ଆଜି ରାଜ୍ୟରେ ହେବନି କୋରୋନା ଟିକାକରଣ
  • ରାଜ୍ୟର ୮୫% କୋଭିଡ ଯୋଦ୍ଧା ନେଲେ କୋରୋନା ଟିକା
  • ଚିଲିକା, ଗହୀରମଥା ଓ ଭିତରକନିକାରେ ଆଜିଠାରୁ ଡଲଫିନ ଗଣନା
  • ଭୁବନେଶ୍ୱରସ୍ଥିତ ୫ଟି ସ୍କୁଲ ବୁଲିଲେ 5T ସଚିବ ଭି.କେ.ପାଣ୍ଡିଆନ
  • ସୁନ୍ଦରଗଡ଼ ବାହିୟାମ ଗାଁରେ ମାଆର ତଣ୍ଟି କାଟିଲା ପୁଅ
  • ବିଶ୍ବରେ କୋରୋନା ମୃତ୍ୟୁ ସଂଖ୍ୟା ୨୦.୨୯ ଲକ୍ଷକୁ ବୃଦ୍ଧି
  • ଜାମ୍ମୁ ଓ କାଶ୍ମୀରର କାଟ୍ରାରେ ୪.୧ ତୀବ୍ରତାର ଭୂମିକମ୍ପ ଅନୁଭୂତ
  • ଆସନ୍ତାକାଲି ଖୋଲିବ ଘଟଗାଁ ତାରିଣୀ ମନ୍ଦିର
  • ସମ୍ବଲପୁରରେ ନକଲି ସର୍ଫ କାରଖାନା ଠାବ
  • ମନବଦଳାଇଲା ହ୍ୱାଟସଆପ୍, ମେ' ୧୫ ପର୍ଯ୍ୟନ୍ତ ପ୍ରାଇଭେସି ପଲିସିରେ ଲାଗିଲା ରୋକ୍

ଗୋଟିଏ ଦିନର କୋରୋନା ମାମଲାରେ ନୂଆ ବିଶ୍ୱ ରେକର୍ଡ କଲେ ଆମେରିକା-ଫ୍ରାନ୍ସ, ବ୍ରିଟେନରେ ପୁଣି ଲାଗିଲା ଲକଡାଉନ୍

ଆମେରିକାରେ ଶୁକ୍ରବାର ଗୋଟିଏ ଦିନରେ ପ୍ରାୟ ୮୦,୦୦୦ ନୂଆ ମାମଲା ସାମ୍ନାକୁ ଆସିଥିଲା, ଯାହା ମହାମାରୀ ଆରମ୍ଭ ହେବା ପରେ ସର୍ବାଧିକ ସଂଖ୍ୟକ ମାମଲା । 

ଗୋଟିଏ ଦିନର କୋରୋନା ମାମଲାରେ ନୂଆ ବିଶ୍ୱ ରେକର୍ଡ କଲେ ଆମେରିକା-ଫ୍ରାନ୍ସ, ବ୍ରିଟେନରେ ପୁଣି ଲାଗିଲା ଲକଡାଉନ୍

ନୂଆଦିଲ୍ଲୀ: ଯଦିଓ ଭାରତରେ କୋରୋନା ଭାଇରସ (Coronavirus) ମାମଲା ଗତି ମନ୍ଥର ହୋଇଛି, କିନ୍ତୁ ଆମେରିକା, ଫ୍ରାନ୍ସ ଏବଂ ବ୍ରିଟେନରେ ଏହି ମହାମାରୀର ତାଣ୍ଡବ ଥମିବାର ନାଁ ନେଉନାହିଁ । ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସମସ୍ତ ଦାବି ସତ୍ତ୍ୱେ କୋରୋନା ଭୂତାଣୁ ପୁଣି ଥରେ ବଢ଼ିବାରେ ଲାଗିଛି ।

ଆମେରିକାରେ ଶୁକ୍ରବାର ଗୋଟିଏ ଦିନରେ ପ୍ରାୟ ୮୦,୦୦୦ ନୂଆ ମାମଲା ସାମ୍ନାକୁ ଆସିଥିଲା, ଯାହା ମହାମାରୀ ଆରମ୍ଭ ହେବା ପରେ ସର୍ବାଧିକ ସଂଖ୍ୟକ ମାମଲା । ଆମେରିକାର ୫୦ଟି ରାଜ୍ୟ ମଧ୍ୟରୁ ୩୮ଟିରେ କୋରୋନା ସ୍ଥିତି ଅତି ଅତ୍ୟନ୍ତ ଭୟାବହ ରହିଛି । ଏହା ବ୍ୟତୀତ, ଫ୍ରାନ୍ସରେ ମଧ୍ୟ କୋଭିଡ-19 ଭୟଙ୍କର ରୂପ ଧାରଣ କରିଛି ।

ଅଧିକ ପଢ଼ନ୍ତୁ:-ମହାରାଷ୍ଟ୍ରରେ ବିଜେପିକୁ ଲାଗିଲା ଆଉ ଏକ ଝଟକା, ଶିବସେନାରେ ସାମିଲ ହେଲେ ବିଧାୟକ ଗୀତା ଜୈନ

ଫ୍ରାନ୍ସରେ ଗୋଟିଏ ଦିନକୁ ପ୍ରାୟ ୪୨,୦୦୦ ନୂଆ ମାମଲା ସାମ୍ନାକୁ ଆସିଛି । ଏହା ବ୍ୟତୀତ ବ୍ରିଟେନରେ କୋରୋନା ଭୂତାଣୁ ମଧ୍ୟ ବ୍ୟାପିବାରେ ଲାଗିଛି, ଯେଉଁଥିପାଇଁ ସେଠାରେ କଡା ଲକଡାଉନ୍ ଲଗାଯାଇଛି । କୋରୋନା ଯୋଗୁଁ ଆମେରିକାରେ ବର୍ତ୍ତମାନ ପର୍ଯ୍ୟନ୍ତ ୨,୨୯,୨୮୪ ସଂକ୍ରମିତଙ୍କ ମୃତ୍ୟୁ ଘଟିଛି । ପ୍ରାୟ ୮୮ ଲକ୍ଷ ଲୋକ ସଂକ୍ରମିତ ହୋଇଛନ୍ତି ।

ଅଧିକ ପଢ଼ନ୍ତୁ:-କୋରୋନା ଭୂତାଣୁ ଯୋଗୁଁ ଶେଷ ହେଉଛି ଏହି ରୋଗ ! ପ୍ରତିବର୍ଷ ହୋଇଥାଏ ଲକ୍ଷ ଲକ୍ଷ ଲୋକଙ୍କ ମୃତ୍ୟୁ

ଫ୍ରାନ୍ସରେ ବର୍ତ୍ତମାନ ପର୍ଯ୍ୟନ୍ତ ୩୪,୫୦୮ ସଂକ୍ରମିତଙ୍କର ମୃତ୍ୟୁ ଘଟିଛି । କେବଳ ସମଗ୍ର  ବିଶ୍ୱ ବିଷୟରେ କହିବାକୁ ଗଲେ ଏହି ବିପଜ୍ଜନକ ଭୂତାଣୁ ଯୋଗୁଁ ପ୍ରାୟ ୧୧.୫ ଲକ୍ଷ ଲୋକ ମୃତ୍ୟୁ ବରଣ କରିଛନ୍ତି । ଗତ ଶୁକ୍ରବାର ଠାରୁ ବ୍ରିଟେନରେ କୋରୋନା ଭୂତାଣୁର ବଢ଼ୁଥିବା ମାମଲାକୁ ଦୃଷ୍ଟିରେ ରଖି ଲକଡାଉନ୍ ଲାଗୁ କରାଯାଇଛି । କୋରୋନା ମାମଲା ବୃଦ୍ଧିକୁ ଦୃଷ୍ଟିରେ ରଖି ୱେଲ୍ସରେ ସମ୍ପୂର୍ଣ୍ଣ ତାଲା ପକାଇ ଦିଆଯାଇଛି । ଗ୍ରେଟର ମଞ୍ଚେଷ୍ଟର,  ଇଂଲଣ୍ଡର ଲିଭରପୁଲ୍ ସିଟି ଅଞ୍ଚଳ ଏବଂ ଲଙ୍କାଶାୟରରେ କଡା ପ୍ରତିବନ୍ଧକ ଲାଗୁ ହୋଇଛି । ଏହା ବ୍ୟତୀତ ଦକ୍ଷିଣ ୟର୍କଶାୟର ଅଞ୍ଚଳରେ କୋରୋନା ଭୂତାଣୁ ମାମଲା ବୃଦ୍ଧି ହେତୁ ଲକଡାଉନ୍ ଲାଗୁ କରାଯାଇଛି ।