ଋତୁକାଳୀନ ରୋଗ ହୋଇଯିବ କୋରୋନା, ଏହି ସହରରେ ହେବ ସାଂଘାତିକ

ନୂଆଦିଲ୍ଲୀ: ମହାମାରୀ କୋରୋନା ଆହୁରି ସାଂଘାତିକ ରୂପ ନେବ।କିଛି ଦେଶ କିମ୍ବା କିଛି ସହରରେ ଏହା ବର୍ତ୍ତମାନ ଠାରୁ ମଧ୍ୟ ସାଂଘାତିକ ରୂପ ନେବ ବୋଲି ରିପୋର୍ଟରୁ ପ୍ରକାଶ। ଥଣ୍ଡା ଜଳବାୟୁରେ ଏହା ଆହୁରି ମାରାତ୍ମକ ହେବ ବୋଲି ସୂଚନା ରହିଛି। ଏଭଳି କିଛି ଚାଞ୍ଚଲ୍ୟକର ତଥ୍ୟ ପ୍ରକାଶ କରିଛି ନିଷ୍କର୍ସ ଫ୍ରଣ୍ଟିୟର ଇନ ପବ୍ଲିକ ହେଲଥ। ଏହି ପତ୍ରିକା ଦାବି କରିଛି ଯେ, ଏହି ବେମାରୀ ବର୍ଷ ତମାମ ସଂକ୍ରମିତ ହେବ। ସଂକ୍ରମିତଙ୍କ ସଂଖ୍ୟା କମ ରହିଲେ ମଧ୍ୟ ସମୂଳେ ନାଶ ହେବ ନାହିଁ ବୋଲି ସୂଚନା ମିଳିଛି। 

ଏହି ପତ୍ରିକାର ଜଣେ ଅଧ୍ୟୟନକର୍ତ୍ତା ହସନ ଜାରକେଟ ବେରୁତ ବିଶ୍ୱବିଦ୍ୟାଳୟରେ ଅନୁଧ୍ୟାନ କରୁଥିବା ସମୟରେ ସେ କହିଥିଲେକି, କୋରୋନା ଭାଇରସ ବର୍ଷ ସାରା ଏଭଳି ପ୍ରକୋପ ସୃଷ୍ଟି କରୁଥିବ। ତମାମ ବର୍ଷସାରା ସଂକ୍ରମିତ ହେଉଥିବ। ସମ୍ପୂର୍ଣ୍ଣଭାବେ ଏହା ଶେଷ ହେବ ନାହିଁ। ତେବେ ଏହି ଭାଇରସରୁ ମୁକ୍ତି ପାଇବା ପାଇଁ ମାସ୍କ ପିନ୍ଧିବା, ସାମାଜିକ ଦୂରତା ଅବଲମ୍ବନ କରିବା, ହାତକୁ ବାରମ୍ବାର ଧୋଇବା, ସାନିଟାଇଜ କରିବା ଆଦି କାର୍ଯ୍ୟକୁ ଜାରି ରଖିଭା ଭଳି ପଦକ୍ଷେପ କାରଣରୁ ଏଥିରୁ ସୁରକ୍ଷିତ ରହିପାରିବା ବୋଲି ସେ କହିଥିଲେ। 

ଦୋହାରେ କତାର ବିଶ୍ୱବିଦ୍ୟାଳୟ ସହଯୋଗୀ ଲେଖକ ଡା। ହାଦୀ ୟାସିନ କହିଛନ୍ତି କି, କୋଭିଡ଼ ୧୯ର ଅନେକ ଗୁଡ଼ିଏ ସ୍ତର ଦେଖିବାକୁ ମିଳିଛି। ସଂକ୍ରମିତ ହେବାର ଅନେକ ପାହାଚ ମଧ୍ୟ ଦେଖିବାକୁ ମିଳିଛି ଓ ଆଗକୁ ମଧ୍ୟ ମିଳିବ। ଅନୁଧ୍ୟାନକାରୀଙ୍କ କହିବା ମୁତାବକ ବାୟୁ  ମଣ୍ଡଳ କିମ୍ବା ପୃଥିବୀ ପୃଷ୍ଠରେ ଏହି ଭାଇରସର ଅସ୍ତିତ୍ୱ ରହିବ। ଏହା କେବେ ହେଲେ ଅନ୍ତ ହେବ ନାହିଁ।  ତାପମାତ୍ରା ପରିବର୍ତ୍ତନ ସହିତ ଏହାର ମାତ୍ରା ମଧ୍ୟ ବୃଦ୍ଧି ଘଟିବ। ଥଣ୍ଡା ଅନୁଭୂତ ହେଉଥିବା ରାଷ୍ଟ୍ର କିମ୍ବା ସହର ଗୁଡ଼ିକରେ ଏହାର ମାତ୍ରା ଅଧିକ ପଡ଼ିବ। ଥଣ୍ଡା କିମ୍ବା ଶୀତ ଦିନେ ଏହା ଅଧିକ ମାତ୍ରା ସଂକ୍ରମିତ ହେବ ବୋଲି ଅନୁଧ୍ୟାନ କରୁଥିବା କର୍ତ୍ତୃପକ୍ଷ ସୂଚନା ଦେଇଛନ୍ତି।