କେବଳ ଗୋଟିଏ ଭୁଲ, ଆଉ ଗୋଟିଏ ପରିବାରର ୨୬ ସଦସ୍ୟଙ୍କ ସମେତ ୩୧ ଜଣଙ୍କୁ କୋରୋନା

ନୂଆଦିଲ୍ଲୀ: କୋରୋନ୍ ଭୂତାଣୁ ବିସ୍ତାର ନହେବା ପାଇଁ ସାରା ଦେଶରେ ଲକଡାଉନ ଜାରି ରହିଛି । ଯେଉଁଠାରେ ଅଧିକ ମାମଲା ଅଛି ସେହି ହଟସ୍ପଟକୁ ସିଲ୍ କରାଯାଇଛି । ଏହି ସମୟରେ ଦିଲ୍ଲୀର ଏକ କଣ୍ଟେନମେଣ୍ଟ ଜୋନର ଗୋଟିଏ ପରିବାରର ୨୬ ସଦସ୍ୟଙ୍କ ସମେତ ୩୧ ଜଣ ବ୍ୟକ୍ତିଙ୍କୁ କୋରୋନା ସଂକ୍ରମିତ ହୋଇଛି । ଏଥିରେ ପ୍ରଶାସନର ଏକ ବଡ଼ ଅବହେଳାର ମାମଲା ସାମ୍ନାକୁ ଆସିଛି ।

ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଶନିବାର କହିଛନ୍ତି ଯେ ଜାହଙ୍ଗୀରପୁରୀ କଣ୍ଟେନମେଣ୍ଟ ଜୋନରେ ଗୋଟିଏ ପରିବାରର ୨୬ ଜଣ ବ୍ୟକ୍ତି ସଂକ୍ରମିତ ହୋଇଛନ୍ତି । ଏଠାରେ ଗୋଟିଏ ଘର ଆଖପାଖରେ ଅନେକ ଘର ରହିଛି । କଣ୍ଟେନମେଣ୍ଟ ଜୋନ ହେବା ସତ୍ତ୍ୱେ ପରିବାର ଲୋକମାନେ ପରସ୍ପର ଘରକୁ ଯାଉଥିଲେ । ଏପରି ପରିସ୍ଥିତିରେ ଜଣେ ବ୍ୟକ୍ତି ସଂକ୍ରମିତ ଯୋଗୁଁ ସମସ୍ତେ କୋରୋନା ଦ୍ୱାରା ଆକ୍ରାନ୍ତ ହୋଇଛନ୍ତି ।

ପ୍ରକୃତରେ ଏପ୍ରିଲ  ୫ରେ ଏଠାକାର ଜଣେ ମହିଳା ଆରଏମଏଲ ହସ୍ପିଟାଲରେ ମୃତ୍ୟୁ ବରଣ କରିଥିଲେ । କୁହାଯାଉଛି ଯେ ମହିଳାଙ୍କ କୋରୋନା ରିପୋର୍ଟ ଆସିବା ପୂର୍ବରୁ ମୃତ ବ୍ୟକ୍ତିଙ୍କୁ ପରିବାରକୁ ହସ୍ତାନ୍ତର କରାଯାଇଥିଲା । ପରେ ଯେତେବେଳେ ମହିଳାଙ୍କ ରିପୋର୍ଟ ପଜିଟିଭ ଆସିଲ, ସମସ୍ତେ ଆତଙ୍କିତ ହୋଇଯାଇଥିଲେ । ସେତେବେଳକୁ ପରିବାରର ୨୬ ଜଣ ସଦସ୍ୟ ସଂକ୍ରମିତ ହୋଇ ସାରିଥିଲେ । ଆଖପାଖର କିଛି ଲୋକ ମଧ୍ୟ ସଂକ୍ରମିତ ହୋଇଥିଲେ। ଏହି ଉପାୟରେ ୩୧ ଜଣ ଭୁଲରେ ଏହି ଭୂତାଣୁ ଦ୍ୱାରା ଆକ୍ରାନ୍ତ ହୋଇଛନ୍ତି ।