କୋରୋନାଠୁ ଅଧିକ ସାଂଘାତିକ ହୋଇପାରେ ଭବିଷ୍ୟତର ମହାମାରୀ: ରିପୋର୍ଟ

ନୂଆଦିଲ୍ଲୀ: ଜୈବ ବିବିଧତା ଓ ମହାମାରୀ ସମ୍ବନ୍ଧୀୟ ଗ୍ଲୋବାଲ୍ ରିପୋର୍ଟକୁ ବିଶ୍ୱର ୨୨ ପ୍ରମୁଖ ବିଶେଷଜ୍ଞ ପ୍ରସ୍ତୁତ କରିଛନ୍ତି । ଏହି ରିପୋର୍ଟ ଜୈବ ବିବିଧତା ଓ ଇକୋସିଷ୍ଟମ୍ ସର୍ଭିସେସ୍ (ଆଇପିବିଏସ୍) ଉପରେ ଆନ୍ତଃସରକାରୀ ବିଜ୍ଞାନ-ନୀତି ପ୍ଲାଟଫର୍ମ ଦ୍ୱାରା ଡକାଯାଇଥିବା ଏକ କର୍ମଶାଳା ପରେ ପ୍ରସ୍ତୁତ କରାଯାଇଛି । ଏହି ରିପୋର୍ଟ ପ୍ରକୃତିର ଅବକ୍ଷୟ ଏବଂ ବଢୁଥିବା ମହାମାରୀ ମଧ୍ୟରେ ଥିବା ସମ୍ପର୍କ ଉପରେ ଆଧାରିତ ।

ତେବେ, ଗୁରୁତ୍ୱପୂର୍ଣ୍ଣ ସୂଚନା ହେଉଛି ଯେ SARS-CoV-2 ଭୂତାଣୁ ଯାହା କୋରୋନା ସଂକ୍ରମଣ ସୃଷ୍ଟି କରେ ତାହା କେବଳ ଏକମାତ୍ର ଭୂତାଣୁ ନୁହେଁ । ଏପରି ୫,୪୦,୦୦୦ରୁ ୮,୫୦,୦୦୦  ଅଜ୍ଞାତ ଭୂତାଣୁ ପ୍ରକୃତିର ବିଦ୍ୟମାନ ଅଛି ଯାହା ଲୋକମାନଙ୍କୁ କ୍ଷତି ପହଞ୍ଚାଇପାରେ । କୌତୂହଳର ବିଷୟ ହେଉଛି, ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଦ୍ୱାରା ଫ୍ରେଞ୍ଚ୍  ଗୁଇନାରେ ମାଇରୋ ଭାଇରସ୍ ରୋଗ ଆରମ୍ଭ ହେବାର ତିନି ଦିନ ପରେ ଏହି ରିପୋର୍ଟ ଆସିଥିଲା ​। ମାଇରୋ ଭୂତାଣୁ ଏକ ରୋଗ ଯାହା ଡେଙ୍ଗୁ ପରି ବ୍ୟାପିଥାଏ ।

ଉଲ୍ଲେଖନୀୟ କଥା ହେଉଛି, ଦୁନିଆର ୭୦ ପ୍ରତିଶତ ଭୂତାଣୁ ମାଇକ୍ରୋବସ୍ କିମ୍ବା ପଶୁମାନଙ୍କଠାରୁ ହୋଇଥାଏ । ଏଥିମଧ୍ୟରେ ଇବୋଲା, ଜିକା, ନିପା ଏନସେଫାଲାଇଟିସ୍ ଏବଂ ସ୍ୱାଇନ୍ ଫ୍ଲୁ, ଏଚ୍.ଆଇ.ଭି / ଏଡସ୍, କୋଭିଡ୍-19 ଭଳି ଅନେକ ଗୁରୁତର ରୋଗ ସାମିଲ ରହିଛି । ଆଇପିବିଏସ୍ ରିପୋର୍ଟରେ କୁହାଯାଇଛି ଯେ ବନ୍ୟଜନ୍ତୁ, ପଶୁପାଳନ ଏବଂ ଲୋକଙ୍କ ମଧ୍ୟରେ ଯୋଗାଯୋଗ ହେତୁ ଏହି ମାଇକ୍ରୋବସ୍ ବ୍ୟାପିଥାଏ ।

Add Zee News as a Preferred Source

ଅଧିକ ପଢ଼ନ୍ତୁ:-କୋରୋନା ଟୀକା ବଣ୍ଟନକୁ ନେଇ ବହୁତ ବଡ଼ ଖୁସି ଖବର ଦେଲେ ପିଏମ ମୋଦି

କର୍ମଶାଳାରେ ବିଶେଷଜ୍ଞମାନେ ସହମତ ହୋଇଥିଲେ ଯେ ମହାମାରୀର ଯୁଗକୁ ଏଡାଇବା ସମ୍ଭବ, କିନ୍ତୁ ଏଥିପାଇଁ ମନୋଭାବରେ ପରିବର୍ତ୍ତନ ଆଣିବାକୁ ହେବ । ୧୯୧୮ ମସିହାରେ ଗ୍ରେଟ୍ ଇନ୍ଫ୍ଲୁଏଞ୍ଜା ମହାମାରୀ ପରଠାରୁ କୋଭିଡ୍-19 ଅନ୍ତତଃ ପକ୍ଷେ ଷଷ୍ଠ ବିଶ୍ୱ ମହାମାରୀ ଅଟେ ଏବଂ ଯଦିଓ ରିପୋର୍ଟରେ ଦର୍ଶାଯାଇଛି ଯେ ଏହାର ଉତ୍ପତ୍ତି ପଶୁଙ୍କ ଦ୍ୱାରା ଉତ୍ପନ୍ନ ମାଇକ୍ରୋବସରୁ ହୋଇଛି । ସମସ୍ତ ମହାମାରୀ ପରି ଏହାର ଉତ୍ପତ୍ତି ସଂପୂର୍ଣ୍ଣ ଭାବେ ମାନବ କାର୍ଯ୍ୟକଳାପ ଉପରେ ଆଧାରିତ ।

ଅଧିକ ପଢ଼ନ୍ତୁ:-ଏପରି ଅନଲାଇନ୍ ବୁକ୍ କରନ୍ତୁ ନିଜ LPG ଗ୍ୟାସ ସିଲିଣ୍ଡର, ମିଳିବ ୫୦ ଟଙ୍କା ଶସ୍ତା

ରିପୋର୍ଟରେ ଦର୍ଶାଯାଇଛି ଯେ ଆନୁମାନିକ ୧.୭ ନିୟୁତ ସ୍ତନ୍ୟପାୟୀ ପ୍ରାଣୀ ଏବଂ ପକ୍ଷୀମାନଙ୍କଠାରେ ଏହି ଭୂତାଣୁ ମହଜୁଦ ଅଛନ୍ତି, ଯେଉଁଥିରୁ ୮,୫୦,୦୦୦ ଲୋକଙ୍କୁ ସଂକ୍ରମିତ କରିବାର କ୍ଷମତା ଥାଇପାରେ । ହିନ୍ଦୁସ୍ତାନ ଟାଇମ୍ସ ଅନୁଯାୟୀ, ଇକୋସ୍ଲି ଆଲାଇନ୍ସର ଅଧ୍ୟକ୍ଷ ଡକ୍ଟର ପିଟର ଦାସଜକ କହିଛନ୍ତି ଯେ, କୋରୋନା ଭୂତାଣୁରେ କୌଣସି ବଡ଼ ରହସ୍ୟ ନାହିଁ । ଏହା ମଧ୍ୟ ଆଧୁନିକ ମହାମାରୀ ପରି ।

ଅଧିକ ପଢ଼ନ୍ତୁ:-ୟୁରୋପରେ ପୁଣି ଆରମ୍ଭ ହେଲା କୋରୋନାର ତାଣ୍ଡବ, ସ୍ପେନରେ ଲାଗିଲା ୬ ମାସ ପାଇଁ ସ୍ୱାସ୍ଥ୍ୟ ଜରୁରୀକାଳୀନ ପରିସ୍ଥିତି

ରିପୋର୍ଟରେ ଦର୍ଶାଯାଇଛି ଯେ ଜୈବ ବିବିଧତାକୁ କ୍ଷତି ପହଞ୍ଚାଉଥିବା ମାନବ ଗତିବିଧିକୁ କମ୍ କରି ତଥା ସଂରକ୍ଷିତ ଅଞ୍ଚଳଗୁଡିକର ଅଧିକ ସଂରକ୍ଷଣ ମାଧ୍ୟମରେ ଉଚ୍ଚ ଜୈବ ବିବିଧତା ଥିବା ଅଞ୍ଚଳର ଶୋଷଣକୁ ହ୍ରାସ କରିବାର ଉପାୟ ମାଧ୍ୟମରେ ମହାମାରୀ ବିପଦକୁ ହ୍ରାସ କରାଯାଇପାରିବ । ଏହା ବନ୍ୟଜନ୍ତୁ-ପଶୁ-ମାନବ-ପାରସ୍ପରିକ କ୍ରିୟାକୁ ହ୍ରାସ କରିବ ଏବଂ ନୂତନ ରୋଗର ବିସ୍ତାରକୁ ରୋକିବାରେ ସାହାଯ୍ୟ କରିବ ।