 "Omicron ଆତଙ୍କ ବେଳେ କୋରୋନା ବିସ୍ଫୋରଣ, ଭାଙ୍ଗିଲା ଛଅ ମାସର ରେକର୍ଡ")
ନୂଆଦିଲ୍ଲୀ: କୋରୋର ନୂତନ ଭ୍ୟାରିଆଣ୍ଟ ଓମିକ୍ରୋନର ସଙ୍କଟ ମଧ୍ୟରେ ଦିଲ୍ଲୀରେ କୋରୋନା ସଂକ୍ରମଣ ମାମଲା ପୁଣି ଥରେ ବୃଦ୍ଧି ପାଇଛି। ରବିବାର ଦିଲ୍ଲୀରେ କୋରୋନାର ଦୈନିକ ସଂକ୍ରମଣ ଗତ ଛଅ ମାସର ରେକର୍ଡ ଭାଙ୍ଗିଛି। ଗତ କିଛି ଦିନ ହେବ ଦିଲ୍ଲୀରେ କୋରୋନା ମାମଲାରେ ବୃଦ୍ଧି ଘଟିଛି। ଗତ ୨୪ ଘଣ୍ଟା ମଧ୍ୟରେ ଦିଲ୍ଲୀରେ ୧୦୭ଟି କୋରୋନା ମାମଲା ପଞ୍ଜିକୃତ ହୋଇଥିଲା ଏବଂ ଏହି ସମୟ ମଧ୍ୟରେ ଜଣେ ରୋଗୀ ମଧ୍ୟ ପ୍ରାଣ ହରାଇଥିଲେ। ଯଦିଓ ୫୦ ରୋଗୀ ଆରୋଗ୍ୟ ହୋଇ ଘରକୁ ଫେରିଥିଲେ।
ଦିଲ୍ଲୀ (Delhi) ରେ କୋରୋନା (Coronavirus) ସଂକ୍ରମଣର ହାର ପୁଣିଥରେ ବୃଦ୍ଧି ପାଇଛି। ପଜିଟିଭ୍ ହାର ୦.୧୭ ପ୍ରତିଶତକୁ ବୃଦ୍ଧି ପାଇଛି। ଏହାପୂର୍ବରୁ ଚଳିତ ବର୍ଷ ଜୁନ୍ ୨୫ରେ ଗୋଟିଏ ଦିନରେ ସର୍ବାଧିକ ୧୧୫ଟି କୋରୋନା ମାମଲା ରିପୋର୍ଟ ହୋଇଥିଲା। ଜୁନ୍ ୨୨ରେ ସଂକ୍ରମଣ ହାର .୧୯ ପ୍ରତିଶତ ଥିଲା। ଦିଲ୍ଲୀରେ ୧୦ ଦିନ ପରେ କୋରୋନା ଯୋଗୁଁ ଜଣେ ମୃତ୍ୟୁ ବରଣ କରିଛନ୍ତି ଏବଂ ମୃତ୍ୟୁ ସଂଖ୍ୟା ୨୫,୧୦୧କୁ ବୃଦ୍ଧି ପାଇଛି। ଦିଲ୍ଲୀରେ ବର୍ତ୍ତମାନ ୫୦୦ରୁ ଅଧିକ ସକ୍ରିୟ ମାମଲା ଅଛି।
ଉଲ୍ଲେଖନୀୟ ବିଷୟ ହେଉଛି, ମହାରାଷ୍ଟ୍ର (Maharastra) ରେ ଓମିକ୍ରୋନର ଆଉ ୬ଟି ନୂଆ ମାମଲା (OMICRON) ରିପୋର୍ଟ ହେବା ପରେ ରବିବାର ଭାରତରେ ଏହାର ସଂଖ୍ୟା ୧୫୧କୁ ବୃଦ୍ଧି ପାଇଛି। କେନ୍ଦ୍ରୀୟ ଏବଂ ରାଜ୍ୟ ଅଧିକାରୀଙ୍କ ଅନୁଯାୟୀ, ଏପର୍ଯ୍ୟନ୍ତ ମହାରାଷ୍ଟ୍ରରେ ୫୪, ଦିଲ୍ଲୀରେ ୨୨, ରାଜସ୍ଥାନରେ ୧୭, କର୍ଣ୍ଣାଟକରେ ୧୪, କେରଳରେ ୧୧, ଗୁଜୁରାଟରେ ୯ ଓ ଆନ୍ଧ୍ରପ୍ରଦେଶ, ଚଣ୍ଡିଗଡ଼ରେ, ତାମିଲନାଡୁ, ପଶ୍ଚିମବଙ୍ଗରେ ଗୋଟିଏ ଲେଖାଏଁ ମାମଲା ଦେଖିବାକୁ ମିଳିଛି।
ରବିବାର ମହାରାଷ୍ଟ୍ରର ୬ ଜଣ ଲୋକ ଓମିକ୍ରୋନରେ ସଂକ୍ରମିତ ହୋଇଥିବା ଜଣାପଡିଛି। ଏହା ପରେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୫୪କୁ ବୃଦ୍ଧି ପାଇଛି। ଏହି ରୋଗୀଙ୍କ ମଧ୍ୟରୁ ଦୁଇଜଣ ତାଞ୍ଜାନିଆ ଯାଇଥିଲେ। ଦୁଇଜଣ ବ୍ରିଟେନରୁ ଫେରିଥିବା ବେଳେ ଜଣେ ପଶ୍ଚିମ ଏସିଆ ଯାତ୍ରା କରିଛନ୍ତି। ଏହାପୂର୍ବରୁ ଶନିବାର ମହାରାଷ୍ଟ୍ରରେ ଓମିକ୍ରନ୍ ଭାରିଆଣ୍ଟର ୮ଟି ନୂଆ ମାମଲା ରିପୋର୍ଟ ହୋଇଥିଲା। ସୁପର ସ୍ପିଡର ଓମିକ୍ରନ୍ ଭ୍ୟାରିଆଣ୍ଟର ପ୍ରଥମ ମାମଲା ୨୪ ନଭେମ୍ବରରେ ଦକ୍ଷିଣ ଆଫ୍ରିକାରେ ଆସିଥିଲା । ଡିସେମ୍ବରରେ କର୍ଣ୍ଣାଟକରେ ଭାରତରେ ନୂତନ ଭ୍ୟାରିଆଣ୍ଟର ପ୍ରଥମ ଦୁଇଟି ମାମଲା ନିଶ୍ଚିତ ହୋଇଥିଲା।
)